الى متى يالمرشدي ؟؟؟ - نادي الهلال السعودي - شبكة الزعيم

ABDULRAHMAN ALAEIDI · #1 29/10/2010, 12:00 AM

السلام عليكم

انا بدخل للموضوع علطووول

بدون اي مقدمات المرشدي ؟ علامة استفهام كبيره على هاللاعب

اجل عمركم شفتو واحد يخطي مرتين ووين بمنطقة الجزاء :|

المرشدي الى متى هالاخطاء الى متى ؟

ترا الملاعب السعوديه مليانه بالمدافعين والهلال فيه غيرك

دائما ماتكون اخطائك فادحه !

ياسامي تكفى الحق على الرجال يمكن مهب مرتاح مع الهلال يمكن يعاني من مشاكل عائليه

كم مناوله خطأ ؟ وكم تخليص غير صحيح؟

اما ذوب اهن اخطأت كثير بمناولاتك وامام النصر سببت بلنتي

واليوم مسبب بلنتيين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وين افضل لاعب بكاس الخليج ؟

والله كنت اتمنى انك تسجل علشان الهدف يكون دافع معنوي لك مهب تسبب بلنتيين

وتطرد ؟؟؟ ياخي لاتخلي الناس تقول انك نقص علينا

تمنيت تسجل لأنك العام وقبل العام مسجل في هذا الملعب

اتمنى من المرشدي اعادة حساباته

اتمنى من الهلال اداره وجمهور سؤال المرشدي عن حالته

ابي يصرح ويفضفض والله كلنا فداه يكفي انه لاعب هلالي

اتمنى من سامي الجابر الجلوس معه لتصحيح اخطاءه

والا جلس المرشدي مع سامي بالاحتياط

اسف عالاطاله وشكرا

لاتحرموني من ردودكم ونقدكم البناء

اخوكم: عبدالرحمن العيدي

ABDULRAHMAN ALAEIDI · #2 29/10/2010, 12:01 AM

شكرا عالرفع ياحلى مشرفيــــــــــــــــــــــــــن

هلالي%ولدسليم · #3 29/10/2010, 12:21 AM

المرشدي كان يغطي اخطائه هوساوي

ويوم نزل مستوى هوساوي بان مستواه

الله يوفق الزعيم

تحياتي لك

! waleed ! · #4 29/10/2010, 12:24 AM

والله انه دابل سبدي فعلا الى متى يالمرشدي وانت كذا..ياخوي شد على نفسك والعب السهل ماهو على عماه التشتيت..وثاني شي ترى خيرات موجود..

البرفسر · #5 29/10/2010, 12:34 AM

احرقت دمي الله يحرق دمك يالمرشدي

Sultan | سلطان · #6 29/10/2010, 12:38 AM

بأختصار

المرشدي لايحس بشعار الهلال .. لايقدر الفانيلة .. لايقدر اعصاب الجمهور

لاعب مستهتر بدرجة عالية من الاستهتار ..!!

ثلاثة بلنتيات في مباراتين متتاليتين ..!!! رقم قياسي والله .!

اعطوا المركز لمن يحترق لأجل الهلال فقط

كريستالي الهلالي · #7 29/10/2010, 12:39 AM

نعم أخطأ المرشدي لكن أخطاء الزوري اتوقع من اسباب نرفزة ماجد لكن جهته شوارع وترتب لعب الهلال يوم طلع الزوري

star hilaliah · #8 29/10/2010, 12:41 AM

كلام سليييييييم

قلنا مررة معليش بس يتكرر الخطا مرة ومرتين وثلاااث هذا الي مانرضاااه

ღهلالي مكةღ · #9 29/10/2010, 12:43 AM

هههههههههههههه

هذي إمكانيات المرشدي يا ناس

محد يدري ؟؟

يوم انخفض مستوى هوساوي انفضح ماجد !!!

كان هوساوي يغطي على كل اخطاءة من زمااااااااااااااااان وفي كل هجمة كنت ألاحظ هالشيء

وهوساوي ان شاء الله راجع لمستواه وبيرجع ماجد خخخ

scorpion101 · #10 29/10/2010, 12:44 AM

انآ اتوقع ومن وجهة نضري ان المرشدي يعآلج نفسيآ قبل دخوله الى أرض الملعب

اللـآعب محتآج دعم نفسي قبل كل شي

وهذا اللي اتوقعه

لان مستوآه من ( دحديره لجرف )

20 الكاسر ياسر 20 · #11 29/10/2010, 12:45 AM

نذكر الفتره اللي انصاب فيها المرشدي ولعب خيرات ، كان مبدع ومسوي ثنائي رائع مع هوساوي
ماجد لازم ينتبه لنفسه ، اليوم ماكان مركز وكان من أسوأ لاعبين المباراه !!