نادي الهلال السعودي - شبكة الزعيم - الموقع الرسمي - مباراة الموسم ويا سلام على الثقافة ..

[COLOR="Blue"]

بسم الله الرحمن الرحيم

اول شيء معوضين خير يا زعماء قدر الله وما شاء فعل
صحيح ان الحزن مسيطر علي وعليكم والسبب انه كل واحد كان منا ضامن المباراة ومتوقع التاهل للنهائي بدون مشاكل وما كان في باله ان الزعيم يمكن يغادر البطولة .
ندخل في المهم

رغم ماحدث والله ما قهرني ونرفزني وزاد همي غير بعض جمهور الزعيم وكأن الهلال واقف على هذي المباراة وكأنها اخر بطولة اسيوية يشارك فيها الهلال !!

كنت اتكلم مع واحد من اخوياي واقوله ان شاء الله الهلال يرجع قدام النصر بروح عاليه ويفوز ويواصل الانتصارات وياخذ الدوري.
قال : ما عاد ابي دوري ولا كاس ولا شي ما عاد اهتم ............؟؟؟!!!
صراحة كأنه صافقني على وجهي ليش طيب اول فريق يخسر بطولة دوري ابطال ياخي شوف الانتر كم صام عنها وبالاخير جابها غصب . تهاوشت معه صراحة .

قلت خلني ادخل موقع الزعيم واشوف الجماهير الواعية وياليتني ما دخلت شيء يبكي والله نفس كلام صديقي بالضبط الا من رحم ربي وهم قليل .

هل نوعية هذه الجماهير لاتعرف الا ثقافة الفوز
زي ما يفوز الهلال راح يخسر الهلال
واقول لهذه الجماهير ترى الهلال راح يفوز وراح يخسر في المسابقات والسنين القادمة عشان كذا اذا ما راح تحبه اذا خسر لا عاد تحبه اذا فاز فالهلال ليس بحاجة لمشجع بهذه العقلية .

ع العموم انا اشوف انه اهم مباراة في موسم 2010 / 2011 هي مباراة يوم الاحد مع النصر وانتم عارفين اهميتها لاكثر من سبب ومن اهم هذه الاسباب :

اخراس المتشمتين في الهلال وهم كثر.
رد بعض الدين للرئيس عبدالرحمن بن مساعد الذي بذل الكثير والكثير.
انتشال الاعبين من الهزيمه النفسية التي هم عليها الآن .
[/COLOR]

نقاط مهمه :
الدوري نحن اقرب اليه فهل نضيعه بسبب خسارة .

جمهور الهلال الحضوور ثم الحضوور ارجووكم وانا راح اكون اول الحاضرين باذن الله .

تخيلوا ان الهلال يخرج من المباراة الجاية بنتيجه سلبيه لا سمح الله هل ستكون بحال افضل مما انت عليه ؟!!!

آسف على الاطاله:ba:

يارب وفق الزعيم في جميع البطولات s13ss13s