نادي الهلال السعودي - شبكة الزعيم - الموقع الرسمي - قدر الله وما شاء فعل موضوع لنقاش الزعماء العقلاء

بسم الله الرحمن الرحيم

السلام عليكم ورحمه الله وبركاته

صراحه مادري وش ابدى فيه لاكن حبيت اقول هاردلك والحمدالله على كل حال

وان شاء الله نعوضها في البطوله الجايه بإذن الله

لاكن اسباب خروج الهلال من الأسويه هي عده نقاط وكذالك خروج نادي الشباب

1- هو الأستهتار في الفرق المقابله واحتفال الأعلام السعودي في تقابل الفريقين
في النهائي وهذا صراحه تخلف من الأعلام واكثر من تخلف.

2- كثره البربره في المدرب وحول رحيله وكانت الأداره اول العارفين انه جريجتس
راح يرحل وبكلام صاحب السمو الملكي الأمير عبدالرحمن بن مساعد في احد المقابلات انه راح يروح يوم 15 وأستغرب صراحه في اداره واعيه ليش ما أحظرت مدرب من بدايه الموسم الحالى وريحت نفسها وريحه لاعبينها .

3- ترك الكبتن محمد الدعيع يعتزل وعدم الأصرار عليه انه يكمل مع الفريق حتى نهايه الموسم ولا ننسى ان الدعيع هو كبتن الفريق وهو من يعطي الاعبين الثقه
مو تقدير في الكبتن حسن العتيبي لاكن هذا الحقيقه .

4- النقطه المهم وهي الأهم صراحه من وجه نظري سبب خروج الهلال من الأسيويه
هو تأجيل مباريات الهلال في الدوري وتفريغ الاعبين من المباريات ( وحشرهم في معسكر) لمده لا تقل عن 10 ايام وشدهم عصبياً وهذا أكبر غلط يعني لاعب محترف
وش يظره انه يلعب مبارياته الدوريه حتى يخفف على الاعب الشد العصبي وتعطيهم طاقه ولياقه وتكتيك وهذا اكبر شي غلط فيه الهلال والشباب وهذا سبب خروجنا من اسيا حتى اذا تتذكرون مباراه الهلال في ايران كان مستوا الهلال افظل من مستواه برياض ليش ؟! لأنه لاعب في الدوري ضد الأتفاق وكان فيه حماس من الاعبين وماكانو بعيدين عن المباريات وياليت الأداره تنتبه لنقطه هذا ومايتكرر هذا الغلط .

أتمنى من إداره الهلال والأمير عبدالرحمن بن مساعد شي وواحد ومهم
ما اطلب منه عدم الأستقاله أو الأستمرار أنا اطلب شي وواحد واتمنى يكون
هو تحفيز الاعبين ونساعدهم على نسيان الأسيويه نبغى شي واحد تحظيرهم لمباريات الدوري واهم مباراه هي أمام فريق النصر واذا تعديناها بإذن الله ان الدوري هلالى

وأسف على الأطاله واعذروني عندي كلام كثير لاكن من حرقه الأسيويه ما اقدر اعبر

تقبلو ودي واحترامي