خير إن شاء الله >> اسيا وراحت << ترى ضحاياها بـ يكثرون - نادي الهلال السعودي - شبكة الزعيم

[ البيرق الأزرق ] · #1 22/10/2010, 05:16 PM

سلام
...
كيفكمـ يا زعماء نادي القرن
...
اسيا راحت مثلها مثل غيرها
ولا لنا فيها نصيب هـ السنه
وان شاء الله السنوات القادمه تتعدل الاوضاع وتنصلح الاخطاء ونكون قريبين منها
...
الهلال ليس كـ غيرهـ من الانديه لاني اعرفه واعرف كفاحه وصموده
واعرف ان العثرهـ تولد بطولات
ولهذا عشقته ومتولع فيه للثماله
...
صحيح انها كان بين ايدينا لكن الله ما كتبها لنا
فـ لازم ما نعترض ع قضاء الله وعلى قدرهـ
وبطولاتنا الـ 50 ما جت من فراغ والا من مجهودات خورافيه لو لا توفيق الله
فـ بالله وقوته سيعود هلالنا اقوى وافضل من اول
فكم من بطوله اسيويه غادرناها قبل وبعد الـ 6 اسيويه
فـ كان الاصرار ع ارضاء الشعب الهلالي اكبر واكبر
حتى وصلنا للرقم 50
...
لازم نعرف ان خطوه للخلف تقدمنا 10 للامام وهذا ديدن الزعماء الاوفياء
فمنا من عاشر الهلال منذو تاسيسه
ومنا من عاشر الهلال منذو بزوغ بطولاته
ومنا من عاشر الهلال من عقدين واكثر
وكلهم من ولادتهم ولدوا هلاليين عشاق
ولهذا لن نحزن ولن نزعل حتى وان ضاعت بـ ايدينا
فـ القادم سيسر الجميع بحول الله وقوته
فـ هلالنا لم يكدر خاطر عشاقه بالسنين العجاف لا ماء ولا كلأ
هلالنا دايما معه فرحانيين ومبسوطين
وسنستمر فـ دعمه وتشجيعه ومؤازرته وان خانتنا اقلامنا لحظة غضب
...
لن نصب جام غضبنا ع هلالنا
لاننا نعشقه بجنووووووووووووووون يفوق الوصف
هم يريدون سقوطنا ويريدون السقوط الاكبر وهو المعاناهـ المستمره مع السقوط
فـ هم يحلمون وواهمون ان يصلوا لما يريدون
...
فلا الرئيس بحول الله وقوته سيغادر
ولا نائبه سيتبعه
ولا سامي سيرحل
وسيبقون مثلما عاهدونا سابقا رجالا وقت المواقف الصعبه
وهم اهلا لها
وهم من يستطيع ان يرضخوا اسيا وغيرها مهما طال الزمن بحول الله وقوته
لاننا نثق فيهم ورأينا فعلهم وبذلهم الغالي والنفيس من اجل الازرق
وهم بـ اختصار كذلك وهذي تكفي لـ بقائهم وتحملنا فـ كل ما نريدهـ
...
فـ لا تحزن يا عاشق
فـ الحزن لم يكتب لمن يعشق الأزرق
والحزن لن يجد طريقا لنفوسنا طالما عشقنا هذا الكيان
وسنبقى له اوفياء طالما وجد هذا الكيان
...
احب ابشركم ان شبيه الريح بيستمر حتى نهاية الموسم نتيجة ضغوط شرفيه كبيره
وان شاء الله نهاية المده
...

فمان الله

...

ابو بندر 22 · #2 22/10/2010, 05:23 PM

إقتباس

الرسالة الأصلية كتبت بواسطة [ البيرق الأزرق ]


	ومنا من عاشر الهلال من قرنين واكثر ...

اخوي البيرق الازرق المصدر لهالمعلومه لا هنت

اتفق معاك اخوي البيرق في مجمل كلامك والهدوء سلاح التركيز

اللي فات مات وهااااااااااااات الجديد هذا احد شعارات الهلال

ويبقى الزعيم زعيم

[ البيرق الأزرق ] · #3 22/10/2010, 05:28 PM

إقتباس

الرسالة الأصلية كتبت بواسطة ابو بندر 22


	اخوي البيرق الازرق المصدر لهالمعلومه لا هنت اتفق معاك اخوي البيرق في مجمل كلامك والهدوء سلاح التركيز اللي فات مات وهااااااااااااات الجديد هذا احد شعارات الهلال ويبقى الزعيم زعيم

ذي وانا اخوك ما يبيلها مصدر لانها اكبر ارنب بالتاريخ

القصد عقدين بس مدري كيف جات قرنين

لاهنت يالغلا

يزن البقمي · #4 22/10/2010, 07:20 PM

ماشاء الله عليكم يازعمااء
والله اني استانس اذا شفت مثل هالمواضيع اللي تفتح النفس
الهلال لايعرف الحزن ولا الحزن يعرف طريقه للهلال
اسيا وراحت خير ان شاء الله انطبقت السمااء على الارض مثلا.!!
خلاص شي مو مكتوب لنا المفروض مانعترض عليه
ولازم نبدأ نفكر في الدوري خاصة انه الحين بين يدينا
لكن اذا صدق الجمهور يبي الدوري لازم يحضر المباراة الجايه ولا مو اي حضور
نبي حضور كثيييف
وسلامتكم

[ البيرق الأزرق ] · #5 22/10/2010, 08:15 PM

إقتباس

الرسالة الأصلية كتبت بواسطة يزن البقمي


	ماشاء الله عليكم يازعمااء والله اني استانس اذا شفت مثل هالمواضيع اللي تفتح النفس الهلال لايعرف الحزن ولا الحزن يعرف طريقه للهلال اسيا وراحت خير ان شاء الله انطبقت السمااء على الارض مثلا.!! خلاص شي مو مكتوب لنا المفروض مانعترض عليه ولازم نبدأ نفكر في الدوري خاصة انه الحين بين يدينا لكن اذا صدق الجمهور يبي الدوري لازم يحضر المباراة الجايه ولا مو اي حضور نبي حضور كثيييف وسلامتكم

هلالنا راجع اقوى مما نشوفه بحول الله وقوته
هكذا تعودنا من رجال الهلال ونجومه