ينحر دجاجه لخسارة الهلال ؟! ( قصيدهـ .. ) - نادي الهلال السعودي - شبكة الزعيم

الهلالي موووت · #1 22/10/2010, 11:22 PM

بسم الله الرحمن الرحيم

هارد لك لجمهور الزعيم

وجعل العوض في مقبلات الليالي

( تلقائيه ) ارسلتها لمن يفكر في ترك نادي القرن الآسيوي في شدته

ولكل من يحب الهلاااااااااال

.....
..
.

خلك معه في شدته لا أوصيك
ياما وياما من فنونه شربنا

ولا تلتفت للي بحكيه يعاديك
سفاهة الحقاد منها شبعنا

وأترك حبال المشنقه والتهاليك
وساند زعيمٍ للمعارك يشنا

وأذكر بطولاته ومجده وأغانيك
وابداعه اللي فالضمير ايتغنا

واللي نحر دجاجته بالتباريك
لا مايحرك شعرةٍ في وطنا

رفعت راسي عن سفيه الصعاليك
وعن من يدور زلتن ثم يسنا

سكينه اللي بالفقر ماتعشيك
وأحسب بطولات الفقير المعنا

زعيم انا .. وابقى زعيم المماليك
وخسارتي ماهي نهاية زمنا

والضربه اللي ماتميتك تقويك
وانا قوووي ورايتي ماتثنا

مثل الجبل شامخ ولا فيه تشكيك
واللي يشكك ذاق منا ومنا

هزايمٍ تحرق قلوبٍ وتغنيك
عن قولهم يوم الزمان امتحنا

العب يالأزرق لو تبي دون تكتيك
معك .. معك .. وقت الشدايد لأنا

ماننكر امجادك وفوزك وماضيك
يوم ان غيرك بالهزايم تدنا

أفتح ملفات الأمل لا أوصيك
ولابد في يومٍ تحقق أملنا

انت البحر والموج يدفع معاليك
يم المعالي والعدو ماتمنا

يقابلك ماهوب كفوك يباريك
واسأل عن الخمسات واللي تهنا ;)

سر ياجمل مافيه ندٍ يجاريك
سكينهم ماحركت في جملنا

هذا شعور اللي معك مايخليك
ولو جارت الدنيا معك ماتدنا

يبقى معك يبقى يحبك ويغليك
يوم ان غيرهـ في هروجه تجناا

يوم ان غيرهـ في هروجه تجناا
يوم ان غيرهـ في هروجه تجناا
يوم ان غيرهـ في هروجه تجناا

...
..
.

أعشقك يالأزرق وحبك كبير
ساكن بروحي وتجري بالدما

من يلوم القلب في حبك يطير
عن عيوني عل عينه للعما

يكفي اني في سما حبك اسير
ويكفي انك في نظر عيني سما

عاش الازرق دام حبه بي يسير
انزرع فيني وفي روحي نما

انزرع فيني وفي روحي نما
انزرع فيني وفي روحي نما
انزرع فيني وفي روحي نما

بندر بن محمد

14/11/1431

دمتم بخير

بن جبله المطيري · #2 22/10/2010, 11:24 PM

إقتباس


	والضربه اللي ماتميتك تقويك وانا قوووي ورايتي ماتثنا

يااااااااااااااااااااالبى والله قلبكــ ياااااااااااااااااااملكــ

صح لسااااااااااااانكــ

طلال التميمي · #3 22/10/2010, 11:27 PM

الحمد لله على كل حال ............

عذب السجايا · #4 22/10/2010, 11:29 PM

صح لسانك وبيض الله وجهك
ــــــــــــــــــــــــــــــــــــــــــ

@هلاليه كيوت@ · #5 22/10/2010, 11:32 PM

عوااااااااااااااااافي....................

عاشق ســ6ــام · #6 22/10/2010, 11:38 PM

صح ألسانك

ولا هنت ع القصيدة الجزله ^ـ*

دمت متالق ^ـ^

الهلالي موووت · #7 22/10/2010, 11:46 PM

صحة ابدانكم

وتسلمووون

والله يوفق الزعيم بالمرحله القادمه

هلالي نيفيز · #8 22/10/2010, 11:53 PM

.................................................................................................... .........................................
.
العب يالأزرق لو تبي دون تكتيك
معك .. معك .. وقت الشدايد لأنا

. .
.................................................................................................... ........................................

ركووود ركوود · #9 22/10/2010, 11:55 PM

واللي نحر دجاجته بالتباريك
لا مايحرك شعرةٍ في وطناصح لسانك ,, الله يعطيك العافية على هذا القصيدة الرائعة

الهلالي موووت · #10 23/10/2010, 08:50 AM

إقتباس

الرسالة الأصلية كتبت بواسطة ركووود ركوود


	واللي نحر دجاجته بالتباريك لا مايحرك شعرةٍ في وطناصح لسانك ,, الله يعطيك العافية على هذا القصيدة الرائعة