السلام عليكم ورحمة الله وبركاته .

الهلال بعد بطولة اسيا محتاج لتجديد دمآء . ولاعبين محترفين اكفاء افضل من المحترفين اللي عندنا بمراحل

خصوصا اننا شفنا تذبذب في مستوى اللاعب ولهامسون = نقدر نستغني عنه . وطبعا تذبذب مستوى ولهامسون بسبب مشاكل عائليه مااعتقد انها راح تنحل ( لآن زوجته من جد ماتبي تعيش بالسعوديه ) وهذا الشي يأثر على مستوى اللاعب .. غير المشاكل اللي قرينها وسمعناها بينه وبين زوجته حول مشكلة انجاب الاطفال من عدمها

ماعلينا من هذا كله .. المحترف الكوري لي يونج . نبي نستغني عنه . بتقولون وشلون هذا الكوري اللي نسانا مشكلة الظهير الايمين وحتى الايسر . راح اقولكم الكوري عمره تقريبا وصل 33 اذا ماني غلطانه . واعتقد ان هالسنه اخر سنه له مع الهلال واشياء كثيره صعب احصرها بموضوع تجبر الهلال على الاستغناء عنه


بكل بساطه

راح يكون بديل الكوري لي يونج لاعب سعودي متميز وله من المهارات ماايكفي واعتقد ان شهادة الجميع فيه مجروحه وهو اللاعب الشبابي ( حسن معاذ) وهو اصلا ميوله هلاليه . يعني لو الاداره الهلاليه قدمت عرض مغري للاعب اكيد بيجي .

وانا متأكده هاللاعب بينسيكم لي يونج وجده بعد

طيب .. كذا حلو استبدلنا لاعب اجنبي بلاعب سعودي .. معادله حلوه صح ؟

طيب بدل لي يونج .. بتقولون من راح نجيب .. بقولكم هاللاعب هذا لو حضر للهلال اقسم بالله راح يكون افضل محترف مر على الكوره السعوديه وانا اراهن على هالشيء واصلا هاللاعب طالبو الجماهير الهلاليه فيه كثير

وهذي صورة اللاعب





اعتقد انكم عرفتوه . اللاعب الياباني ايندو . لاعب خط وسط وصانع لعب ويسجل اهداف . وسريع . وفاولاته احسن من فاولات نيفيز ورادوي بمليونين مره

يعني هاللاعب له مميزات يحلم فيها كل فريق

بوريكم هدف جابه اللاعب .. وهذا جزء لايتجزأ من اهدافه ومهاراته الرائعه وسرعته وفاولاته وو الخ

YouTube - ‫ياسوهيتو إيندو‬‎

..

كذا حلو .. تخيلو معي لو الهلال جاب هاللاعب .. يعني خلصنا مين راح يكون بدل لي يونج


نجي للمحترف ( ولهامسون ) .. بتقولون مين بداله .. بقولكم بكل ببساطه بداله لاعب مهاجم . . طيب لو فرضنا ان ولهامسون رجع لمستواه المعهود . والاداره ماتبي تفرط فيه .. اذن لازم ويجب علينا الاستغناء عن نيفيز .. لآن اللاعب ايندو يفوق بأمكانيات نيفيز بكثيييييييير

يعني الاجنبي المهاجم . بيكون يابدل نيفيز ولا بدل ولهامسون ( ورادوي خط احمر ) مستحيل نفرط فيه

وانا اقترح عليكم اسماء مهاجمين . رائعين . والمهاجم يكون اجنبي اسيوي



اللاعب سباستيان سوريا .. لاعب مهاري مقاتل مرواغ يجيد فاولات . يفتك من الرقابه .. صراحه مع احترامي هو اكبر من الدوري القطري

بيجي واحد من من جمهور ياسر وليس حبا في الهلال ككيان بل حبا في ياسر . ويبغى مصلحة ياسر اكثر من الفريق

ويقول لالا وشلون مهاجم . ياسر موجود ياسر فنان ووو الخ ..

ياسر صراحه وبكل شفافيه وش سوى الموسم هذا ولا الموسم اللي راح . صراحه مايحسم مباريات . تجيه كرات كثيره يضيعها وكرات سهله مويا بارده تضيع من اقدام هاللاعب

وصراحه انا ماالومه .. لآن ياسر عليه ضغط اعلامي .. والاعلاميين خصوصا الاصفرين يحبون يثيرون المشاكل في البيت الهلالي . صارو اذا الهلال فاز بس ماسجل ياسر . يروحون يسألون ياسر مستواك نازل وليش ماسجلت وووالخ

وتلقى ياسر بينه وبين نفسه يهوجس . اي والله ليش ماسجلت وو الخ . طيب خلاص انت تلعب لآسمك ولا للهلال . اذا الهلال فاز ياسر فاز والعكس . لان ياسر جزء من الهلال

( سامي الجابر حصل له مثل ماحصل لياسر في سنه من السنوات . كان يفوز الهلال بس مايسجل وكان ذاك الوقت سامي بعيد عن التسجيل .سأله مره مذيع وقاله ليش ماسجلت ومستواك طايح ووو الخ . رد عليه سامي بكل ذكاء . قال الحين من فاز ؟ قاله المذيع الهلال . قال خلاص انا العب للهلال ماالعب لسامي وسكت المذيع وقمط وجهه .. وسامي ايضا من ذكائه وحنكته ودهائه . هو اللي طلب ان ذاك من الاداره الهلاليه بجلب مهاجم اجنبي ويكون سامي خلفه يلعب 9 ونص . واذكر في هذيك السنين شكلو ثناااااائي خطير وصار سامي يسجل . والاجنبي يسجل . وقل الضغط عن سامي من قبل الاعلام )
.. شوفوا كيف حنكة ودهاء الذيب . شلون بعد الاعلام والضغط عنه


لاعب متعود على الحر والبيئه الخليجيه وغير انه متعود هو فنان بالفطره

فاول من فاولاته
YouTube - ‫سبستيان على اليابان‬‎

هنا لاتشوفون الهدف . شوفو كيف افتك من الرقابه + السرعه . وحنا نحتاج لمثل هالمهاجمين

YouTube - ‫هدف قطر الأول على الغرافه / كأس ولي العهد‬‎

هدف من اللمسه الواحده
YouTube - Sebastien Soria vs IrAn


واتوقع سباستيان سوريا + والمحياني راح يشكلون هجوم خطير . والهلال فعلا محتاج مهاجم اجنبي امثال سباستيان سوريا ..

ليش ماجبت طاري ياسر وقلت بس المحياني .. لآ ن بصراحه المحياني هالموسم افضل من ياسر بكثير .. يمكن دكة البدلاء تصحي ياسر وترجعه لنا

اقولكم . عندي احساس . لو الهلال جاب مهاجم اجنبي . ويصير ياسر وراه يعني يصنع له او يناول له او يتبادلون مراكز . عندي احساس ان ياسر بيبددددع وبتقولون اووف ياليت من زمان سواها ياسر .. . وعلى حسب مجريات المباراه يبدل ياسر بالمحياني او المحياني بالاجنبي او ياسر بالاجنبي ... الخ

ويصير الاجنبي قدام وياسر او المحياني وراه على طول ( 9 ونص ) نفس حركة سامي مع الاجنبي اللي معاه ( سيرجو على بشار عبدالله على الهويدي ) كان سامي خلفهم ويصنع لهم ويسجل ويبدع ومشكلين ثنائي خطير

تخيلو معي تشكيلة الهلال لو اتو اللاعبان ايندو & سباستيان & حسن معاذ

اقسم بالله تشكيلة ناريه . غير اللاعبين المبدعين اللي عندنا .

ولا وش رايكم ؟


ملاحظه

صار الحين . عندنا مهاجم اسيوي . ولاعب خط وسط اسيوي . ورادوي + نيفيز او ولهامسون . على حسب مستوياتهم اللي بيقدمونها قادمآ .
وانا افضل نيفيز لآنه افضل من ولهامسون بالفترات الاخيره


اللي ابي اوصله . مو شرط لازم نجيب اسيوي واحد . فيه اسيويين امكانياتهم رائعه

ولو حصلوا . لاعب افضل من سباستيان . يكون امريكي جنوبي
( ارجنتيني او برازيلي ) او حتى اوربي .. بس انه افضل منه .. ماعندي مانع << مشاورينتس هم

بس انا ارى حاليا سباستيان افضل بحكم انه متعود على الاجواء وصراحه هو فنان


واعتقد ايندو مايختلفون عليه اثنين ..


شطحه

تتوقعون لو جبنا ايندو الياباني . نادي التقليد بيجيبون ياباني ههههههههه ؟؟