|•°ღღ }{● ياكثر من هم من جمهور الزعيم ويحسبون علينا زعماء ولاكن لا يفقهون شئ بكرة القدم (يحبطون - يلومون) ليه كل هذا .. وبه حمله بالداخل .. ●}{ ღღ°•| - صفحة رقم 2 - نادي الهلال السعودي - شبكة الزعيم

خالدفي حب الزعيم · #1 21/10/2010, 11:37 PM

السلام عليكم ورحمة الله بركاته

صباحكمـ / مسائكمـ

ازرق بلون الزعيم والسماء

هاردلك ياشعب الهلال العظيم وخيرها بغيرها يامعشر الزعماء

وهالمستعصيه الاسيويه حنا وراها طال الزمن ولا قصر

انا جيت اليوم وقررت اكتب هالموضوع وهو اول موضوع لي بمنتدى الجمهور الهلالي

وما جاء ابالي اكتبه الا بعد ما شفت بعض الردود من بعض المحسوبين كجمهور هلالي

اللي قاعدين يحللون ويقررون برحيل اللي يبون

ياخي ليه من مباراة وحده نسيت اللي سوه كل طوال الموسم الماضي لييييييييه

هذا بدال ما توقفون مع الزعيم لانها اهم مرحله الحين لازم نكون نحن من ينتشل اللاعين وكل المنسوبين من الحاله النفسيه

اللي يمرون فيها بعد الخروج المر وزايدة المر استقالة الرئيس اللي حبوه

ياخي ليه نسيتوا كل اللي سواه

نبدأ باللي يقولون ارحل يا بن مساعد نبي واحدن مايدلع اللاعبين >> اجل تبي رئيس يمسطهم بالعقال وانت بزمن الاحتراف

ولا اللي يقول ارحل بسلامتك نبي غيرك يجيبها >> ليه هو قصر بشئ وش ما سوء ولاكن ... لاجواب

ابي اعرف انتم نسيتو اللي سواه بالزعيم وشلون رد الزعيم لأول جمع الفن والجماعيه والمتعه والانتصار
نسيت انه جاب محترفين قاموا الانديه تقلده فيهم ومو بقادرين يجيبون مثله
نسيت انه جاب من افضل اللاعبين اللب مرو على الكره السعوديه
نسيت انه ظحى بماله وصحته واهتمامه بعايلته عشان يسعدك
نسيت انه هو اللي رد هيبتك واسكت كل من تكلم على الزعيم بعد مباراة ام اصلال
نسيت ان بعهده اتت اكبر نتيجتين بتاريخ لقائات فريقي الهلال والنصر والهلال والاتحاد واللي انتهت بالخمسات
نسيت انه جاب اغلى لاعب اجنبي بالمملكه واغلى مدرب وانه دفع اعلى الرواتب واعلى المكافأت من اجل اسعادك
كل هذا نسيته لان الفريق خرج من الاسيويه وهو ماله ذنب

ليش هالاجحاف بحقه ليييييييييييييش

نجي للأجانب واللي قالو لي الي كوريا مانبيك واللي يقول ولي ارحل وريحنا ....الخ

ياخي نسيت وش سوء ولهامسون مع الهلال ويكفي اخذ افضل وسط وافضل اجنبي بالدوري السعودي
نسيت ادائه طول الموسم الماضي ووش سوا بمباريات الزعيم ووشلون كان العلامه الفارقه بين الزعماء
نسيت انه يوم يغيب يغيب الفريق كامل
نسيت (((( دموعه بمباراة الغرافه هذي بالاخص نسيتوها )))) ياخي الي متى هالكلام
خلونا من الكلام ولنصير كلنا يد وحده عشان نرجعه لمستواه لانه جد لا يعوض

ونجي الي لي يونغ بيو هل نسيتو انه اكثر لاعب كان مستواه ثابت بجانب هوساوي
نسيت انه كان مثال للأنظباطبه داخل الملعب وللهدوء وللذكاء
نسيت انه هو الوحيد اللي حل ازمة الظهير الايمن
وبالاخير عشان غلطه بسيطه من نرفزه تقع لأي لاعب يصير ما ينفع
وتجازونه بقولة ارجع لكوريا لييييييييش

وللي يقولون عيسى ياسر الفريدي الدكه تنتظركم

هل نسيتو بغياب ياسر شلون يكون الهجوم عقيم
هل نسيتو ان انتم تفسكم من طالبتو بعيسى اساسي مع ياسر
هل نسيتو ان الفريدي افضل من قدم اداء بجانب العابد بالذهاب
وايضا بالاياب قدم ولاكن حماسه زاد شوي وخاف جيريتس ياخذ احمر وطلعه

ياخي انتم اييييييييش علموني

واللي بقوله الخروج من الاسيويه مو اخر العالم باقي لنا موسم طويل
وعلى خروجنا اعتقد البرشا خرج من نفس الدور بأبطال اوربا الموسم الماضي
امام الانتر وكان الكامب نو مليان مثل استاد الملك
ولاكن كان الانتر لاعب بنفس طريقة الدفاع الابدي مثل ذوب اهن
وكلانا خرجنا
الهلال ______ البرشا

يازعماء لاتنسون ان الاتحاد خسر اربع نقاط
وامامنا الفرصه للأبتعاد بالصداره لو يفوز الزعيم بالمباريات المؤجله
تكفون انسوا الاسويه خلاص
وفكرو بمباراة الاحد امام النصر وكم هي مهم لرجوع الروح والامل للاعبين
ولا تخلون جمهور الفقر الحاقد يشمت فينا ويفرح بأن جمهوره الاكثر بالمباراة وهم الذين لم يرو هالمنظر ابدا بحياتهم

تكفون هذي اخر كلماتي بالموضوع

وحب الزعيم فوق مهما حدث لازم نكون اول المساندين
ولنجعل الامثال تظرب بنا
ولا نغلط غلطة جمهور الاتحاد وما فعلوه من عزوف بعد الاسيويه هوا بفريقهم اللي الخسائر

كبرو عقولكم يا الهلالين

وبعد هالحملات الكثبره اللي صرت اشوفه الي اني شكيت انها صارت موضه من كثرها

قلت خلني اسوي مثلهم واقوم حمله

بس بتكون حملة ابقاء ابو فيصل طول الله عمره رئيس وسامي مدير واجانبنا الافضل للأخير

وبالنهايه مالي الا السلام

احبك يازعيم حبن جنون

اخوكمـ

|•°ღღ خالد في حب الزعيم ღღ°•|