نطلع من ( الآسيويه ) بظروف .... ولا نطلع من ( خليجيه ) بكفوف - نادي الهلال السعودي - شبكة الزعيم

ابو طـــــلال · #1 24/10/2010, 01:35 AM

انا عن نفسي تجاوزت الأزمة

.. وذلك بفضل تعليمات خاصه قدمها لي صديقي ( النصراوي ) المتمرس في تجاوز (أعتى ) الخساير والهزايم ..

وقالوا ( ماخاب من إستشار ) ومن فيكم حس إنه للحين متضايق من الخسارة والخروج من البطولة الآسيويه يتصل على الخط الساخن واللذي خصصته جماهير نادي الفقر للرد وأعطاء النصائح لكل مهزوم جديد

.. من خلال خبراء محليين يضعون كل مالديهم من ( خبره ) أمامكم

انا ماودي يروح موضوعي عن خروجنا من آسيا .. لأنها مهيب بعيده .. وكلها كم شهر وناخذها بشكل افضل من هالشكل اللى طلعنا منه .. وبيني وبينكم المفروض طالعين من بعد مباراة ( الغرافة )

أول ماصفر الحكم .. قلت ( خلاص مافيه كوره ) و (قلعة الهلال ) و ( بقريح ) و ( عساهم مايفوزون )

تخبرون معصب

بعدها بيوم .. تبطحت كالعاده بعد الغداء .. ومع كل رشفة من ( اللبن ) الغير مسكوب ... تذكرت بطولات للهلال حققها وإنجازات حصل عليها ... بصراحة كانت مفرحه .. وكنت سعيد بهذا الإنجازات

يعني تخيل تنام مبسوط ... تصحى ودك تتلقى التهاني والتبريكات في الدوام .. او المدرسه من زملائك .. وتشوف الحسرة على الباقين .. وتشوف في عيون البعض كلمة ( يازين فريقكم ) بس ماودهم يعلنونها

الهلال أيها الساده .. فريق ( م-ح-ت-ر-م ) تجد الإحترام في إعلامة ولاعبيه وإدارييه وحتى رئساء النادي وطبعا جمهورة ...

انا قلت إعلام ؟

فهد الهريفي ... يتحدث عن مشكلة ولهامسن مع الصحفي في التمرين ومشاكل اللاعب ... والرجال يلمح بأن الحل هو عقاب اللاعب .. وحتى هالحل شكله ماجاز له .. الحل لو بيده يطير لديرته .. طبعاً ماودي والله اعطي فهد أكبر من حجمه .. هذا المسكين فيه مرض إسمه ( الهلال ) والشفاء منه شبه مستحيل .. لكن ليس هناك مستحيل او صعب على الله .. الله يشفيه لأن حالته كل مالها بردىء

ذكر بأن الإعلام السعودي اغلبه للهلال .. وأنه سبب التعصب والإحتقان .. ومن هالكلام واللى ماعند فهد غيره .. طبعاً نبيل العبودي ماقصر فيه وعطاه حقه ورد عليه ويعطيه العافيه ... بس للي وده يعرف إن فهد اكبر كذّاب في العالم ..

بالنسبة لويلهامسن .. ومشكلته مع الصحفي .. وهي إنحلت بوقتها بإعتذار من اللاعب ومن سامي والرئيس ونائبه للصحفي وهو تقبل الأعتذار .لكن فهد مايبي الامور تنتهي بالإعتذار .. يبي الموضوع يتصعد ويكبر .. حتى ذكر ( سالفة المطار ) والمشكله صار يخترع أحداث مدري من وين وبالتمرين ؟؟

وانا وبإذني سامعها في مشاركته في كاس العالم للأندية كلمة ( ف... يووو ) وموجوده للي وده يتاكد في اليوتيوب !
يعني فهد اخر شخص يتكلم عن الاخلاق .. شي ماتعرفه لاتتكلم فيه يافهد ..

اما بخصوص الإعلام وإنه المسيطر .. انا أستغرب مايشوف نفسه إنه مايوفر قناة إلا وطالع فيها .. من قناة الوطن للــ mbc وروتانا خليجيه والقناة الرياضيه السعودية والقناة العربيه مع بتال القوس والجزيره الرياضيه ؟؟ شخص غريب ... وأزيكم من الشعر بيت .. مقدم برنامج كورة تركي العجمه ( نصراوي ) ومقدم برنامج في المرمى ( نصراوي ) وماجد التويجري في صدى الملاعب ( نصراوي )

بس ودي أعدد لكم النصراويين اللى يطلعون في القنوات الفضائيه .. تراهم شويين بس ( 423 ) شخص

والمشكله الواحد يطلع في ثلاث قنوات خليجيه في يومين ..

1 - عبدالعزيز الدغيثر( البرباره ) يظهر في قناة الرياضيه السعودية والجزيره والـ art ويكتب في جريدة الجزيرة ( والمفروض إنها هلاليه )
2 - محمد الدويش ( عميد الكذابين ) في قناة أبو ظبي
3- عبدالعزيز السويد ( الرقله ) يظهر في قناة الرياضيه السعودية وقناة دبي .. هذا قل بس هلال وإسكت .. وش شلون يزبد مثل البعير

وتراه كاتب في جريدة الرياضي ..
4 - علي كميخ في الرياضيه السعودية ويكتب في الرياضيه ومررات إذا واحد من الصحفيين ماداوم يخلونه يكتب مكانه .. وله من نصيب من إسمه .. كمخه نمره وإستماره
5 - الطخيم واللى قال عنه الدغيثر من أعضاءشرف ( ابو ريالين ) وزعل الطخيم وقال للدغيثر أصلا هو أراقوز

>> بزارين >>> الحمد الله والشكر ... الطخيم مشغلنا في قناة كورة والرياضيه السعودية .. وهالشخص فاهم الصراحه غلط

6 - عبدالعزيز الصرامي محلل من جنب القده .. ويجيب أوراق مرسوله له بالفاكس ويقول ( عندي وثائق سريه ) متأثر بمحمد حسنين هيكل

مابراسمه كورة .. من الحواشي وإنت جاي

وتراه كان يكتب في الجزيره وشاتوه وبالرياض وشاتوه بوز .. ولقى جريده ضفته بس كتبت عليه عقد إنه يلتزم بسب الهلال وإلا بتشوته الجريدة .. وبأمانة الرجال للحين ملتزم بالعقد ويمارس عمله على اكمل وجه بس مااخفيكم ( مصخره ) يطلع في كل قناة .. art و mbc وكوره في روتانا والرياضيه السعودية والجزيره .. والعربيه
7 - صالح الصالح ( التافه ) مادري وش يبي .. وده يعلمنا إنه يكره سامي وسامي مادرى عنه .. أكثر كلمة يقولها ( لاتصادر رأئي ؟؟ هع هع حتى لو قاله المذيع نروح لفاصل نط في وجهه وقاله ( لاتصادر رأئي ) يكتب في الرياضي ويمرح في قناة الرياضيه السعودية .. واعتقد إنه مفقود من اهله مايدرون وينه

8- صالح الداؤد في قناة المجلس ( لاتعليق ) بس وتراه يشارك في كل برامج من خلال مداخله .. يكتب في الرياضيه
9- خالد بن طالب ( نمس ) نصراوي يظهر من خلال قناة روتانا في برنامج كوره .. بس كان منصور جبرتي له بالمرصاد .. علماً بأن طاري الهلال دايماً مايبداء فيه إعلاميي النصر .. وإلا الهلاليين مايتكلمون إلا بناديهم وعلى قولة القايل ( دبور وزن على خراب عيشه )
10 - محيسن الجمعان ( المحترم عمري مااقول فيه شي ) رغم إنه مايمدح الهلال مثل مايمدحه الدغيثر .. علشان ماحد يتوقع إن إحترامي للأشخاص مرتبط بمدحهم للهلال .. رغم إن الدغيثر يمدح الهلال ويسب النصر إلا إنه ( اراقوز فعلا) ومحيسن كلنا نعرف إنه محلل نصراوي في قناة الجزيره
11 - يوسف خميس ( هيييييه ) بس يظحك ومابراسه تحليل .. ماعنده غير الفريق لو لاعب محور ( هييييييه ) ويظحك .. مدري ليه الظحك الدايم

يظهر خميس في قناة الرياضيه السعودية وقناة العربيه
12 - مساعد العبدلي كاتب نصراوي ( عاقل ) في الرياضيه
13 - محمد الكثيري ( كاتب نصراوي ) عاشق في قناة الجزيره او الرياض ( وهي المفروض صحف هلاليه )
14 - محمد نشوان العنزي ( متعصب نصراوي ) له ثقل في جريدة الرياضيه مع عامود يومي
15 - ثامر الشمري ( بزقه ) معه قلم وقايلين له شخبط شخابيط .. لخبط لخابيط .. يشخبط هذا الدادا في الرياضي وأتحداه مايكتب عن الهلال ...

16 - ماجد عبدالله لاعب نصراوي سابق ومحلل في قناة الـ art ويظهر في عدة قنوات فضائيه والله يحلله ويبيحه مدري وينه الحين

17 - وليد الفراج منتج قنوات الـ art سابقاً إتفاقي ونصراوي معروف مع العلم إن النصر قلبوا عليه مثل ماقلبوا على محيسن وماجد وغيره ..( العاده ياسعاده )

18 - الصعيري المصرقع اللى دفع مية ألف ريال للنصر ( وذلهم )

كان يطلع في كل مكان وشكله عطوه نصف المبلغ وطلع .. وكان يصرح واجد .. وأشغلهم وأشغلنا
19 - مسلي المعمر كاتب في صحف كثيره ... ويظهر في الرياضيه السعودية وقنوات أخرى
20- خالد الشعلان ( محامي الغفله ) عنده جوائز وأخذ بطولة كاس العالم في البثاره يتداخل كثير ويتنقل بين القنوات بشكل يخلي الواحد يظحك من كلامه ..

هؤلاء ( بعض ) الأسامي .. وهم يتداخلون بشكل ( يومي ) حتى في قنوات مجاوره .. وحتى لو كان الحديث عن الطبخ يدخلون الهلال بالموضوع .. كل هالأسامي وأكثر منها بكثير ويقولون ليس لدينا إعلام .. غير المذيعين والمعلقين والصحف .. مثلاً
بتال القوس الكل يعرف إنه نصراوي ( برنامج في المرمي ) العربيه
تركي العجمه نصراوي حتى النخاع ( برنامج كوره ) روتانا خليجيه
التويجري نصراوي ( صدى الملاعب ) mbc
وليد الفراج ( إتفاقي نصراوي ) art

اما الصحف

الرياضي ( إتحاديه نصراويه ضد الهلال )
الرياضيه ( إتحاديه )
شمس ( نصراويه في السابق غير واثق من ميولها الآن )
النخبه ( نصراويه متعصبه )
اليوم ( نصراويه )
الوطن ( الملحق الرياضي ذا ميول نصراوي )

اما المنتديات

حدث ولا حرج ..

المنتديات الصفراء أكثر من الهم على الصدر ..الشبكات الرياضيه الإلكترونيه موجوده مثل ( شبكة الجماهير ) لتوفيق الخليفه وهو نصراوي معروف

كل ماذكر أعلاه إلا ان الإسطوانه تتردد بأنهم مغلوب على امرهم وضيفين ومساكين ومظلومين

وهو مافيه ( اخبث منهم )

في النهايه .. هل من المعقول بأن النصراويين تأثروا بالشيعه بعد مؤازرتهم للفريق الإيراني وأصبحوا يمارسون ( التقيه )