اقل شي الواحد يسويه عشان يحترم حزن الجمهور الهلالي ان الواحد يقدم استقالته { كل ماذكره عبدالرحمن بن مساعد ( بالتفصيل ) }
 

بسم الله الرحمن الرحيم


السلام وعليكم ورحمة الله وبركاته ...
العضيبي : سمو الأمير هاردلك لن اقول شيئاً ماذا تريد ان تقول .

ابو فيصل : حمد لله رب العالمين قدر الله وماشاء فعل مااراد رب العالمين ان نسعد هــ الجمهور الي انا اعتذر له فرداً فرداً على ان نحنا لم نكن على مستوى حضوره ومستوى دعمه كنت اتمنى يطلع فرحان ولكن رب العالمين مااراد قدر الله وماشاء فعل انا سبق وقلت قبل المبارة انه اذا حصل اخفاق انا من يتحمل المسؤوليه عشان اقطع الطريق على كل الأخوان الي ممكن ابتدوا يعدو الاشياء الي سوتها الاداره ولو كان عمله كذا ولو كانعمله كذا ولو كان ابقوا ولو كان جابوا مدرب جديد ولو كان ولو كان وعشان اقطع اللو لوه هذي انا اتحمل المسؤوليه وأشكر الاعبين على الجهد والعمل الي قدموه معاي طوال فترة رئاستي وأدعوا اعضاء مجلس الشرف الى عقد اجتماع لــ اختيار رئيس جديد طبعاً حـ نجيب مدرب للهلال ونشوف في الأجتماع مين الي بيمسك النادي ونسلمه الأمور ان شاء الله


العضيبي : بآخذ الكلام ذا سمو الأمير بالتفيصيل اولاً انت تقول انا من يتحمل المسؤوليه تتحمل من مبدا انك تحب الهلال ؟ ام انك تتحمل بـ سبب انك وقعت في خطأ ؟


ابو فيصل : لا انا اقول اني انا الي اتحمل لاني انا الرئيس انا عملت كل مااعتقد انه صحيح وعملت كل مااستطيع عمله أعطيت كل ماعندي نتائج ماجاءت كما اريد ويريد جمهور الهلال هي ليست مسألة بطوله انا الدافع عندي ماعاد اصبح دافع كبير اني اقدم شي كبير لانه مثل ماقلتلك احنا اتخذنا قرارات وربطناها بالنتايج والجماهير يمكن مايرضيها الا النتايج يعني انا محزني كثير الجمهور الي خرج اليوم فــ اقل شي الواحد يسويه عشان يحترم حزن الجمهور الهلالي ان الواحد يقدم استقالته


العضيبي : انت تستقيل سمو الأمير وفي نفس الوقت نقول انها مثلاً اخر مبارة لـ جيريتس ام سيبقى الى نهاية الموسم


ابو فيصل : طبعاً انا ذكرت عقد اجتماع اعضاء الشرف مو معناته اني بترك النادي بكره لن اترك النادي الى ان يأتي الرئيس الجديد والمدرب الجديد وسنسلم النادي لـ الرئيس الجديد في احسن صوره نقدر نسلمه فيها

العضيبي : جيريتس الآن يقفل ملف << قاطعه الأمير عبدالرحمن وقال جيريتس رايح 15 نوفمبر
ابو فيصل : احنا اساساً كنا ندرك هذا قبل كنا نعرف ان فرص بقاءه ضئيله جداً ولكن حتى مايشعر الاعبين ان المدرب راحل ذكرنا انه باقي الى نهاية عقده فـ عموماً القرارات التي اتخذت كلها من اول الموسم تتحملها الاداره ويتحملها رئيس النادي والاعبين هم ادوات في نهاية الامر وياما اسعدوا جماهيرهم اليوم احزنوهم

العضيبي : الجمهور لديه عاطفه اليوم خطأ من لاعب دائماً ماتتغنى له الجماهير الهلالييه وهو لاعب مدافع وكابتن للفريق ماذا تقول لهم ممن حمل اسامه هوساوي سبب الخروج من دوري ابطال آسيآ بتأكيد ستكون عند ابسط المشجعين ؟

ابو فيصل : سبب الخروج من المبارة الي فاتت مو هذي احنا لو سجلنا المبارة الي فاتت وكانت واحد واحد ماكان لعبنا تحت الضغط هذا الي لعبنا فيه انا سبق اني قلت المباره صعبه والفريق الايراني يتكتل في الدفاع ويلعب ع المرتده وقد كان والمدرب وجد نفسه في حرج في انه انتهى الشوط الأول صفر صفر وكان صعب ان احنا نسجل واحنا كنا بالوضع الي كنا فيه في الشوط الأول اضطر انه يخاطر ويخرج الفريدي الي عنده كرت واشراك ويلي الي كان محتفظ فيه كـ ورقه رابحه الي كان يأمل انه يسجل في الشوط الأول ويستفيد من ويلي في المرتدات ماحصل حصل العكس ارتكب لي يونق حماقه يعني مالها مبرر فــ هذا يحصل في كرة القدم واسامه هوساوي ياما شال عننا بلاوي اذا اخطأ اليوم كلنا نخطي .

العضيبي : انتهيت من الهلال حتى تجهزه مالذي تذكره تروح يعني وانتا حزين .

ابو فيصل : لا انا ماني بحزين انا طبعاً حزين ع المبارة ولكن انا سعدت وتشرفت لمعرفة الكثير في الوسط الرياضيه
حملت ذكرى سعيده مع الاعبين ذكرى لن انساها عبر الرياضيه اقول لأي احد غلط علي انا مسامحه وانا اسف اذا غلطت على احد من غير مااقصد انا اسف وسامحني وأي احد اساء لي انا مسامحه واتمنى التوفيق للجميع


العضيبي : اخر شي سمو الأمير يوم الاحد مبارة مهمه في ديربي يعني حــ يكون لها تأثير هـ المباره


ابو فيصل : ربما ولكن ان شاء الله سنحاول قدر الأمكان بما ان احنا لسى في مجال العمل نفسه ان احنا نعمل مابوسعنا لان احنا نجعل الفريق في أحسن صوره


العضيبي : نضغط ع الاعبين وناخذ تصريحات منهم ؟

ابو فيصل : والله اعتقد حالتهم صعبه ماحد راضي يصرح فـ بتالي لازم احد يطلع يتكلم ع الخساره قلت اطلع اكفي الاعبين مؤونة التصريح .

بـ معنى الرئيس اول الحاضرين امام النصر لانه لازال على رأس العمل :smilie47::rose:

تصريح متزن كعادة شبيه الريح ,,
لكن اتمنى محاسبة اللاعبين الذين يستلموون الملايين ,, وللاسف لم يقدرو الموج الازرق الذي ملأ جنبااات الملعب وخرج حزينا ..


وشكرا لك اخي على جهدك ..



:alzaeem::ba::alzaeem:

الحمدلله على كل حال :rose:


سبحان الله وبحمدهـ سبحان الله العظيم

اتمنى من سمو الامير الاستمرار


بالتوفيق للزعيم اما النصر

بالرغم من ان النصر فريق قوي ومنتشي بفوزه على الاهلي واحتلاله للمركز الثاني فالحذر ثم الحذر

الحمدلله يآآرب ..

تصريح خارج من عقل رجل وآعي يعي الأمور ..

الله يحفظك يارئيسنآآ (=

احذّر من النصر فهم بيحاولون يستغلون الفرصه

شبيه آلريح آذآ آلجمهور مآ يبيك تستقيل ورضآئه برجوعك للرئآسه .. وش بتكون ردة فعلك ؟
لآهنت آخوي

ان شاء الله يرجع عن قراره اقل شي الى نهاية الموسم