ماراح نسامحكم يا اللاعبين الا إذا فزتوا ع النصر بـ 10 / صفر .. - نادي الهلال السعودي - شبكة الزعيم

هلالية بنت هلالي,, · #1 21/10/2010, 02:14 PM

السلام عليكم ورحمـــة والله وبركاته ..

ضاااع الحلم وانتهــى بسبب اشباااه لاعبين في الملعــب يلعبووون بس للفلوووس مب للشعاار ..
ولاترجون البطوولـه الا اذا صار عندنا لاعبين يلعبون مثل رووح الثنيان وابو اثنين والتيماوي والنعيمه والتميااط و و ..
مب لاعبين يلعبون ع مزاجهم متى ما رووقوا يلعبون بفن ومتى ما تضايقوا ضربوا فينا عرض الحائط ..

ع العموووم يا أشباه اللاعبين ماااراآح نرضى عليكم ووننسى اللي صار اللي اذا فزتوا في المباراة الجايه ع النصر ب 10 /صفر .. ايه 10 /صفر ..
مب صعبــه عليكم اذا لعبتوا وانتم مروقين تحرثون الملعب حرث بسم الله علينا عكس اذا طنقرتوا وصرتوا منتوا رايقين وبعدين النصر فريق منحط ومتهالك وماعنده الا الدجه يعني انتهزوا الفرصه بتعادل الاتحاد مع الفتح

<< هالنتيجة فرحت فيهاا في عز حزني

اخيرا / اذا استقااال بن مساعد فنحن بإنتظار عودة الامير بندر بن محمد محااامي الهلال

او الامير محمد بن فيصل حيبيب الهلاليين

هلالية بنت هلالي,,

هلالية بنت هلالي,, · #2 21/10/2010, 02:38 PM

الله يجزاكم خير نزلوا موضوعي

....

البدائع بلاد الروائع · #3 21/10/2010, 02:57 PM

يعطيك العافية

والان يجب التفكير والتركيز على الاستحقاقات المحليه
والبداية امام فريق النصر فهذه المباراة قد تكون مفترق
طرق للهلال في بطولة الدوري نريد الفوز بهدف وحيد
يكفي للحصول على النقاط الثلاث 0 لانريد تاريخية قلناها
سابقا نريد تاريخية بالنصر ونخرج مهزومين او متعادلين
في الموسم الماضي فقط نريد اعادتة التوازن للفرقه االهلالية
دمتي بود
هلالية

الهلال أحبك موت · #4 21/10/2010, 03:52 PM

أمااااااااا عااااد 10/0

سلامات ياهلاليه الدعوه كلها نبي ثلاث نقاط وكثر الله خيرهم اذا جابوها...

قـــــــارة الهلال · #5 21/10/2010, 03:58 PM

اعذريني بس موضوعك لامعنى له

بعقلانيه نطالب اللاعبين بعشرة اهداف لنسامحهم

وتنتقدين اللاعبين بشكل غير مبربر

سووا اللي عليهم بس الحمد لله على كل حال

نسيتي هاللعيبه اللي تقولين انهم يلعبون عشان الفلوس

وش مسووين السنه اللي راحت

لهالدرجه تجحدين عمل قام به حبيبنا سمو الامير

وكانك تعجلين برحيله وتطالبين بالامير بندر

والله نحتاج عقلانية في طرح المواضيع

تقبلي مروري

خالص احترامي لك

radoi88 · #6 21/10/2010, 03:59 PM

ياعيني ع الكلام الزين بس لو أنك تأخرتي بالكتابه حتى هدأتي راح يكون موضوعك أحلى وأحلى
علينا أن لا نقسى على هؤلاء اللاعبين فهم من ذلوا التشاد بالخمسه و مرمطو الفقر بالخمسه
وأبطالنا قادرين على أن يردو هالخمسه المباراة القادمه إن شاء الله بشرط أن نقف إحنا خلفهم ونخرجهم من حزنهم بأسرع وقت

الهــ فديته ــلال · #7 21/10/2010, 04:00 PM

اذا فزنا قدام النصر ان شاءالله

صدقوني الهلآل راح يرجع لة نشآطة

وخاصة مع عوده المدرب

يمكن يكون حماسهم اكبر

ابداعات 20 · #8 21/10/2010, 04:01 PM

وش رايك نخلها 15 مو احلى ؟

sobeeh2005 · #9 21/10/2010, 04:01 PM

نعم رد الدين نريده في النصر

وبلاش الارقام الكبيرة يكفي رد هيبة الزعيم

الهايم دايم · #10 21/10/2010, 04:05 PM

فعلا كلام صحيح 100% اشباه اللاعبين ؟؟؟؟؟

يجب ان لا ندع جماهير الفقر يتشمتون فينا اكثر

يجب ان نسكت الالسنه الصفراء

رساله للاعبين نبغى نتيجه تبرد قلوبنا

شبيه الريح 999 · #11 21/10/2010, 04:08 PM

إقتباس

الرسالة الأصلية كتبت بواسطة ابداعات 20


	وش رايك نخلها 15 مو احلى ؟

ههههههههه لا 20 افضل انا ادري وش شايفتنا اختي 10 والله لو برشلونه

كل احترامي لكي اختي..

صلوحي الهليل · #12 21/10/2010, 04:09 PM

الله يستر مأ تكون عشره علينآ

أقول إذآ كان النصر منتخب قطر للسيدآت يمكن نجيب عليهم عشره

عليكم موآضيع قسم بالله تطفش الوآحد

يـ! ,,,ــر 20 · #13 21/10/2010, 04:10 PM

آووص لآ يسمعتس آحد

الخوف انه يدخل علينآ 10

عـاشـق سـراب · #14 21/10/2010, 04:12 PM

البارح بعد مباراة ذوب آهن

واحد من الجمهور الهلالي ( زكرت )
يقول // جيبوا لي واحد نصراوي حتى أحط حرتي فيه !

قلت له ... يوم الأحد إن شاء الله راح تلقاهم بكثرة هنا ( الإستاد )

زبدة الكلام

ماراح يرضينا إلا الفوز عليهم بنتيجة كبيرة .. وبصراحة بعد الي صار البارح من ( بعضهم ) في الملعب
كادت تصير تكسير رؤوووووس

لكن الحمد لله على السلامة

الحضور الحضور والمساندة والمؤازرة

وفكونا من بعض سوالف الجراشيم المتكاثرة عندنا والي يطالبون بالمقاطعة !!

هلالنا فرحنا كثير .. وأحزننا قليل ... عكس غيرنا ( الكثير )

زعيم طويق · #15 21/10/2010, 04:14 PM

اقول ياهلالية وسعي صدرك .. اصبري شوي اصلا دوري زين توها بدري وان شاء الله نتصدر الدوري ودمتم بود ..