|
السر في عدم حصول الهلال على الاسيويه بسم الله الرحمن الرحيم مساء الخير /لاصحاب القلوب البيضاء فقط اخوكم مشجع هلالي منذ اكثر من ثلاثة عقود عاصرت الاجيال من ايام ريفالينو ولم اتوقع ان يظهر لنا جيل من الجماهير بهذه الحده كنا نرى غلطات اللاعبين في السابق بعضهم يسجل اهداف بالخطأ في الهلال ولااريد اذكرهم والبعض كانت الكره تمربين ارجله وتلج الشباك وتضيع علينا بطولات .........وكنا نعذرهم ونزداد حبا بهم اما الان فأرى نجم سطع لم نكن نحلم ان يأتينا لاعبا بمواصفاته هداف من طراز رفيع اذهل الجميع شيبة وشبابا وجعلنا نتعلق بالهلال اكثر من ذي قبل يأتي بفرص تكأد تكون ميته وتسجل اهدافا ومع ذلك ارى الحملات ضده في هذا المنتدى منذ قدومه للهلال لم ارى من يضع له كرة الهدف باستثناء موسم التايب الاول واحيانا بل نادرا الشلهوب وفي الايام الاخيره حتى الشلهوب لايضع له الكرات لتسجيل الاهداف هويجتهد في اقتناص اي فرصه وكثيرا مايستعجل لان الارجل تحاول اصابته لان كل فريق نلعب معه يعلمون ان خروجه مصابا يعني فوزهم وهو بين نارين لطش الكره سريعا وتفادي اصابه تحرم فريقه منه مستقبلا وبين انتقادات تعمل ليل نهار للنيل منه في منتدى الجارالعام الماضي قرأت لهم انه بعد تسجيل فريقهم الهدف سيبدأون الاهازيج ضده ....حملات مركزه ضده وانتم هنا كجماهير ويؤسفني انكم جماهير الهلال نقد لاذع ضده اليس هو من اخرجنا من عنق الزجاجه امام الغرافه واليس هومن تسبب ببلنتي ضيع امام الايراني لو حصلنا نتيجة ايران كان هالحين بالنهائي صراحة انا قرفت من الكوره بسبب الاساءات لياسر فكيف به هو .....ياجماعه صفوا قلوبكم وتراها كلها كوره والهلال نادي القرن ....وزي ياسر والله ماتحصلون مثله ولابعد خمسين سنه (السر فسقكم وحقدكم على هالنجم الكبير من ضحى بملايين البلوي علشان الهلاليين والان الله سبحانه عارف ظلمكم لانه حتى لوسجل هدف الفوز ستجيرون النتيجه والبطوله لغيرياسر)ساندوه..و.لاتخذلوه وسوف يسعدكم |
بالفعل للاسف ان يكون النقد بهذه الحده ربما يكون هناك انخفاض بالمستوى في بعض المباريات ولكن يجب ان نعلم انه النجوم في السابق لم يكن يعاصروا المنتديات فكانت اخطاءهم تنسى فيلعب بدون ضغوط او انتقادات وسرعان مايستعيد مستواه الان اي هفوه يتم نسفه حد وصل البعض بالمطالبة بالتنسيق ... فكيف يكون وضع اللاعب وهو يعيش ضغط من هذا النوع بعد ان انتهوا من ياسر الان بدأت الحملة على اسامة هوساوي ... وقبلة الدعيع اخر الاساطير الله يهدي الجميع |
يعطيك العافيه على الموضوع اخوي بس ياسر مو ياسر 2007 والله تغير كثير واذا ياسر هذا مستواه صدقني لازم نشوف لنا مهاجم لك تقديري |
ياخوي فيه اطلق من ياسر لا عب اسيوي لويجي للهلال كان ياسر تنسيق او جليس لدكة البدلاء والاعب هو محمد رضا لاعب ذوب آهن اصفهان الايراني |
ياحيي وشلونك .. سبق وان قسونا على سامي (طبعا لو ترجع الايام ما نسويها) اكثر من كذا مرات ومرات لكنه كان يسكتنا بالنهايه ويرفع الكاس نرجع نحبه اكثر واكثر لحد ما اصبح كما هو الان لو يبي عيوننا ما تغلى عليه .. وبالنسبه لياسر انا معاك انه لا يوجد وراه صانع العاب بمواصفات الثنيان او التمياط نواف او التايب .. فعلا هذه نقطه غفلنا عنها اضافه الى ضعف لياقته واستسلامه للرقابه .. اضافه لمن هم مثلي جالسه نتكلم وتزيد الضغط على اللاعب بمجرد كلام غير مبني على اسس صحيحه |
إقتباس:
وفيه ناس مع الخيل ياشقراء قال واحد انخفض مستواه البقيه وراه وفي الاسيويه هو العامل الاكبر في الوصول لدورالاربعه |
اتمنى اعطاء وليد الجيزاني فرصه ويجب التعااقد مع مهاااجم اجنبي ياخي ياااااسر نزل مستوااه مع شديد احتراماتي لك لا يطلق عليه مهاااجم الى متى التطبيل يا عاالم عطينه موسمين وصفقنا له ولا رجع مستوااه جا وقت الدكه يا عزيزي |
السر عدم وجود مهاج اجنبي ذو امكانيات عالية مثل سيرجو وصلاح الدين بصير |
مشكور اخوى على الطرح الاكثر من رائع وكثر الله من امثالك.. وبالتوفيق للهلال الف تحيه |
الحين ياسر وهوساوي والمرشدي والمحياني والشلهوب ونيفيز ولي يونق وولي كلهم كانو دون المأمول والنقد كله على ياسر .. باختصار عندنا جمهور مايرحم لاعبينه .. وش صار على الشلهوب قبل العام .!! طالبو بتنسيقه .؟؟ والحين زعلانينن ليه مايضمونه للمنتخب .. انا احمد الله ان ياسر رجل من طينة سامي في تحمل بعض المشجعين .. واحمدالله الف مرة ان المدربين مقتنعين فيه ويشركونه اساسي وباقي الكلام الفاضي مايهم عن ياسر .. اجل باكيتا وكوزمين وجيرتس مصريين على ياسر ويجي بعض الطلاب ويقولون فاشل .؟؟؟ |
ياجماعة كيف الأزرق مايفوز والفرق من هيبته تلعب دفاع للبطولة اصدر القاضي نشوز لين طاعت للأوامر بانصياع من خطبها قلنا هذا مايجوز الهلال اولى بها وامره مطاع صفحة التاريخ تكتب لك رموز في سجلات الذهب قبل الضياع المشاعر بالفرح قامت تنوز ثم صارت بالسما مثل الشعاع حب الازرق مانبيعه بالكنوز من عرفته فوق راسي مايباع العتيبي للشعر يبرز بروز يمسعه من كان في شتى البقاع لو بغيت انظم قصايد ماتعوز للهلال أبدعت قدر المستطاع |
والله اتمنى يرجع مستوى ياسر اليوم قبل بكره ,,طيب الى متى احنا نقول بيرجع ... |
على قولة سمو الامير (مأكول ومذموم ) فعلا كل كلامك صحيح والله والله انه للحين افضل مهاجم اسيوي ولو انه هو بنفسه جاب البلنتي وجاء منها الهدف كان شفتهم موصلينه للسماء المشكله لو ان البقيه في مستواهم وهو الوحيد اللي مستواه سيئ وجاته ولو كوره وحده وضيعها بتقول يحق لهم يشبون عليه ما اقول الا الله يعينه بس يلاقيها من جمهور الانديه المنافسه والا للأسف من جمهوره وفعلا نبي مهاجم قناص يساعد ياسر على التحرر من الرقابه اللي نص فريق الخصم مو مخليينه يتنفس كل ما اتمناه ان ياسر يكون احتياط المباراة الجايه عشان يشوفون وش فايدة ياسر يعطيك العافيه |
أنا معك أخوي مو بس ياسر جميع اللاعبين وطبعا أولهم القناص.. طالما أسعدونا وأفرحونا بالانتصارات.. وخسارة بطوله لاتعني النهايه.. وأبو سعيد قادر يرجع لمستواه وان شاء الله البدايه يوم الاحد |
كانك تقسم بالله انا اقسم بالله اني توقعت احنا لن نتأهل للنهائي وهذا ماقلته يوم مبارة الذهاب امام اصفهان لأني بنيتها ان الفريق الايراني سوف يفتح ملعبه لنا في ايران لأنه يريد الحسم وكانت الفرصه لنا سانحه أكثر من مره وبعد المباراة كلهم قالوا نظريتك صحيحه بالمره حتى 2 من زملائي النصراويه قالوا ياليت القنوات تعرف عنك كان تعاقدت معك النظريه ولي ضيع ركلة جزاء وفتح الحيطه وجآء الهدف منها والحارس غير مركز بعد فوات الكوره في المرمى والعابد كم فرصه ضيعها وكم هجمه اماتها والفريدي كان كل هجمه مع العابد ويفرغ له يحتفظ بالكوره الفريق فاتح لك ملعبه في ايران وش تسوي بعد واقسمت بالله عند ربعي الهلاليين والنصراويين أنا لن نتأهل لأن الفريق الايراني بجي يلعب معنا مقفل الملعب وصعبه أنا بنجيب هدف وعندهم دفاع محكم وحارس افضل من اي حارس في السعوديه 100مره النظريه الواقعية هي من تحدد من يفوز وليس حضور جمهور وخمسه غايبين في المباراة الاولى وليس احنا نطالب الرئيس من يوم تعاقد غريتس مع المغرب بإلغاء عقده لأن معنا فتره ونحن في الصيف ولأن نظريتنا واقعية المدرب سوف يفكر ليس بالهلال بل بالواقع المرير وهو أن المدرب كل فكره في المغرب فقط وين مدرب اللياقه والطبيب كلهم في المغرب منذ 3 اشهر واقسم بالله حذرنا وقلنا ليس هكذا تورد الابل ياسمو رئيس النادي لنا اكثر من عشرين سنه نشجع الهلال وادرى من اي مدرب بفريقنا على اني كنت نصراوي هلال رئيسنا الحالي لا يحاسب لماذا ليحاسب اللعب على التقصير الوارد منه في اي مباراة وهذا مقلنها من وقت ليس بالبعيد واقسم بالله اني اقول لربعي الهلاليه قبل وقت ليس بالبعيد ان رئيسنا لا يحاسب اللعيبه على اي شيء لاعب يضيع ضربة جزاء ولاعب يضيع فرص ولاعب يضيع اهو الحارس وفوق ولاعب لعبه الثاني فرصته افضل منه ويسدد فوق ولا يناوله ماهكذا تورد الابل يارئيسنا الحلو. آخر مالدي يجب على رئيسنا ان يكون لديه الترغيب والترهيب وأي رئيس بعده لأن لعيبه الهلال هم الوحيدين الذين يستلمون رواتبهم غير اي لعيبه في اي فريق حتى في الخريج في وقتها ولو تأخرت 2 او 3 اشهر يعطونها دفعه وحده ومقدمات عقود بالهبل على لعيبه لايعرف معنا الاحتراف وش الزوري ونامي والعابد والعتيبي وياسر عقودهم كلفة الملايين بالمره اضعاف مضاعفه وهم مستوياتهم في نزول اولاً يوم مبارياتنا التجريبيه في النمسا من هزيمه وتعادل فقط وش هالاستعداد وآسف على الإطاله والله يكتب أن فريقنا يفوزون غداً على فريق الخروج الهلال من اي بطوله لديهم بطوله حطوا الذبائح والحفلات يوم الخميس الماضي والله لو احد منهم بجيه ضيف ماذبح اي خروف وصرفه اسئلوني عنهم مجربهم وهذا ماقلته لهم واكدوا لي بنعم اهم من اي ضيف واكرامه اهم شيء تخرجون من بطوله وهم جربوني في اكرام ضيفي وعارفيين هذا فريق لايشرف اي مشجع اي يهدف له حنا نضحك عليهم بس لم اجد احقد واكره منهم لهلالنا واوسخ منهم. الله يهدينا ويهديهم اجمعين لما يحب ويرضى وآسف جدا جدا جدا على الإطالة. وشكراً سبحانك اللهم وبحمدك اشهد ألا إله إلا أنت اللهم اغفر لي |
| الوقت المعتمد في المنتدى بتوقيت جرينتش +3.
الوقت الان » 08:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd