السلام عليكم ورحمه الله وبركاته ,,

لا حول ولا قوه الا بالله ,, قدر الله وما شاء فعل ,,


ابي ادخل في الموضوع على طوول ,, و الموضوع وااضح من عنوانه

مباراتنا القادمه مع الجار ( العدو ) والكل يبغى يفوز فيها يعني بكل صراحه , من الاسباب الثانويه في خسارتنا قد

يكونون هم , والاسباب الثانويه اللي اقصدها وبكل بساطه دعواتهم للهلال بالخساره , ناهيك عن كل ما يدور من

مخططات ومؤامرات من تحت الطاوله على قولهم ,,



وحنا اثبتنا من جميع مبارياتنا السابقه واقربها مباراه الهلال و ذوب آهن اننا الاكثر جماهيريآ , ووالله اعتقد انه جاء

الوقت اننا نثبت اننا الاكثر وفاءآ لنادينا , والله بما انها قد تكون افضل فرصه للنصر للفوز , اعتقد والله انها افضل

فرصه للهلال لرفع المعنويات في الدوري بالفوز على النصر ,,


والاسيويه راحت بخيرها وشرها ,, ولازم نتحرك الحين بما ان الاتحاد تعادل في مبارتين وبداء مدربهم يخبط , لازم تتحرك الاداره بالتعاقد مع اجانب يسدون الفراغات اللي قد يحدثونها اجانبنا الراحلين في الفتره الشتويه ,,


ووالله من وجهة نظري المباراه القادمه لا تقل اهميه في الحظور الجماهيري من مباراه ذوب آهن , وانا متأكد ان

جمهور النصر بيحضر بكثافه لمساندت لاعبينهم , وان جمهور النصر بيحضر بأعتقاد انه فريقه بيفوز بنتيجه

كبيره , وانه الهلال حالتهم النفسيه زفت . وانا اعتقد انه مالهم فرصه افضل من هذي الفرصه , وفي نفس

الوقت مالنا فرصه افضل من هذي الفرصه لرفع المعنويات .


وخير الكلام ما قل ودل

تقبلوا تحياتي : جآرف الصيت