مع أحترامي الشديد لجميع الردود حتى الصفحة الرابعة أقول ( من قال ماعندك سالفة وليس صحيح ماتقول في أبن همام أقول له خلاص يعني أنا وسلطان بن فهد وشبيه الريح والبلطان ومدني رحيمي وجميع محللي قناة الدوري والكأس مانفهم وأنت بس اللي فاهم وتعرف بلكورة ؟؟؟ . جميع من سبق ذكرهم تكلمو على التحكيم الآسيوي وحتى المعلق عبدالله الحربي قالها صرنا نشك أن المسأله صارت مقصودة ومؤامرة محاكه طبعاً الكلام هذا فوق عقلياتكم لأن مخك متوقف على العب كورة ولا تنضر لتحكيم هذا الكلام غير صحيح يا شاطر أنا لو أخذت حقي على أكمل وجه في إيران كان ماقدر لا ذوب آهان ولا غيرة يوقف بوجهي طرد مستحق وظربتين جزاء كانت كفيلة بوصوليّ لنهائي يا بطل الآعبين بشر يتأثر أذا شاف الحكم جالس يسلب حقوقي بس للأسف أن المنتدى مفتوح للجميع كبار وصغار وهناك بعض العقليات لا ينفع معها الشرح مهما طال وفند

الله ياخذه ذا الادمي الحمار

الحمد لله على كل حال...
الظلم ظلمات يوم القيامة...

الله يعين عليه
عوااااااااااااااافي

السلام عليكم
اخوي موضوعك سيئ جدا اللي فهمته انك تبي تقنعنا ان ابن همام يحاربنا
ولو نفترض ان كلامك صحيح ياخي دول الشرق تطور منتخبتها وانديتها بشكل سريع ولا هي محتاجه لأبن همام ولا غيره
التحكيم مثل ما تظلم مثل ما تنظلم فكونا من التبرير خلونا نشوف وش سوينا احنا وش اللي قدرنا نسويه كسعودين اخر خمس سنوات ولا شي افضل انجاز تأهلنا لكاس العالم في المانيا ونادي الاتحاد اخذ بطولة 2005 يا اخوي ما فيه عمل ولو افترضنا ان فيه عمل ما فيه نتايج احنا عااااااااااااااااطفييين اتركوا الاشخاص المفروض ما ننتقد التحكيم الا اذا كنا قدمنا كل شي ولا فزنا بسبب التحكيم وهذا اقرب للمستحيل لأنه اذا قدمت اللي عليك كامل تأثير التحكيم عليك محدود لو استمرينا بهالطريقه وبهالعقليات مستحييل نتطوور اسف اخوي يمكن كنت قاسي في انتقادي لموضوعك ولكن هذي وجهة نظري

فيه كلام صحيح واقع وفيه كلام ما يدخل العقل

الله يعطيك العافية ياخوي ....
بس ودي انك تكتب بالعامية احسن عشان نفهم شوي الله يرضى عليك.
على العموم لو ( ولو تفتح عمل الشيطان ) لكن اقول لو الهلال مقدم مستوى افضل من اللي شفناه ،، ماراح يوقف في وجهه لا حكام ولا احد!!!
بس كلام في الماضي ،،، نقصن بالعقل... اللي راح راح... وش نسوي

موضوووووع رااااائع

يعطيك العاااافيه

اسف انا اخالفك الراي ابن همام ماهو الي اخرج الهلال من الاسويه الهلال خرج بمستواه ولو الهلال لعب المباراه بمستواه مااحد يوقف ضده حتى لو الحكم ارجو ان الاتحاد الاسوي لايكون شماعه نعلق عليها الخساره
خلاص خسر الهلال ونسينا الموضوع
بالنسبه للاخطاء التحكيميه موجوده في كره القدم في جميع الدوريات ممكن في اسيا بكثره ولكن ليست عائق عن تحقيق الهلال لحلمه

ثانيا دول شرق اسيا متطوره اكثر من الغرب
ولك في منتخب كوريا جميع اللاعبين محترفين خارج كوريا وكذلك اليابان 9 او8 لاعبين محترفين خارج بلادهم على مااظن

ولك جزيل الشكر

إقتباس الرسالة الأصلية كتبت بواسطة حسن 9 أهلا اخي الكريم اخي الكريم لاتضحك على نفسك ونقول ان الهلال سبب خروجه التحكيم !!! أو أن بن همام هو السبب الهلال بعد مباراة الغرافة في الرياض كان سيئ جداً فكونك محب اكثر مني للزعيم لاتحمل الاخرين اخطاء اللاعبين وعدم الامبالاة وهم السبب الاول والاخير في ضياع التاهل .. لاتقول ان التحكيم السبب بل قل إن ويلي هو السبب في ضياع مباراة الذهاب ولاترمي بلاك على الحكم والاتحاد الاسوي ( بكل صراحة أنا معجب بشخصية بن همام فهو الرجل المناسب في المكان المناسب فهو من استطاع أن يطور الاتحاد الاسوى ) اختلاف الرأي لا يفسد للود قضية

أولآ: انا ما ضحكت على نفسي وقلت التحكيم أخرج الهلال مع أن ساهم وكان أحد العوامل المسببة للخروج ولا قلت أن أبن همام له يد لأني ما رديت على الموضوع من الأساس أنا لما رديت رديت على ردك الي مع أحترامي لك جالس تمارس فيه أسقاط في حق الهلال وتنقل لنا للأسف ثقافة الجماهير الحاقدة على الهلال قد يكون خانك التعبير فمن باب أولى الا تدلي برأيك في شيء أنت لست ملم به وخاصة في التحكيم وتكتفي بكلمة (لاتدخل في ذمته) وتسطرأعجابك بأبن همام

ثانيآ: أنا ما أحب التسويف كنت أتمنى أنك ترد على ردي ولا تضحك على نفسك وتحاول تخرج عن أطار ردي وتقولني شي أنا ما قلته
أنا لما رديت عليك رديت لأن الشيء بالشيء يذكر بما أنك قلت تأهل الهلال بالتحكيم على حساب الغرافة مع تجاهلك
لضربة جزاء لصالحنا وهذا دليل أنك مو متابع جيد فمن باب أولى أنك تذكر الأخطاء التحكيمية الي صارت في مباراة أيران هذا الي أردت أيصاله لك في ردي الأول عليك

أنا لا أخلي مسؤلية اللاعبين فهم بكل تأكيد سبب رئيسي في الخروج ولكن هناك عوامل عدة ساهمت في الخروج
ومن ضمنها التهيئة النفسية وقل التركيز وسبق أني ذكرت هالشي وقلت بالحرف الواحد كل ما تقدم الهلال في البطولة زادت الضغوطات على اللاعبين وقل تركيزهم أضافة لغيرها من العوامل الي تحتاج لفرد موضوع كااامل

بعدين إذا أنت معجب بشخصية أبن همام فهذا شي راجعلك وحرية شخصية لك ولكن أتمنى أن لا تجعل أعجابك
به يكون على حساب عدم أنصافك لفريقك الهلال وهضم لحقوقة أتمنى وصلت الرسالة

على العموم البطولة راحت بخيرها وشرها فمن الأجدى أن نفكر في المستقبل ونترك الماضي

تحياتي لكل من ينبض قلبه بحب الهلال