ادارة استاد الملك عبدالله الى متى ... ؟
 

السلام عليكم ورحمة الله وبركاته

اولا اعتذر عن لفظ العنوان ولكنه غيظ خرج من فيض

سأحاول ادراج السلبيات على نقاط للترتيب ..


1/ تقسيم الملعب لفئتين اولى وثانية مع انهم لايختلفون عن بعضهم سوى بـ5 ريالات وليت الثانية خلف المرمى كما توقعت وانما مقابلة للأولى .. ولا سألتهم ليه قالوا لك والله انت تحتك المنصة واحتياط اللاعبين << ترى منصتهم متعوب عليها :mad:

2/ تفتيشين تمر فيه للدخول الاول عند دخول من البوابات الرئيسية بعد شراء التذاكر وكلنا متعودين عليه

اما الثاني فقبل الدخول للبوابات الداخلية للملعب والله كانك حاضر الكلاسيكو فالكامب نو وخايفين تفجر ،،
طبعا همجية وعدم تنظيم من العسكر عجيب وظيفته هو انه يفتشك فقط !!!

3/ الملعب تصميمه غريب ويذكرني بالملز من برى لان الاولى لها بوابة خارجية تنقص فيها التذكرة ولا تقدر تطلع منها نهاااائيا وورى المرمى لها بوابة والثانية وهكذا ...

فتسببت بمشاكل غير طبيعية وهي اكبر مشكلة واجهتنا لاننا دخلنا واكتشنا ان تذاكر الدرجة الاولى بيعت بعدد اكبر من الكراسي والجمهور وانا احدهم اضطرينا للوقوف لعدم وجود مكان


4/ رابطة جمهور الرائدوالي اتوقع مجمعينهم من الشميسي واله كانهم 10 فهم واجدين ويقولون معليش هذا محلنا ممنوع الجلوس فيه

5/ واللي تقريبا اعتبرها من النقطة 3 هي وجود مساحات كبيييييرة فاضية خلف المرمى ولا اقدر اروح لها
لان لازم اشري تذكرة من جديد ونرجع للمشورة صف للتذاكر والتفاتيش والطابور الطوووويل والعجيب ومن ثم ذهاب المباراة عليك


صراحة فالمباراة اتابعها وانا ضاااااايق خلقي ومتضايق الين جت الاهداف :d

لاني انا رجال ماسك خط 325 كيلو من الرياض واشوف المباراة وانا واقف ووالله طلعت من الملعب ومسكت الخط يعني الصافي 650 كيلو بينها ساعة ونص وااااقف !!! تغبن الواحد صراحة



نقاط من المباراة احب ادمجها فالموضوع ..

تياقو ذكرنا بالنصف الاول بالموسم الماضي اتمنى انه يستمر لان الرجال يعيش ظرووووووف سيئة ويستمر ابداعه ان شاء الله ..

اريك جريتيس صاحب دموع التماسيح .. اعتقد ان ستامب اليوم رد على من قال ان الهلال لا يضرب بقوة بدون جريتيس وقراءة رااااائعة للمباراة من مدرب كبير صراحة اعجبني لما رجع رادوي مكان المرشدي وابقى على الغنام .. ذكرني بزمن كوزمين :cry:


ختاما احب ان اشكر الغالي والحبيب " ازرق بريده "
فلولاه ماوصلت للملعب كل الشكر لك ياخالد ...

اخيرا سؤال هام لاحبائي سكان القصيم !!
هل الخروج من بريده للرياض صعب جدا ؟ ام انهم لم يجربوا الخروج اطلاقا
اتمنى الاجابة بجد لان ماواجهته اليوم فعلا ،، عجب عجاب

اعتذر عن الاطالة وسوء التنسيق وترتيب الكلام
توني واصل للرياض وابي اطلع حرتي :cry:

ودائما خلفك يازعيم :ba::ba1:

الله يعطيك العافيه ولا تعبت والحمدلله على السلامه .. وبخصوص التنظيم دائما ما اردد هذه المقوله وعن اقتناع يمكن اكون مخطيء لكن هذه وجهت نظري ( من يوم ما جائتنا السعوده ما شفنا خير خصوصا بامور التنظيم فكل شخص له قانونه على مزاجه لان من امن العقوبه اساء الادب والبعض منهم معذور لانه غير مؤهل لذلك .

ادراة ملاعبنا ماتفهم كل شي ممنوووووووووووووووووووووووع

والله حراااااااااااااااااااااااااااااااام ويبحثون عن تطوير الكوره ( فالمشمش )

شاهد ملاعب قطر والامارات

والله العسسسسسسسسسسسسساكر مفهين ورب الكعبه


اما بالنسبه للتنظيم صدقني مافيه فايدة نبي نستمر على الطريقه ذي

دمت

ملعب بري
ه من افضل الملاعب بس شكلك ما تطبه الا بمباريات الهلال بس
رح لمباراة غير جماهيريه وشف الروعه

يا خوي والله انك صادق

ودي ادري

ليه طابعين التذاكر الدرجة الاولى

وهي فللللللل

اشكر جميع من مر ورد وكلكم على راسي والله

لكن تنظيم هذا الملعب اسوأ من الملاعب الباقية عندنا .." لاني مب اول مرة احضر لملعب عشان استغرب"



اخوي انسان اتفق معك لدرجة معينة لكن لا سافرت مكان جديد يوصفون لك اهل الديرة ومع اللوحات بتطلع بسهولة ..


اللي صار يوم الخميس اما يقولون مانعرف ولا يوصف عكس اللي قبله .. بدون مبالغة سألت تقريبا 11 سيارة بلا فائدة
والطلعة والله انها ماجت الا بشق الانفس ..