ايريك قريتس .. ماعلى مثلك حسوف .. !!
 

ايريك جريتس .. ذلك الاسم الكبير الذي اقام الدنيا واقعدها اخيرا بمغادرته مطار الملك خالد ليوم الامس .. ايريك جريتس المدرب الذي احبه الجمهور الهلالي كثيراً وانساهم طيب الذكر الروماني كوزمين الذي كان له الفضل في تأسيس هذا الفريق الجبار في الفتره الحاليه .

عرف عن جريتس الانضباطيه الشديده في التمارين واختيار الاسماء المشاركه ودقته في المواعيد ونتج عن ذلك زياده كبيره في المخزون اللياقي لدى الاعبين بالاضافه لتغييره الكثير من مفاهيم الاحتراف لدى الاعب السعودي ..

ايريك قريتس اعاد ( لهجوم ) الهلال هيبته المعروفه والتي قتلت تحت اشراف مدربين الهلال في الفتره ماقبل جريتس .. ونتج عن ذلك نتائج تاريخه في مرمى ابرز الفرق المنافسه للهلال في الفتره الاخيره .. النتائج الكبيره كانت عربون صداقه ابديه مع الجمهور الهلالي الذي افتقد تلك الارقام مع هجوم الهلال في الفتره ماقبل قريتس .

كل هالكلام السابق (مجرد) مقدمه .. حفضناها ابا عن جد .. ونشوفها كثير في الاعلام الهلالي المقروء والمسموع ودايما نشوف هالكلام لانه يثير الخصوم ورائج لدى الجمهور الهلالي .. يعني نحب نسمع هالكلام !!

لكن .. بالتدقيق في ملفات قريتس وبقراءه متواضعه من محب هلالي عاشق لها الكيان .. اشوف ان قريتس مدرب لايستحق قيمته الماديه والجماهيريه التي كسبها مقارنه بالنتائج المحققه .. !!

اولا .. راح ابدا بالنتايج الكبيره .. كلنا نعرف ان الاتحاد هو الاول في اكثر نسبه تهديف في تاريخ الدوري السعودي وهذا الشي لم يمكنه من الزعامه التي كسبها الهلال من خلال اكثر نسبه بطولات في تاريخ الكره السعوديه .. لغه البطوولات ابلغ من لغة الاهداف .. !!

الهلال لما فاز على الاتحاد السنه الماضيه .. كان الاتحاد في اقل مستوايته النفسيه و العدديه .. وكان فريسه سهله لقريتس ان يحقق نتيجه تاريخه في مرماه وهي لاتتعدى سوا ثلاث نقاط اضيفت لمحصله الهلال في الدوري بغض النظر عن تردي نتايج الاتحاد في بقيه مباريات الدوري .. !!

الفوز التاريخي على الاتحاد كان اخر فوز لنا على اقرب منافس للهلال في اسيا وفي المملكه .. الاتحاد اللي فزنا عليه بالخمسه ماقدرنا نفوز عليه لما كان في افضل مستوياته في اخر مباراه في الدوري ونهائي كاس الملك العام .. كلنا نتذكر المستوى الهزيل لنادي الهلال امام النهائي قدام الاتحاد .. واللي المفروض منتهي من الاشواط الاصليه .. !!

طبعا الخمسه في مرمى النصر ما اعتبرها شي ايجابي لقريتس لعده اسباب اولها لانه النصر لاراح ولاجاء وثانيها لان النصر ماكان مكتمل واخرها فرق الاهداف ماكان كبير مو مثل خمسه صفر !!

ثانيا .. انهاء الدوري قبل انتهائه بثلاث جولات .. الهلال لما يحقق الدوري مو شي جديد عليه ابدا .. من عرفنا الهلال وهو يجيب الدوري وينافس على الدوري .. ولكن حصولنا على الدوري بثلاث جولات كان وراها ضعف الفرق المنافسه في ذيك الفتره .. وكلنا عارفين ظروف الشباب وظروف الاتحاد !!

كاس ولي العهد .. كان قدام الاهلي .. والاهلي بصراحه برضه ما اعتبره فريق يحسب له حساب وفوزنا عليه دايما متوقع !!

في المقابل .. خسرنا كاس الملك قدام الاتحاد .. وخسرنا كاس فيصل .. وخسرنا البطوله الدوليه .. وخسرنا اسيا اللي كانت الاختبار الحقيقي لقريتس .. !!

المدرب الناجح هو من يستطيع قياده الفريق في اصعب الضروف وهذا الشي افتقدناه كثير في هلال قريتس .. هلال قريتس دايما يفشل في الاختبارات الصعبه وفي مواجهه الفرق القويه ..

نقطه اخيره .. فريق الهلال يحتاج الى ( كابتن ) حقيقي داخل ارض الملعب يستطيع بث الحماس في نفوس اللاعبين واعطائم الثقه .. والقدره على اعاده معنويات الاعبين والى اجواء المباراه في الظروف الصعبه ..

كل كلمة فلته صادق يسلم قلمك ع الابداع

كلامك ابداااع كله صدق الله يوفق الهلال وان شاءالله يتغير الكابتن مع المدرب الجديد ويكون كابتن قوي ورفع الروح عند الاعبين

اقول رح بس انت وكوزمين

والله ايام كوزمين كنت ماشوف بعض المباريات في الدوري الي مع الفرق الصغار

وكنت انوم في بعض المباريات من الدجه

يوم جاء قريتس اي مباراة في الرياض احظرها استمتع

ومافيه مباراة اطوفها حتى الوديات

الله يسلمك اخوي منور يالغالي

:rose::rose:اشكرك اخوووي ع المووضووع الرائع في اسلوووبه:rose:

ومن ناحيه المدربين000 لاتعليق؟؟؟:yes:

:wub:بس بوجهت نظري الهلال من يصنع المدربين:yes: وليسا المدربين:yes:

:wub:وبتوفيق للهلالنا وجميع من عمل للهلال سوا مدرب او لاعب او طبيب او0000 او0000 والخ:wub:

:wub: تسلم يمناك يالغلا ولاتحرمنا من طلتك الحلووووووه:wub:

تقبل مروري0000 :rose:قوتشي:rose: الهلال:rose:

قيرتس معروف قبل يدرب الهلال ولوهو ما يسوى ما كان أخذوه المغاربه من نادينا فالمدربين غيره كثير
ولا تنسى اش سوى في مرسيليا قبل يجي للهلال

نعم الاتحاد لم يكن هو الاتحاد كما ذكرت.
اسمحلي اخي الكريم الاعلام الهلالي ( ضخّم) هذا المدرب والادارة اوصلته للقمر واهتمت بكلبه ولم تهتم بعطائه.
كانت له اخطاء وهو يفوز على الاندية ولكن بمجهودات لاعبي الهلال وبالذات المحياني.
خروج الهلال من العالمية سببه المدرب وسامي الجابر والامير بريء من الاخفاق

أولآ: ربما عدم تعقيب الأعضاء على ردوك هو من جعلك تتمادى في الردود وتتجاوز الخطوط

ثانيآ : تقول أن الأعلام الهلالي هو من ضخم المدرب وأنا أقول أنك تردد ما يقوله أعلام ناديك المتعصب

فكفاية ضحك على العقول وهل هذا الخبر المرفق مع المصدر أيضآ من أعلام الهلال أو أنهم هلاليين

الخبر هو حصول المدرب السابق لنادي الهلال البلجيكي ايريك جيرتس على المرتبه الثانيه والستون بـ 86 نقطه

ضمن قائمة افضل 100 مدرب في العالم

المصدر
world-coachs

ثالثآ: تمارس الكذب والتضليل فهل ما زال أثر الخمسة موجود وعالق في ذهنك أم لأن التعصب أعماك وهل حقق

عيسى هداف الدوري الموسم الماضي أم الشلهوب ؟؟؟!!!!؟؟؟ من المعيب أن تختزل مجهود 11 لاعب بلاعب واحد فهذه قمة

الأجحاف والتقليل من قدرات الأخرين فمنضومة العمل متكاملة فلا تطغى فئة على حساب الأخرى

رابعآ: ركز فيما ذكرت خروج الهلال من العالمية أولآ أن كنت لا تعرف أسم البطولة فمصيبة وأن كنت تمارس

أسقاطآ على الهلال فالمصيبة أعظم في رد سابق كنت تتهم أحد الأعضاء بالتعصب وأنتقاص الغير والآن تمارسه
عجبي

خامسآ: تقول الأخفاق سببه سامي والمدرب عد لنقطة الثالثة وتأملها جيدآ وما ذكرتهم ما هم الا جزء من منظومة

النجاح بشهادة الجميع ومن خلالها تحققت الخماسية اللآهبه التي لن يستطيع أي مشجع أتحادي نسيانها

الابداع اختي هو بتواجدك في موضوعي .. واعتقد رادوي هو الشخص المناسب للكابتنيه ..

الموضوع مو معناه ان كوزمين كان افضل .. المقصد ان قوه الهجوم الهلالي تنعدم في المواجهات الصعبه وينكشف الدفاع .. بالتالي الحلول الهجوميه ما افادتنا كثير الموسم الماضي