إقتباس الرسالة الأصلية كتبت بواسطة صـمـت آسف نسيت اسأل انا ساهر كل يوم يصيدني اكثر من مره...كل ماكنت مفهي مع الجوال ومريت من عنده اكون فوق السرعه القانونيه لكن ما ييصور...اقصد الفلاش ما يشتغل..مدري وش سالفته الظاهر خربان...؟؟ حلبيت استفسر وش السبب..؟؟

ياكويس احس انك في الصحافة مدري ليه

انا قبل كم يوم مريت من عند جامعة الامام والسرعة هناك 90 والكاميرا تصور على 50

وسألت عن الموضوع ويقولون ان هذا توه جاي ولسى جالس يوزن الكاميرا

يعني بيجرب اول شي بعدين بيحطها على سرعة الشارع

يعني لاتنخرش واجد وتراهم كل يوم الصباح يصفقوني بفلاش ولايجيني شي
>>ازبن ورا اقرب موتر اذا شفتهم

إقتباس الرسالة الأصلية كتبت بواسطة FINAL10 ^ الحجز سمعت عنه .. انه فقط للي يقطع اشاره ولآقطته ساهر ولكن السرعه الجنونيه 196 !! ما ادري عنهآ ، ولكن اذا قآلوآ حجز .. انا اول من اييدهم الحديد ما يرحم وآنآ آخوك

خل الاشارة وحتى الاشارة قد قفطوني دوريات ولا انحجزت ولله الحمد

بس فيه حجز اذا ماشي فوق 160 وحطوا هالنظام اول مابدوا بتطبيق الدوريات السرية الله يذكر ايام كان يمديك تمغط 160 على الشمالي في اي وقت موب الحين ماتمشي

الزبدة انهم كانوا شديدين في البداية بس الحين لا
عطهم التصريفة توني واصل من السفر وتعبان وهالحبتين على قولتهم وتسلك اوضاعك


وايه صح يالكنق ياسر لاتسرع
سرئة سيطان

سلام عليكم أيها الشعب الكريم

فيه احد يعرف دكتور ممتاز حق أعصاب بالرياض
وحبذا يكون بمستشفى خاص

وعليكم السلام ورحمة الله وبركاته ..

هلا شيهانوه< خربت ابو اسمكـ ض1

فيه دكتور بالشميسي مره كويس ولايعرف ولا كلمة عربي غير كلمة الم < هذا كنت ارجع عندهـ
بس والله اسمه ما اعرفه .. واتوقع انه هندي ض1 ..

وفيه بالحرس كثييير الفريان ورسل والعريفي ... الخ وكلهم كويسين ..

اما المستشفيات الخاصه صراحتن ماعرف ..

وبعدين لوشوله الخاصه اذا توفر بالحكومي الكويس

اختكم .. ميمي

إقتباس الرسالة الأصلية كتبت بواسطة abo-homood وشسمه صباحكم سعيد اخوكم في اللهـ قرر يشتري اي فون وكما تعلمون للاسف ان موبايلي لايتوفر عندها بكميات كافية واذا توفرت انتهت بنفس الوقت يعني لازم واسطة المهم قررت اشتريه من احد محلات الاتصالات سؤالي هل هناك فرق بين اي فون موبايلي واي فون من المحلات الاخرى من ناحية الضمان وكل شي شكرا لكم

آهلآ ابو حمود

والله ظنتي ما من فرق ، ولكن موبآيلي اظن جهآزهم ما يشتغل الا على
شريحه موبآيلي فقط !

ولكن لو تضع سوآلك هنآ تلقى مجآنين ايفون يردون عليك

http://vb.alhilal.com/t848458-264.html

إقتباس من جدك انت ؟! وشلون ساهر يعني ؟! اخبر اذا زدت عن السرعة ب25 كم تصير 500 ريال من وين جت 950 ؟! وبعدين واخبرهم الدوريات يصكونك بالمخالفة بس قولهم توني راجع من سفر ومدري وشو ولايطرون لك الحجز !! لذا شف تأكد لي من موضوعك انت تراك خرشتني

والله ياصديقي هذي الرساله الي جايتني

لان السرعه المحدده التخصصي 70 وانا داز بها 196

إقتباس الرسالة الأصلية كتبت بواسطة abo-homood وشسمه صباحكم سعيد اخوكم في اللهـ قرر يشتري اي فون وكما تعلمون للاسف ان موبايلي لايتوفر عندها بكميات كافية واذا توفرت انتهت بنفس الوقت يعني لازم واسطة المهم قررت اشتريه من احد محلات الاتصالات سؤالي هل هناك فرق بين اي فون موبايلي واي فون من المحلات الاخرى من ناحية الضمان وكل شي شكرا لكم

هلا ابو حمود

بمَ انك من اعضاء فريقنا

فلازم نساعدكـ ..

فيه فرق بالضمان فقط .. واما الاثنين تراهم مفتوحات سواء سوا او موبايلي .. ويشتغلون على اي شريحه ..

ترا حتى الضمان احس عادي مو مهم ..

فـ توكل على الله واشتري من اي فرع ..

بس ترا الاتصالات اغلى من موبايلي اتوقع بمية ريال او ميتين ..

اتمنى اكون افدتكـ ..

وبعدين ترا ممنوع تسدح اسئله هنا عن الاتصالات لان لها قسم خاص ..

شششوكرا لي مررره

اختكم .. ميمي

إقتباس الرسالة الأصلية كتبت بواسطة آخر طموحآتي السؤال موجه الى ليدر < منعا لانبراشات فاينل الحين فوق 160 متأكد حجز ؟ وكم الغرامه ؟ أرجوا التفاصيل والا خلك ساكت هذا السؤال موجه للكل طيب واحد من اخوياي يقول اذا مشيت 220 وفوق ماتلقطك الكاميرا حتى لو كشحت بخشك ، وعلى كلامه انه كذا مره تلقطه وهو يمشي 220 او 210 ولا يجيه مخالفات وانا للحين ماصدقت كلامه ، أرجوا ان احد يوضح ؟! يعني الكاميرا مايمديها تلقط اللي مسرع مره والا كيف ؟

جرب ولما تاكلها على وجهكـ ..

بعدها علم الشباب ..

اختكم .. ميمي

الحين بسأل سؤالي ويبيله قرقاص او اي احد يفهم بالطب ..

السلام عليكم ورحمة الله وبركاته ..

الحين انا اعاني من نسيان حاد جدا جدا .. لدرجه اني اكون قبل دقيقه سامعه الشي بس انساه ..

فنصوحني صديقاتي بحبوب زيت الحوت مدري السمك ؟؟

بعدها قالوا لي ماتقدرين تاخذينها بدون وصفة طبيب ولازم تحاليل ؟؟!!

ولازم ماتخذينها اكثر مثلا من شهر وهذا الشي يحددهـ الطبيب !

هل هذا الشي الصدق واذا لازم طبيب وش اسم الطبيب يعني اقصد تخصصه عشان اذا رحت للمستشفى اقولهم دكتور مثلا مخ او اقولهم ذاكره ض1 ..

من جد والله اسأل لاني اعاني من هذا الشي بشدهـ ..

اتمنى الي يعرفه او قد جربه يقولي ..


جزاكم الله خيرا مقدما ..

اختكم .. ميمي

إقتباس الرسالة الأصلية كتبت بواسطة آخر طموحآتي السؤال موجه الى ذا كينق ياسر < منعا لانبراشات فاينل الحين فوق 160 متأكد حجز ؟ وكم الغرامه ؟ أرجوا التفاصيل والا خلك ساكت هذا السؤال موجه للكل طيب واحد من اخوياي يقول اذا مشيت 220 وفوق ماتلقطك الكاميرا حتى لو كشحت بخشك ، وعلى كلامه انه كذا مره تلقطه وهو يمشي 220 او 210 ولا يجيه مخالفات وانا للحين ماصدقت كلامه ، أرجوا ان احد يوضح ؟! يعني الكاميرا مايمديها تلقط اللي مسرع مره والا كيف ؟

ليه تقول وآحد من اخويآي ؟
ولآ تقول آنآ
تنشبهآ بخويك ليه طيب !!

وثاني شي انا منبرش منبرش

طيب اي شارع الي تسفط فيه انت 220 ؟
كود نسير عليه



،،،



شطحه فآينليـه

فيه عضويتين بالمجلس وحده اسمهآ MeMe
والثانيه بطله

قسم بالله ما افرق بينهم بالردود اسلوبهم وآحد وكتبآتهم
وكل شي .. بعض الاحيان احسبهم شخص وآحد

لذلك وحدهآ منهن تختار لون خط ثاني علشان ما اضطر
اشوف الاسم وامحصه

مثل اخر طموحآتي اعرفه من رده انه هو
بدون ما اشوف النك نيم بتآعه
وايضا هلآليه وخطهآ الي كآنه شعار موبآيلي
وصمت الي خطه ازرق مآيل

وفيه بعضهم لو ما غير اللون اسلوبه ما يتغير
الا العضوتين الي ذكرتهم اعلآه

فكـــــــــــــرهـ روووووعهـ
موفقيـــــــــــــــن