|
ماتهون العشره يابو قحط وساهم في دعم ياسر بسم الله الرحمن الرحيم ارحب بكل الزعماء وانا اكتب اول موضوع لي بالمنتدى بصراحه عضويتي مفعله وكنت ادخل لاكن ما اشارك المهم ماعلينا...:s2: اروح لموضوعي الرئيسي ياسر القحطاني :ba: اتمنى ان الكل يدعيله انه يرجع من الاصابه باسرع وقت والله يا ياسر ان كل الهلاليين يحبونك وماتهون علينا كـــ (هلاليين محبين) اتمنى ان تكون رجعته قريبه بصراحه حنا جالسين نضغط على ياسر واتمنى اننا نصبر على ياسر نسينا ياسر 2007 وبصراحه ياسر تراه يأدي بالملعب اوكي المباراه الاخيره ماسوى شي لاكن الكل مالعب وتراه كان راجع من اصابه ... ولاتنسون الموسم الماضي سوى كل شي بالنهائي مع الاهلي لما كنا متاخرين بهدف وياسر صنع الهدف الاول والثاني . والموسم الماضي سجل 9 اهداف بالدوري و هدفين بكاس ولي العهد و4 اهداف بكاس خادم الحرمين و4 اهداف بكاس اسيا باستثناء هدف الغرافه يعني ياسر سجل 19 هدف الموسم الماضي يعني ياسر بدع الموسم الي راح وكان 2007 سجل بس 13 هدف يعني الموسم الي راح افضل من 2007 اقصد مع (الهلال) المهم والله انك من افضل مهاجمين اسيا ولا يهمونك انت اكبر من الكلام الي ينقال عليك واتمنى الدعم يكون لياسر افضل من الانتقاد الهادم وانا والله ما اطبل لياسر لاكن هاذي احصائيات وانتم احكموا . واسف على الاطاله s13s لله درك يابو عزوز:ba: YouTube - ‫اهداف ياسر 2010‬‎ |
اتمنى الرفع من قبل المشرفين وشكرا |
هلا اخوي .. اكيد مايهون علينا ياسر اللي ضحى للهلال بملايين البلوي وتحامل على الاصابة وتحمل التجريح وهو بالأخير لاعب هلالي وهنا الكلام ,, لكن هذي رسالة لجميع الاعضاء والهلاليين والله لولا حرية الرأي لمنعنا مواضيع مدح ياسر او نقد ياسر لان الكلام مكرر ولا يفيد اللاعب ولا المشجع فريق يمدحون ياسر 2007 ياسر كاسر ياسر اصابة ياسر محاصر من الدفاع فريق منتقدون ياسر ضمن الخانة , ياسر محتاج اجنبي جنبه , ياسر ماعنده جدية باللعب والله ملينا من هالمواضيع ياناس .. انتم جمهور الهلال والا جمهور اللاعب .. ناس تنتقد ياسر وناس تمدح ياسر .. ياسر نجم مهاري ولاعب ذكي ومتحرك ويسجل من انصاف الفرص ولكن كل هذه المميزات تذهب ادراج الرياح من كثر النقد والمدح والتركيز على اللاعب ونقده والتعليق على كل مباراة يشارك فيها .. للأسف ان البعض يعتقد ان ياسر لن يعود الا اذا انتقده هو في موضوع والبعض الاخر يعتقد ان ياسر سينجح اذا هو مدحه او عمل له تصميم ..رغم ان الف عضو انتقد ياسر وانتقد بنفس الكلام ونفس الطرح .. والمدح يكون بنفس الكلام ونفس الطرح .. ياسر يحتاج الى تركيز وعلى جماهير الهلال ان تقف مع اللاعب وذلك بتركه يلعب بحرية ودون ضغوط وان لاتصبح مثل جماهير النصر في ضغطها على سعد الحارثي رغم الفوارق بين اللاعبين ولكن نفس الضغط الكبير يتعرض له اللاعبين .. |
كلنا مع ياسر ونحبه بس لما يعود لمستواه اما يجلس عاله ع الفريق فلا |
يستاهل ابو عزوووووز ياما افرحنا وانبسطنا والدوري 2007 قدام الاتحاد ليس عنا ببعيد لكل جواد كبوة وانا واثق كل الثقة ان ياسر بيرجع احسن من قبل ولكم مني التحية |
شكرا لمروركم جميعا احترم ارائكم تحياتي |
ابي اقول كلمه بس لو كل غاالي افقده صرت نااسيه كاان مااشفت بنااس غااالي ابوو غزووز سااكن بلقلب ونحنو معه كيفماا كاان |
الله يقومه بالسلامه ويرجع لمستواه المعرروف |
شاكر لكم مروركم احترم ارائكم تحياتي |
اكيد بس الجمهور ماتهون عليه العشره ومايهون عليه ابو قحط بس اتمنى من الجمهور تخفيف النقد على الاعبين لانو وبصراحه اعلام الاصفرين يثيرون المشاكل ويريدون زعزعة الفريق ويسمحلي جمهور الهلال اكثره يصدق الاعلام ويمشي وراه كلنا لانختلف على الهبوط اللي يعانيه ياسر ولا المستوى اللي يقدمه وليهامسون ولا يرضينا خروج الهلال من الاسيويه بس لابد من لملمت الجراح وكف النقد ودعم الفريق لانو المشاركات متعدده والاعبين غالين علينا فيجب دعمهم وتحفيزهم لان القادم اصعب .. |
الله يشفيك يابو عزوز ويردك لنا سالم غانم |
يابن الحلال حنا ما انتقدنا ياسر الا علشانه ياسر لأنه ياسر وحنا نعرف وش يملك ياسر من مهارات خلته يكون افضل مهاجم باسيا زعلنا على ياسر انه يملك الكثيررر واكثر من الي جالس يقدمه بكثيررر ياسر ماهو ماردونا لكن الايام الاخيره فقدنا مهاراته وقوة شخصيته داخل الملعب الرجال صار يتأثر كثيرر وماعاد يطلب كووره مثل اول ويختفي كثير بالملعب يعني احتمال تمر نص ساعه ما يمسك الكوره بالرغم ان الفريق كله مسكها ويلعبون تمريرات بينهم ياسرر لازم يتخلص من عيبه الي هو الاستسلام للخصم وبعدين غلا ياسر بقلوبنا كبيرر وكلامنا نقد حتى لو شافه ياسر بيقول ماقالوا هالكلام الا لانهم يحبوني ومستحيل يفكر اننا ناكرين العشره مثلا |
ايه يالبى ياسر والله ياسر ماقصر وهاذي كل المهاجمين يخطون في الفرص ولكم ودي |
مع احترامي لك ياسر قد البطولات المحليه فقط الهلال بحاجه لمهاجم اجنبي من طينه دروجبا بديل البطئ نيفيز ياسر فاشل يفشل في البطولات الاسيويه فقط اما المحليه يبدع فيها وش سوا امام الوحده الاماراتي وش سوا امام ام صلال وش سوا امام ذوب اهن اصفهن لم يقدم اي من المباريات التاليه لان ياسرلاعب عادي جدا نفخه الاعلام كثيرا اتمنى اشوف مهاجم اجنبي في الهلال اذا لم يتم جلب مهاجم اجنبي على البطولات الاسيويه السلام بوجود ياسر |
يمكن ياسر في الاخير مستواه نازل بس اكيد كلنا نعرف انه ممكن في ثواني يقتنص الهدف ويسجله بالنسبه لي افتقدته في مباراة الامس |
| الوقت المعتمد في المنتدى بتوقيت جرينتش +3.
الوقت الان » 04:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd