|
النصراويين خايفين يازعماء من خمسه ثانيه-آسيا راحت بس بترجع وشبيه الريح لانريد غيره-مشروع قادم أستاد جديد وأكبرمن الدره s13s *الحمدالله على كل شيء وعلى كل حاآآل* ولن اتباكا واحزن فأنا أشجع نادي ملئ بالبطولات واذا ذهبت واحده أخذ القادمه والله أني أشوف حال بعض الجماهير كأن الهلال له سنين حارمهم من البطولات ندري أن آسيا غير لكن الشيء الناقص فهالسنه انشاءالله يكتمل السنين القادمه ...ولاتنسون أنتم زعماء ويظل نادي القرن ..زعيمهم خلاص انسوا الي راح عشان مانخسر اكثر يوم الأحد حظوركم برجع روح اللاعبين واصرارهم على الرجوع الى التألق والنجوميه الي عرفناهم فيها لاتخذلون شبيه الريح وارفعوا اللافتات واطلبوا استمراره فشبيه الريح لانريد غيره وليس الهلال الذي يتوقف طريقه لخطف البطولات سيظل الزعيم زعيم وستظلون زعماء.... النصراويين خايفين منكم أيها الزعماء ولا تلتفتوا لمنتدياتهم فهم بالواقع يخافون انفجار اللاعبين والجمهور يوم الأحد ويخافون من خمسه ثانيه وخساره على يد الزعيم نعم هذا كلام النصراويين ومن كلامهم لي شخصيا وشوفوا كلامه عن خروجنا من آسيا .... النصراوي:ماأدري ليش جماهير الهلال زعلانه يعني صح اللاعبين مالعبوا زين بس احمدوا ربكم كل سنه بطوله كل سنه أنجاز واذا تبي الصدق اكبر خساره لكم موب الأسيويه يعني عادي يمديكم تعوضون المواسم الجايه بس اكبر خساره لكم أذا استقال الأميرعبدالرحمن والله محسودين فيه جابلكم لاعبين على مستوى وانديه اوربيه تبغاهم وجابلكم مدرب عالمي والله يستر من بجيب اذا راح مدربكم احمدوا ربكم واصلين لربع النهائي يعني انجاز موب مثلنا حتى بطوله محليه مافيه.... والله ياجمهور الهلال أننا نتمنى نوصل الي واصليه بس نبي نصير زيكم بس أشك بهالشيء ... وغير هالكلام كثير على فكره هذا نموج من غيره كثيييييير... زعماء مانبي نثق بزياده أننا بنفوز الأحد بس اللاعبين مطالبين بالفوووز ولاغيره وبكل حال أحنا مع الهلال طول الزمان... عندي نقطه عن الجماهير بالمباراه ** مشكورين وماقصروا وصدق أنهم شرفونا بس بدون مجاملات الجمهور ماكان متحمس مره مع أنه سبعين الف حاضر ياشباب أنتم تحضرون قبل المباراه بساعات وترهقون أنفسكم واذا بدت المباراه جلستوا طيب شالفايده أنا اقولكم اوكي احضروا بدري بس لاتتعبون وتخلصون طاقتكم ووفروها قدام اللاعبين والله امس كان منظر الدره خيالي فيكم بس نبي حماسكم حتى في دقيقه بالمباراه نيفيز اشرلكم بالتشجيع والمفروض من أنفسكم تتحمسون أنا ماأقلل منكم بس امس فعلا ماكنتوا متحمسين مثل مباراه الغرافه ..... وستظلون الرقم الصعب... عندي نقطه ثانيه ماأدري اذا توافقوني فيها* يعني أستاد الملك فهد امس اكتفاء بأكثر من السبعين ألف والملعب امتلئ وماعاد فيه مكان وقفلوا الأبواب بوجيه الي برا وماقدروا يدخلونهم بسبب أنه مافيه مكان طيب وش ذنب الي جاي من برا الرياض يعني يجي وبالأخير يقولوله توكل على الله مافيه مكان ياساده مش معقوله يعني الدوري السعودي أقوى دوري عربي وفيه منافسات قويه مثل بطوله آسيا أو للمنتخب بعد فسؤال ليش مايعملون أستاد أكبر من أستاد الملك فهد الله لايهينهم يماشي حتى مع تطورات الأستادات الي نشوفها في أوربا أو في بعض دول الخليج مثل دبي.... *هي مجرد فكره بس اتوقع لازم تصير لأن الأتحاد السعودي أتوقع عنده الأمكانيه الكافيه .... وبالنهايه:: شبيه الريح لاتـــــــــــرحل تفداك آسيا وأهلهـــــــــــا.. أن مارضت هالسنه السنين قبالنا وقبالهـــــــــــا.. |
شكرااااااا على الرفع يامشرفين |
والله بعد هالمباراة محد خايف الا احنا الله يستر ونخرج ولو بتعادل .. الفريق منعدمه الروحه عنده ومتحطمه |
ان شاء الله راح نصعق الفقر بسبعة والله انا متفائل |
يعطيك العافيه على موضوعك الطيب ،،، وبالنسبة لجمهور المباراة فأنا اوافقك الرأي بأن التشجيع قبل المباراة يستنزف الطاقات لكن لا تنسى أن مستوى اللعب كان يصيب المشجع بالإحباط ويجعله يتوتر ولا عاد يعرف يشجع،، غير أن الزحمه الشديده كان لها دور كبير في نقص الأوكسجين على الجمهور بالتالي عدم استطاعتهم عمل أشياء كثيره .. الملعب البارح اكتض لدرحة أنك ماتلاقي كرسي أو ممر تجلس فيه حتى المواصير والجدران كانت فل والناس متعلقه فيها .. أنا جيت قبل المباراة بساعه وظليت واقف بمكاني الين طرد لي يونق وبعدها توفر لنا مكان للجلوس.. التنظيم في الملعب سيء جدا جدا .... الحمدلله على كل حال ... قدر الله وماشاء فعل ... صحيح نيفيز كان يأشر لنا بيده وكنا نشجع لكن برضوا كنا نتمنى نشوف تجاوب من اللاعبين على التشجيع وأولهم نيفيز نفسه اللي يطلبنا بالتشجيع وهو بالمباراة بعيد عن الجو |
يعطيك العافيه على موضوعك ,, وبالنسبه للحآلمي يوم الاحد ,, بأذن الله نعطيهم خمسه ثانيه .. |
صدقوني الزعيم .. يمرض ما يموت ,.. |
هذا الكلام اللي يبرد القلب ،، ما اقول الا الله يوفقك دنيا و اخره يا كاتب الموضوع !!! اخيرا واحد استوعب انه في مباراة مهمه ؟ انتهينا ؟؟ بخصوص مباراة الاحد -_- لا تنسوونها ترى الهلال ما انتهى !! انسوا الاسيويه |
ان شاء الله يتوفق الهلال و يكون فوز يبرد القلب |
صدقوني الزعيم .. يمرض ما يموت ,.. |
شبيه الريح لاتـــــــــــرحل تفداك آسيا وأهلهـــــــــــا.. أن مارضت هالسنه السنين قبالنا وقبالهـــــــــــا.. |
شبعنا بطولات محليه .. نبي بطولات خارجيه .. انا للحين معصبه .. وعاد لو كملوها وخسروا من الفقر .. وش بيسكتني الله لايقوله بس .. بسكت وبشوف اخرتها مع ياسر ورفاقه .. برود لامبالاه فينا |
صدقوني الزعيم .. يمرض ما يموت ,.. |
هذا الكلام اللي يجمد على الشنب... يالله يازعماء على الدره الاحد...باذن المولى سنفوووز عليهم وناخذ 3 نقااط |
صدقوني الزعيم .. يمرض ما يموت ,.. وراح نكسب بإذن الله ترى الفقر ماعندك احد |
| الوقت المعتمد في المنتدى بتوقيت جرينتش +3.
الوقت الان » 06:06 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd