21/10/2010, 05:10 PM
|
| زعيــم متواصــل | | تاريخ التسجيل: 21/05/2006
مشاركات: 127
| |
|
( لجماهير الهلال فقط ... سمو الأمير ؟ وما جزاء الإحسان إلا الإحسان ؟ ماكان هذا جزانا )
بسم الله الرحمن الرحيم
جماهير الزعيم.... جماهير الوفاء......جماهيرالبطولات
أسعد الله أوقاتكم بكل خير
* نحمد الله ونشكره على ماكتب على فريقنا في مباراة البارحه ( وإن شكرتم لأزيدنكم )..
* ليس نهاية الهلال خسارة بطوله وكيف وصلنا ( لخمسين بطوله ) و (نادي القرن ) لو كان طموحنا يتوقف عند الخساره.
* بإذن الله يوم الأحد بداية العوده لطريق ( البطولات والمجد ) وماأحلى العوده عن طريق الديربيات وتوقيت المباراة من صالح الهلال لإن الفوز يعني عودة الروح وعودة المياه لمجاريها.
* (الروح ؟ الروح ؟ الروح ؟ ) كيف غابت البارح . غريبه والله أول مره أحضر بإستاد الملك فهد وإنذهلت من الحظور الكثيف والله إن الجماهير الحاضره أكثر من (75000 ) الممرات والله كلها مليانه والكراسي ماتلقى محل لآكن ( ياعيب عليكم يالاعبين الهلال ).جمهور من ( شرق وغرب وجنوب وشمال المملكه ). أنا والله من 1300 كيلو حاضر.جماهير أنتقلت إلى رحمة الله وكان أملهم حضور المباراه .ليه ماحسوا فينا تركنا كل شي تلبيه لنداء شبيه الريح (وآخر مكافأه لنا بعد فشيلة اللاعبين الإستقاله ) ( وماجزاء الإحسان إلا الإحسان)(الركاده زينه ياطويل العمر ) ( هل رأست الهلال لبطوله واحده فقط؟؟وهل طموحك محدود لهذه الدرجه؟؟ هل وضعت نفسك مكان الجماهير المصدومه بموت أحساس لاعبيها لتكملها بالضربه القاضيه ) ( والله إني عند قريبي من فجر الأربعاء ولم أخرج من المستشفى إلا المغرب وعلى الملعب مباشره ) ( فهموا لاعبين الهلال يحسون بالجماهير )؟؟؟( أستثني رادوي والعتيبي من كلامي)
* هوساوي تتبع خطوات نور من بداية الموسم وكل إجازه يلعب مباراه بالحواري والإداره تعلم عن الموضوع وسط تكتم وصمت غريب وآخر شي هدف أمس أرحمنا ياشيخ مدافع مبتدي مايشتتها كذا.
* ياسر الله يرحم والديك ويحفظلك عزوز أرحم الجماهير اللي تنضرب في المدرجات من رجال الأمن وحس بنفسك وبمستواك وأرجع وأترك التفكير بأمورك اللي خارج الملعب لبعد المباراه.
* الفريدي أترك أساليب ولعب الحواري عنك ثلاث مرات تضرب لاعبين الفريق الإيراني والرابعه كرت أصفر (والله لو حكم سعودي إنك مطرود).
* يوم الأحد بإرادة الله حاضر.حاضر.حاضر. لعيون الأمير عبدالرحمن بن مساعد والأمير نواف بن سعد وحسن العتيبي ورادوي حتى لو صدمني طويل العمر راح أحضر الأحد لعيونه وكلي أمل يمتلي الملعب ويفرحنا برجوعه عن قراره.
* جماهير الهلال والله أني أنقهرت البارح يوم خرجت من الملعب وشفت الحزن على ملامحكم لآكن كلي أمل بحظوركم يوم الأحد لنثبت لشبيه الريح غلاه بقلوبنا غير.أقسم بالله لو إستقال لن تفرحوا بالهلال قبل موسم كامل يعني أرقدوا سنه لأكن أحضروا يوم الأحد وخلونا نطالب الأمير عبدالرحمن بالعدول عن الإستقاله ونفرح برجوع الروح عند بعض الإشباح.
* سمو الأمير عبدالرحمن بن مساعد ألف شكر على صدمتك لنا البارح والله والله والله ماكان الجمهور الحاضر ناقص جروح وصدمات.
* تقبلوا أرق تحياتي وسامحوني على بعض الكلمات لآكن الحي يحييك والميت يزيدك غبن وموعدنا الدره الأحد القادم لعيونك ياشبيه الريح أبحضر وأكثر التسبيح |
الوضع العادي
