نادي الهلال السعودي - شبكة الزعيم - الموقع الرسمي - النصر يحشر نفسه في كل مايتعلق في الهلال _ المدرب القادم بالمصدر

اولا احب امسي على الكل زعماء وزعيمات

ثانيا احب ادخل بالموضوع على طول بدون اي مقدمات

اعتقد ان الكل لاحظ في الفتره الأخيره مايحدث من تصاريح بين الاعلام الهلال والاعلام النصراوي وماحدث أخيرا بين الامير بندر بن محمد ورئس الفقر من تصاريح اعلاميه لم يكن لها أي مبرر لأن بكل بساطه لايوجد شخص في المجال الكروي لم يتأذى من هذا المعتوه المدعو خبيلان ولكن ( احط تحتها الف خط) واللي خلاني اكتب هالموضوع هو الآتي: 1_ دائما مانرى أن المنتديات النصراويه لاهم لها الا الهلال وماذا فعل الهلال وعندما تقوم بزيارة الروم الخاص بهم في البال توك تجد كل مايدار ويقال عن الهلال ومحاولة إسقاط الهلال والتي لم ولن تهز هذا الكيان العظيم،2- نجي للزبده اللي كنا نشوفها هنا في المنتدى أو الاعلام اللي هي لماذا النصر يحشر نفسه في كل مايتعلق في الهلال وكنا نشوف هالسؤال من الاعضاء وكنت اتوقع بل متأكد بأن هذه عقليات نصراويه عفنه ليس لها هم سوى الهلال ولكن عندما تنعكس الآيه ونصير احنا اللي نتكلم عنهم هذا اللي ماكنت اتوقعه من جمهور واعي مثل جمهور نصف الأرض، أخواني وأخواتي ماحدث من رئيس الفقر عندما أعلن عن الاحتفاليه المزعومه بمناسبة مرور عشر سنوات لمشاركته كأس العالم للأنديه ماهو الا استفزاز للهلاليين وفي نفس الوقت تخدير لجماهيرهم واعماء بصيرتها عن حقيقة فريقها واشغال الهلاليين عن ناديهم والانشغال بالرد عليه ومن هم على شاكلته واعتقد بأنه نجح وبجداره باستفزاز الجانب الهلالي فقد طل علينا الأمير بندر بن محمد بتصاريح مضاده وردود كان من الأولى على سمو الأمير عدم الرد عليهم لأن هذه عقليات نصراويه وهذا طبعهم ويجي شخص من أكثر الأشخاص تأثير على الكيان الهلالي ممثل بسمو الامير بندر بن محمد والذي احترمه واقدر عمله في الجانب الهلالي ولكني لم اتمنى الرد عليهم واعطائهم (على قد عقولهم) ولكن اصبحنا نفعل مايفعلون ونكتب مايكتبون وأصبح في هذه الايام شغلنا الشاغل احتفال النصر وانه جاء استفزاز للهلاليين، خلوهم يحتفلون على الاقل يحسون ان في فرحه ماذاقوها من اكثر من 10 سنوات نجي احنا يالعاقلين ونرد عليهم ونقول ليش يحتفلون ياخي بالعربي الفصيح (بقلعتهم).

الحين نجي لموضوع المدرب اللي ماشالله عينوه بعض الاعضاء وبعض القنوات اللي أكدوا انه المدرب القادم
ياجماعة الخير في صفحه واحده في المنتدى يوجد 3 مواضيع واحد يقول ان المدرب القادم هو أونيل والثاني يقول المدرب القادم كالديرون والثالث يقول باوزا لا ومتأكد من كلامه يقول ان باوزا جاي بفيزا بأسم الامير عبدالله بن مساعد طيب حلو ماقلنا شي لكن ثلاثه مدربين وكلهم أكيد هنا السؤال.... أرجوا عدم الفلسفه بهذا الموضوع الى أن تعلن الإداره لأن هذا فيه تشويش على اللاعبين والجمهور اللي يسمع ويصدق.

نجي الحين للاعبين الجانب اللي ماشالله بعض الأعضاء متأكدين من رحيل فلان وبيجي فلان مكانه ومدري ايش طيب انا معكم ان ممكن يكون فيه تغير في فتره الانتقالات الشتويه لكن اذا ادارة النادي ماقالت مين اللي بيروح ولا مين بيجي مكانه ليش نجي نقول كلام ونتوقع توقعات مالها داعي وتذكروا ان الهلال كيان عظيم سواء رحل نيفيز ولا ويلي ولا غيره وتأكدوا ان الهلال بأيدي أمينه في ظل الاداره اللتي في نظري هي التي لن تتكرر بفكرها الاحترافي.

أرجوا تقبل كلامي بكل صدر رحب ولكن لأنها الغيره على هذا الكيان العظيم ولايهون علي أشوف اللي يسوى واللي مايسوى يتكلم هنا وهناك وفي كل مكان عن بداية سقوط وخرابيط مدري ايش واعتقد ان العقلاء فقط هم اللي بيوافقوني الرأي.

همسه في أذن المدعو الصرامي بس ما أدري وش اقول الحين الفضائي والا الكتروني أترك الهلال فلن يلتفت لك لا الهلال ولا أصغر مشجع هلالي وذلك لتفاهتك وقلة فهمك وتعصبك الغير معقول.

ياسر الجمهور بدا يفقد صبره عليك شف لك حل والا الدكه تحتريك

هوساوي تفداك الف بطوله وماعليك من اللي يحملك مسئولية الخروج

آسف على الاطاله لكن كلام كان نفسي اقوله من زمان من غيرتي على النادي وجماهيره.

دمتم بود والله يحفظكم ويجعل الدوري من نصيبنا هالموسم.

أرجوا من الإداره الكريمه رفع الموضوع