بسم الله الرحمن الرحيم

ضيفنا في مباراة اليوم محترف التوقعات <== من جنبها مامعه الا كلمة بهدوء وعقلانيه .
رحبوا معانا اليوم بـ ((( الصقيل ))) في برنامج كل يوم نجم <== صادوه

مرحبا فيك اخوي الصقيل الليله في مباراة اليوفي والنسور

الصقيل : ياهلا فيكم والله والمهلي ما يولي

نرجع معاكم للقاء مع الصقيل بعد تحليل المباراة .:.:.:.

بهدفين للمتألق فيوري مقابل هدف لندفيد<== اللي عليه كرت احمر المباراة اللي طافت وتوسطوا فيه وخلوه اصفر <== مثل ما قال كايدهم ... فاز لاتسيو على اليوفي في تورينو( مطرح راس اليوفي ) <== ندري ماجبت شي جديد

نرجع حق محور حديثنا <== وانت قلت شي الحين علشان ترجع لمحور حديثك .. الزبدة ان لاتسيو حاس اليوفي وتمردغهم ولعب فيهم لعب <== مسوي فيها كاظم الساهر ..
وبدع مانشيني في المباراة بعد ما طبق خطة ( سبق الغشيم وألحقه ) ونجح فيها بعد ماتقدم نيدفيد بهدف في الدقيقة 34 , وبعد مافرحوا اليوفي بالقول جاك بهم لاتسيو وحشرهم عند قولهم ولا خلصوا اعادة قول اليوفي الا وفيوري صامخهم بالتعادل <== يا فرحة ما تمت للسيدة العقوز ..
ولولا صفارة الحكم <== كالعاده في مجاملاتهم لليوفي , كان صكهم النسور بالثاني قبل ما ينتهي الشوط الاول لكن الله ستر .

فاصل اعلاني ونرجع نتابع معكم الشوط الثاني <== اقول اخلص علينا وقل ايش عندك <== طيب لا تهاوش

وفي الشوط الثاني اشتغلت مواطير لاتسيو ورشوا مرمى اليوفي بالهجمات كل هجمه ورى الثانيه .. ما يمدي الحارس يلعب ضربة المرمى الا وهي راجعه ركني عليه .. ودج نيدفيد وطلعه لبي ودخل مكانه كامورانيسي ولحقه بفيرارا بدل يوليانو<== قطعوا كبده من التسحيب ... اما سالاس ما سوى شي <== بيقول الصقيل انه مجامل فريقه الاول
وطلعوه ودخل المصري دي فايو على امل انه يسوي شي لكن ماباليد حيلة ..

نرجع حق محور حديثنا <== صادوه ;)

المهم سجل فيوري الهدف الثاني للاتسيو من تسديدة صاروخيه من برى الخطة ماشافها بوفون الا وهي بالقول . بعد الهدف هاجم اليوفي يبغى التعادل لكن لاتسيو مسكرين منطقتهم <== مسوين حظر التجول داخلها ... وبدع ستام ما ترك لليوفي مجال يسوون شي قاطع الماء والكهرب لا والتلفون بعد.
ليطلق الحكم صافرته بعد ماضيعها <== يبغى اليوفي يجيبون التعادل لكن مافيه امل .. وانتهت المباراة بفوز لاتسيو بعد ما علم اليوفي درس جديد في فنون الكورة ;).

@ اخوي الصقيل كيف نفسياتك بعد المباراه ؟

الصقيل : عادي عادي . <== ما الومك من الحرة اللي فيك .

@ تقول اشاعه انك تشجع لاتسيو وفيه ناس من جمهور لاتسيو دافع لك فلوس علشان تتوقع ان اليوفي راح يفوز بالمباراة فما صحة ما سمعناه ؟؟ <== صادوه

الصقيل : شنو شنو شنو شنو ... كلام غير صحيح ,, وانا اشجع اليوفي من اول ما ولدت <== قوية قوية .. لكن انا توقعت ان اليوفي راح يفوز لكن ما فاز وهومجرد توقع .

@ ما سر جملة ( بهدوء وعقلانية ) اللي دايم مزعجنا فيها قبل كل مباراة ؟ قال لي الفيصل الهلالي انها شفرة سرية بينكم ... تقدر تقولها لنا ؟؟؟

الصقيل : والله الجملة هذي ...... ( دق جوالي ) <== صادوه ... بعدين قال الصقيل :
لا لا مش حااعد .. مش كل مرة يرد عالموبايل هو ..

@ تدخل هلالي الجوف وقال : لا لا اسفين اخوي الصقيل .. اعذرنا لاتزعل ... ترى ما يصير خاطرك الا طيب .. ايش الاسئلة هذي يا blue fire ؟؟ عطه من الاسئله البارودية حقت الاااااااا

@ اخوي الصقيل.. كيفك مع المعجبات ؟ <== صادوه;)

الصقيل : الواحد منا لازم يكون له هدف بالحياة <== اااااااا ;) .. لاتصرف

@ ما رايك بالبوتقة المرحليه اللي بالوقت الحاضر وهل هي اجمل من البوتقة الفكريه ؟؟؟

الصقيل : ... بالله عليك هذي اسئلة ... الشرهة ماهي بعليك .. الشرهة على هلالي الجوف اللي كلمني وقالي تعال .. ولا لو ادي انك مقدم البرنامج ما جيت <== صادوه صادوه .. من غير ما يدري شكوه شكوه ... صادوه

اخوي الصقيل تعال ابي اقولك شغلة ... ترى كنت معانا اليوم في برنامج صادوه وكنت ضيف رهيب ومنسم والكاميرا كانت دايرة

الصقيل : امبيه ... ابي لاتسيو.. ابي فيوري .. ابي اكسر راسك... لا لا مااصدق اوه ياربي ..

في الختام ... احب اقدم لك اعتذاري اخوي الصقيل انت وجمهور اليوفي .. وانا اسف اذا اخطيت في حقك .. وترى السالفه كلها مزح <== صادوه .... <== لالا بس امزح معك ...

الف مبروك لمحبي وعشاق لاتسيو وهاردلك لمحبي اليوفي وعشاقه;)

سلملم;)

يعطيك العافيه يالغالي ........
بلو فاير...... والله فكرة الموضوع حلوه وجديده
وان كان فيها نوع من الشماته لليوفي وللكاتب الصقيل....
ولا تنسى الموسم طويل وما بعد بين البطل........ تحياتي

ياســــــــــــــــلام عليك يالسماوي

أيه من أول يانسور كسروا خشوم دل بييرو وربعه

فيـــــــــــــــــــــــــــــــوري وبـــــــــــــــــــــــــــــــس ;)

بيت من الشـــــــــعر مهداه الى لاتسيو ؟؟ <<< من تأليفي طبعاٌ ...

((لاتسيو في لعبك العجب ****** بركان يتفجر غضب ))


وتحــــــــــيااااتي الى أخوي Blue Fire وكل من يشجع السماوي على وجـــــــه الأرض

ههههههههههههههههه
حلوة منك يا بلو فاير وفعلا فكرة راائعة

ومبروك للاتسيو الفريق الرائع ...

ههههههههههههههههههههه
حركة حلوه اخوي لو فاير

مسوي فيها الصيرفي يا بلو تاير ما عليه مردوده لك

وبعدين تعال ابي اسألك سؤال انت شفت المباراه علشان تقعد تضحك على
اليوفي ؟؟؟ اكفشششششششششششششششششش

المهم لا تغلط على عمامك انت واللي معك اكيد عرفت قصدي

وماعليك منهم يالصقيل منقهرين منك ومن اليوفي

على العموم مبروك للاتسيو وهاردلك يا محبين نادي السيده العجوز

وثاني مره لا عاد تتدخل يا بلو تاير في اندية غيرك خلك في المان حقك خخخخخ


ومشكور على الموضوع ;)

موضوع حلو وفكره حلوه والف مبروك لكل عشاق النسور لاتسيو

اخوي zizo5 ما عليك منهم

و ترى اليوفي يخطط لشيء كبير اكبر من الفوز في مباراة عادية

السلام عليكم ورحمة الله وبركاته ،،

اهلا بالاخوة الرياضيين جميعا

اشكر الكاتب الأخ العزيز Blue Fire على هذا الموضوع اللي استضافني فيه
من غير لااعلم

وأحب ان اعلق على موضوعه بالنقاط التالية :

@@ لازيو استحق الفوز فهو عرف كيف يتعامل مع المباراة جيدا وساهم خروج ندفيد في فوز اليوفي ..

@@ المباراة لم ترتقي للمستوى المطلوب ولم نرى المتعة التي كنا ننتظرها ،، ربما لأن الضباب الذي شاهدناه اثناء المتابعة على ابو ظبي الرياضية دور في ذلك ،، فللأسف الشديد لم نشاهد معظم فترات الشوط الأول ،، وكنا نأمل من المعلق علي الكعبي أن يصف المباراة كمايحدث في (( الراديو)) وذلك بوصف موقع الكرة (( يعني في مربع خمسة وفي مربع سبعة وهكذا ) لاننا بصراحة الشوط الثاني ماشفنا شي وأنا حصلت لي نومة لمدة نصف ساعة في الشوط الثاني

@@ المعلق علي الكعبي معلق جيد ،، ولكن يخطي من يحاول مقارنته بالمعلق الإسطورة علي حميد !!

@@ ديل بييرو غلب عليه الإعياء ،، وهناك من يقول بأنه ظهر على حقيقته بعد خروج الرهيب ندفيد !!

@@ دفاع اليوفي كان في أسوأ حالاته !!

@@ فيوري قاد فريقه إلى اهم ثلاث نقاط للازيو في الدوري حتى الآن !!

@@ شاهدنا دينو باجيو في آخر دقائق المباراة فهل سنراه في المباريات القادمة ؟؟؟!!!

@@ الدوري لازال في البداية والنهاية ستكون في مصلحة اليوفي ..اليوفي ..اليوفي ..

بالنسبة لكلامك ياعزيزي الكريم تجاهي فأنا سأرد من خلال النقاط التالية :

## أنا بالفعل أخطأت في توقعي ثلاث مرات وهذا ليس مقياس بأن الصقيل صاحب توقعات خاطئة ولكن ربما لانها البداية في هذا الموقع ولكن انا عادة توقعاتي صحيحة ولكن ربما لانني اصبحت انشرها عبر المنتديات اصبحت خاطئة ،، ولاادري ماهذا السر

## توقعاتي ستستمر باذن الله وسأرد على من حاول السخرية مني (( وهو يعرف نفسه جيدا )) !!

## بالنسبة لكلامك ياعزيزي باني محتر فانا اقول لك ياعزيزي : لاحرة ولاشي فالرياضة هي مجرد هواية نتحمس ونعشقها ونفرح ونحزن ولكن بعد نهاية المباراة بساعات ينتهي كل شي ونحن في النهاية اخوان

## بالنسبة لمن قال لي باني متعصب لليوفي ،، احب ان اوضح الفرق التي اشجعها حسب الاولوية :
1- الهلال السعودي على مستوى العالم مافيها كلام طبعا ..
2- الملوك (( ريال مدريد الإسباني )) على مستوى القارة الاوربية والدوري الإسباني وجميع البطولات التي لايشترك فيها الهلال
3- السيدة العجوز (( اليوفي )) وانا اشجع هذا الفريق واحبه جدا على مستوى الدوري الإيطالي
4- الفريق الخبير (( ليفربول )) صاحب الأمجاد العريضة على مستوى الدوري الإنجليزي ..

## بالنسبة بتشبيهك لي حول ضيوف البرنامج الناجح صادوه
مش كل شوي يرد على الموبايل
وامبي ابي لازيو ابي فيوري
فانا اشكرك على هذا الموضوع الجنميل والذي جمعت فيه بين التحليل وخفة الظل

## اشكرك عزيزي وصدقني انا ومحبي اليوفي موزعلانين ابدا ونحب نقولكم الف مبروك وعلى العموم لازيو فريقي الثاني بعداليوفي في الدوري الإيطالي

## في الختام تقبلوا تحياتي وتقديري
أخوكم الصقيل

يسلمو على الموضوع الرائع اللي مثل لاتسيو ..

وترا انا ناوي اتعاقد مع الصقيل عشان يكثر من توقعاته لي لاتسيو

------

إقتباس ((لاتسيو في لعبك العجب ****** بركان يتفجر غضب ))

ياسلام يا خلف بن هذال .. عقبال ماتصكنا بقصيده بعد مايفوز السماوي بالكــالشيو ان شاء الله ..

تحياتي لك ..

إقتباس إقتباس من مشاركة مجننهم موضوع حلو وفكره حلوه والف مبروك لكل عشاق النسور لاتسيو