][ EPL10 ][ ارسنال و تشيلسي يفوزون بالدقائق الأخيره I المانيو يفوز على توتنهام I ديربي بيرمنغهام سلبي I نيوكاسل يخمس بسندرلاند I ماكسي يفوز الليفر ][ - صفحة رقم 4 - نادي الهلال السعودي - شبكة الزعيم

ســـــهم · #1 31/10/2010, 12:07 PM

مبروك الفوز لكل الفائزين وهارد لك لكل المهزومين وبرافو لكل المتعادلين وهنيئا لكل المتنافسين >> ضيع من بعد الهزايم المتتالية

ما عندي ولا شي اقوله الا شي واااحد ..

وين انت ماهي مثل وين انت دايم .. وين انت هـ المرة عن 2000 وين انت
يا مطــول الغيبــات ويــن الغنــايم .. مـابـي ولا حــاجة ســـواك انـت لاهنـت

hilalemooot · #2 31/10/2010, 02:17 PM

.

إقتباس

الرسالة الأصلية كتبت بواسطة THEO WALCOTT

بعدين غوميز بعد المباراه يقول للحكم انا شايفك ما قلت لي كمل,

شايفه ما قال كمل بس هالكلام ما يعني انه صفّر يا حارس يا غبي
غوميز حارس ممتاز بس فيه غباء مستفحل هههههههههههههههه

مانشستراوية مبروك الثلاث نقاط .. ناني تفلت رهيييييييييييب في المستوى
هالموسم موسم ناني .. وصديقي خافيير اللي بدأ ياخذ وضعه الطبيعي شوي شوي
تحركه امس بخطه المهاجم الوحيد كان مزعج لدفاعات السبيرز

خط الدفاع شي جميل .. فيه بعض الهفوات بس الحمدلله طلعنا بكلين شيت
الكبيتانو كالعاده في المباريات الكبيرة وبتواجد الريو يكون حاضر

ثلاث نقاط ثمينه .. المانيو من مباراة لأخرى يبدأ ياخذ وضعه الطبيعي
عندنا ولفزهوم - سيتي - فيلانز كلهم اواي - ويغان و بلاكبيرن هوم .. اذا نبي
الدوري لازم نطلع من 15 نقطه بـ 13 اقل شي .. وان شاء الله ليفربول يسون
شي زين بحياتهم الاسبوع الجاي ولو اني ما اتوقع

Arsenal · #3 31/10/2010, 02:25 PM

إقتباس

الرسالة الأصلية كتبت بواسطة FLETCHER


	مساء الخير محمد..بشرني عنك محمد تتكلم من جدك؟؟اقولها صادق والله المشكلة ردك جايبه بطريقة توهم اللي ما تابع المتش انها خطآ على ناني و قوميز مظلوم حتى ردك موضحه من نص اللقطة ولا جبت طاري البلنتي الوااااااااضح والصرييييح نهائيآ!! قصدك الحكم ما صفـٌـر و الكورة تلعب على الصافرة..وماهو ذنب ناني ان جوميز دبشة مبروك للي فازوآ واولهم انت..وهارد لك للبقية و لنا عودة ان شاء الله

هلا وغلا عمر

بخير يا ربي لك الحمد بشرنا عنك

شفتوا كيف خليت المنشستراويه يردون

يا بعدي الكوره مسكها ناني بيده انا ما لي دخل بالبلنتي الحكم ما حسبها خلاص الحين لقطه ثانيه

حق الرايه رفع رايته على اساس ان ناني لمسها بيده و الحكم ما قال كمل لكن و الله اعلم ما حسبها فاول برضوا

لكن رجع و كلم حق الرايه و اكيد قاله انها بيده و عشان كذا رفع الرايه طيب و الحكم بيصفر اذا شاف الرايه اكيد طيب يوم رفع رايته ذا ليش ما ألغى الهدف

عموما ً هو قتلهم لكن توتنهام ما قدم شي عشان ياخذ نقطه من المباراه و المانيو استحق الفوز

إقتباس

الرسالة الأصلية كتبت بواسطة hilalemooot


	.شايفه ما قال كمل بس هالكلام ما يعني انه صفّر يا حارس يا غبي

طيب هي فاول ولا لا

<

ابو خالد

مبروك الفوز

,

مــانــيــاوي · #4 31/10/2010, 11:16 PM

إقتباس

الرسالة الأصلية كتبت بواسطة THEO WALCOTT


	هلا وغلا عمر بخير يا ربي لك الحمد بشرنا عنك شفتوا كيف خليت المنشستراويه يردون يا بعدي الكوره مسكها ناني بيده انا ما لي دخل بالبلنتي الحكم ما حسبها خلاص الحين لقطه ثانيه حق الرايه رفع رايته على اساس ان ناني لمسها بيده و الحكم ما قال كمل لكن و الله اعلم ما حسبها فاول برضوا

محمد من جدك تتكلم ؟؟؟؟
شلون عرفت ان الحكم رفع رايته ؟؟ما جابوا لقطة الحكم يرفع الراية
قصدي انا قبل مايشوت ناني اذا بعد ما ناني سجل جا ذا ورفعت رايته فهذي مشكلته وغلطته هو

وارجع للهدف وتاكد .. حاولت احطه لك هنا بس مدري ليش ما ظبط

وبعدين ابي اعرف شلون الحكم ما قال كمل وما حسبها فاول ؟؟؟!!!

يا فاول يا كمل .....

إقتباس

الرسالة الأصلية كتبت بواسطة THEO WALCOTT


	طيب هي فاول ولا لا <

البلنتي تقول مالك دخل الحكم ما حسبها وخلاص
وحقت ناني طيب ليش لك دخل فيها وليش ما تطبق عليها نفس كلام البلنتي

اترك عنك التعصب

Hameedo · #5 01/11/2010, 12:46 AM

اوووف مابغا يجي الفوز ضد وست هام..قلق واعصاب بس ربك فرجها براس سونق..الحمدلله..
سونق اللي كل موسم عن الثاني يتحفنا بشي من ابداعاته ..وحش ياسونق ورا وقدام وحش..منقذ ورا وقدام. هالموسم قدم لنا دوره الهديف..وبكل الاشكال وبروقان كمان مثل هدفه في شاختار في الابطال في اخر جولة لعبناها..
سونق من يوم لعب معنا سجل 8 اهداف..منها 4 هالموسم..ويارب تزيد وتزيد

-بخصوص والكوت...الولد هالموسم اشتغل ع نفسه مضبوط. وبالذات .في التحرك بالكورة وانهاء الهجمه( الى الان 6 اهداف من اصل 7 مباريات لعبها هالموسم 4 منها كان فيها بديل....إن شاء الله يستمر ويتطور أكثر. ويتخلد رقم 14 وقتها من جد في نادينا للمميزين جدا.. ع الاقل في فترة لبسهم للشعار العظيم

,,

- الكلام نفسه لبندتنر بالذات في انهاء الهجمه برجوله ..عطانا كم نهاية حلوة.. أتمنى انها تطور..ويطور من مهارته في التعامل مع الكرة برجوله بشكل عام..

والكوت وبندتنر ..اشوف فيهم لاعبين عظيمين متى ماحسنوا من امور اظن انهم من الممكن انها تطور وتتحسن..
مهما كان..أللعيبه صغار وقدامهم وقت..

مبروك لكل الارسنالية..وويعطيك العافيه يبو عادل وماقصروا المدفعجيه معك زي ماضبطت الموضوع قالوا مالنا الا الثلاث نقاط نهديها لأبو عادل على هالمجهود

-------------------------------

بخصوص ماتش اليونايتد وتوتنهام..في هدف ناني.
شوفوا الصورة لللي ماشافها..

بس في النهاية الحكم ماحسب فاول بالعكس اشر لناني بانه الكورة لاعبه واستفاد منها ..
بس حكم الرايه بعد احتساب الحكم للهدف كلمه لكن احتسبها الحكم هدف ..

الحارس كان غلطان باعتقاده انها خطأ له ..مهما كان انت لاعب محترف.. ..إلعب عالصفيره

Arsenal · #6 01/11/2010, 01:21 AM

إقتباس

الرسالة الأصلية كتبت بواسطة مــانــيــاوي


	محمد من جدك تتكلم ؟؟؟؟ شلون عرفت ان الحكم رفع رايته ؟؟ما جابوا لقطة الحكم يرفع الراية قصدي انا قبل مايشوت ناني اذا بعد ما ناني سجل جا ذا ورفعت رايته فهذي مشكلته وغلطته هو وارجع للهدف وتاكد .. حاولت احطه لك هنا بس مدري ليش ما ظبط وبعدين ابي اعرف شلون الحكم ما قال كمل وما حسبها فاول ؟؟؟!!! يا فاول يا كمل ..... البلنتي تقول مالك دخل الحكم ما حسبها وخلاص وحقت ناني طيب ليش لك دخل فيها وليش ما تطبق عليها نفس كلام البلنتي اترك عنك التعصب

هلا والله انور

والله لا تعصب ولا شيء يا بعدي بس اللي صار لحسه

و فيه كمية أخطآء

زي ما قلت لك هو رفع الرايه و انا شايفها ولا ليه رجع و كلمه الحكم

انا ما قلت ان لقطة ناني بلنتي ولا لا

انا اتكلم على اللي صار بعدها

واضح ان الحكم حب يراضي الطرفين

ما حسب البلنتي همن حسب الهدف

عموما ً استحقيتوا الفوز و انتم أصلا ً متقدمين من أول و ما كنتوا بحاجه لـ مثل هالأخطاء

اليوم بعد كاراغار قاعد يلعب سله بالثمنطعش و بولتون انظلموا

و توتنهام بعد قبل جولتين انحسب لهم هدف و هو تسلل ضد فولهام

و خوذ لك

,

مــانــيــاوي · #7 01/11/2010, 02:01 AM

^^^^^^^^^^^

محمد

حكم الخط ما رفع الرايه من قبل
شكله كان معتمد ان حكم الساحه شاف اللقطة وبيحسبها فاول
وحكم الساحة ما حسب شي اشر لناني بيديه انه مافيه بلنتي ومشى

او انه كان يفكر بالبلنتي وكان منلخم مع الربكة
بس يوم شاف ناني قام واخذ الكوره وسجل هدف وقتها حس بالغلط ورفع رايته
بس كان متأخر وهذا خطأه هو وهو يتحمله ...

الحكم جاه وأتوقع اسأله ليش ما رفع الرايه من قبل ويمكن جوابه ماكان مقنع
عشان كذا سحب عليه ..

وحتى ناني قبل ما يشوت الكورة كان يطالع للحكم والحكم كان فاتح يدينه يعني اللعب ماشي ...

إقتباس

الرسالة الأصلية كتبت بواسطة THEO WALCOTT


	انا ما قلت ان لقطة ناني بلنتي ولا لا ,

انا ما قلت كذا .. شف كلامك

إقتباس

الرسالة الأصلية كتبت بواسطة THEO WALCOTT


	يا بعدي الكوره مسكها ناني بيده انا ما لي دخل بالبلنتي الحكم ما حسبها خلاص الحين لقطه ثانيه

إقتباس

الرسالة الأصلية كتبت بواسطة THEO WALCOTT


	طيب هي فاول ولا لا <

أنت تقول أنا مالي دخل بالبلنتي الحكم ما حسبه وخلاص ... يعني أنت تدري انه بلنتي بس الحكم ماحسبه وخلاص اللعب لازم يكمل
حتى لو كان البلنتي واضح .. صح

طيب برضوا هو فاول صحيح بس الحكم ما حسبه عشان كذا اللعب لازم يمشي

لا تقول لي حكم الخط حسبه ... اعطني اي صورة أو مقطع فيه حكم الخط رافع الراية من قبل ما يشوت الكورة ناني .

Abo khald · #8 31/10/2010, 02:24 PM

تفو تفو على هالخشه

آول شيء مانشستراويه تراني أحبكم

وقبل لاتبرشون ياليت لو تقرون كل كلامي .. لو سمحتم طبعاً

بالنسبه للقطة هدف ناني .. ماهو ذنب ناني أكيد غلط الحكم او غلط غوميز أكيد !!

لكن الهدف عليه أكثر من علامة إستفهام .. هو بلنتي ماقلنا شيء لكن الحكم ماحسبها وناني مسك الكورة .. المفروض وش يسوي ؟!

يوقف الكورة وفاول لتوتنهام وكرت على ناني !! هذا المفروض الي يصير وهذا الي بيجي على بالك على طول ولايبيلها كلام .. وماعليش ماخشت مزاجي ذي يعطي الحكم الاندفانتج !!

أندفانتج على أيش بالله ؟! أخبر اذا تعرقل لاعب او الحكم حسب فاول باي نوع من الاشكال والكورة راحت لخويك ويكون في وضع كويس هنا يمكن نقول إيه !! لكن يمسك الكورة بيدهـ !! وداخل منطقة الـ 18 !! تعطي الاندفانتج !!

شيء غريب صراحه .. هنا مالوم المان أو ناني .. لأن الغلط مهوب غلطهم .. بل العكس يحسب لهم ها الشيء إنهم كانوا نبهين واستغلوا الغلط .. لكن الغلط للـ حكم اللي لازم يعاقب .. أخطاء ساذجه مثل هذي ماتحتمل صراحه !!

إيه هو نعم ماشفنا مقاومة قويه من السبيريز آخر المباراة .. بس احتساب هالهدف خلااص حسم المباراة للمان تماماً .. لو ماحتسب كان بامكانهم يرجعون ماتدرون والكورة قاتله غدارهـ

على العموم الف مبروك مانشستراويه تستاهلون ولازلت اقول تراني احبكم

مبروك تشلساويه آرسنلاويه وهاردلك للـ السيتيزين

قواكم الله :smilie47:

Arsenal · #9 31/10/2010, 02:36 PM

,

يوم الديربيات

ديربي بيرمنغهام الساعه 3

متأكد بيكون بطل بطل بطل

أما اللي متأكد بيكون فيه طقاق هو ديربي سندرلاند و نيوكاسل

تخبرون حقين سندرلاند قبل العام رافعين شعارات ( لنضحك جميعا ً على نيوكاسل ) يوم هبطوا

انا مع نيوكاسل اليوم خاصه بعد رباعيتنا في شباكهم

,

عـأشـق ـألزعيـم · #10 31/10/2010, 02:50 PM

شكراً على التقديم الرائع ماقصرتوا يأخوان وعساكم على القووه

واتمنى التوفيق للبلوز والبياقونيري...

تحيـآتي

Arsenal · #11 31/10/2010, 05:00 PM

,

ديربي بيرمنغهام انتهى تعادل سلبي

الشوط الثاني كان كويس لكن كنت أتوقع أفضل

حاليا ً ديربي نيوكاسل و سندرلاند موللللللللللع

نولان جاب هدف خورافي قبل شوي

الدقيقه ألحين 30 و النتيجه 1 - 0 لـ نيوكاسل

فرحة اللعبين بالهدف مو طبيعيه

بياخذون حقهم

نولان جاب الثاني

الدقيقه 35 و النتيجه 2 - 0 لـ نيوكاسل

,

Miho · #12 31/10/2010, 05:05 PM

هاللقطة بديربي برمنقهام

الأمن مسكوه وطلعوه برى

- - - - - -

أثناء كتابتي للرد نولان سجل الثاني والجمهور مولعين

الدقيقة 34

المحمدي طلع ودخل جيان

الدقيقة 41

بلنتي لنيوكاسل تسبب فيه غوتريز وسجله اميوبي

الدقيقة 49

انتهى الشوط الأول 3 / 0

Arsenal · #13 31/10/2010, 05:08 PM

^^^

موب صاحي

السكيورتيه قشعوه بعدها علطول

بروس يسوي تغيير سريعي و يدخل أسآموآه

بدال المحمدي

,

Arsenal · #14 31/10/2010, 05:20 PM

,

مباراة الاسبوع يا عيال

3 - 0

الثالث من أميوبي بلنتي

الثاني بدأ

الدقيقه 77 و النتيجه 5 - 0

+

طرد برامبل لاعب سندرلاند قبل شوي

هالاسابيع قمنا نشوف أهداف غريبه على طريقة هدف نيوكاسل الثاني

و هدف توتنهام قدام فولهام و غيرها بعد

ما تدري وش القانون فيها

قووووووووووووووول أميوبي الراااااابع

هههههههههههههههههههههههههههههههههههههههه

الخاااااااااااااااااااااااامس من نولان

و يكمل الهاتريك

,

Miho · #15 31/10/2010, 06:08 PM

نيوكاسل عطى سندرلاند مخمس

اخذوا حقهم

بينت سجل بالدقيقة 90

انتهت المباراة 5 / 1