السلام عليكم ورحمة الله وبركاته

ندخل الموضوع بدون تلوي ومرطسه واقنعني او اقنعك واقبل رايي واقبل رايك

اصح يانايم الاسيويه طارت واللي طيرنا منها عرف يلعبها صح مثل مالعبناها العام طوال الموسم صح
وبصراحه ما ودي اتكلم فيها ابد ولا ابرر ولا اتفلسف واصير مثل المجموعه اللي قالها ابوفيصل ( مجموعة قايلهم )

بس شيء واحد بعلق عليه وهو استقالة عبدالرحمن بس مساعد واللي هو في رايي الخساره اللي اكبر من الاسيويه والله ياعالم قلبتها يمين ويسار وفوق وتحت والله ماطلعت معي نتيجه
لو هالرجل فشل مع الفريق من استلامه له كان قلت من باب خاربه خلينا نعميها لكن بالعكس من انجح المواسم اللي شفتها في حياتي هو الموسم الماضي وبداية الموسم هذا وخاصه انها جت بعد نكسة كوزمين واللي الكل توقع ان عودة الفريق تحتاج الي سنين لكن رجع واكل نصيب الاسد من بطولات الموسم
لو فيه منافسين له في منصبه كان قلت اعترف بالهزيمه واخذها من قاصرها لكن حتى اقوى المنافسين له هو بندر بن محمد اللي كان اول من ظهر ورفض استقالته وتعهد انه يقنع كل الاعضاء بعد قبولها وثنيه عنها
لو كانت سياسته من البدايه طقها والحقها كان قلت طفش مل ولقاها فرصه ينحاش والكل يذكر مقابلته مع وليد الفراج في لقاء خاص عندما قال لن يهدأ لي بال ولن تغمض لي جفن حتى يرو ا الهلال في أفضل حالاته وكان الجميع يتوقع ان يكون هذا الكلام امتصاص لغضب الجمهور وحزنه لكن طلع الرجل عند كلمته وكان يعرف مايقول والمساله ماكانت طقها والحقها
لو كان الرجل يخطط من اول يوم تولى فيه الرئاسه انها يتركها في نص المدة كان قلت من باب انه لهمدها من هنا وهناك وخلص ولقاها فرصه لكن طالعت في فعله في البنيه التحتيه للنادي لقيته يخطط يجلس اكثر من فترة اربع سنوات والديل مبنى الادارة مبنى المعسكر التغيير في مباني النادي والخطط المستقبليه كالاستاد الخاص والاكاديمه الخ وتحسين العلاقات مع جميع الانديه حتى اصبح الفريق يسافر خارج الرياض ويستقبل كانه ( نسيب ) ماهو كانه منافس جاي ياخذ النتيجه ويورث في الخصم الحزن
لو هالرجل ضعيف كان قلت من باب الخوف بينحاش لكن اللي مبين ان الرياجيل ( يقمطون ) لاشافوك واتنك مذيع قدامك يرتعد وبعدين اللي يعرف يدري ان سنحتك ماهي سنحة الرخمه ( استطرادا اللي يبي يعرف سنخة الرخمة يشوف خبيلان اذا انحشر في زاويه لو من مذيع جديد قعد يبلع ريقه )

ما ابي اطول في هالموضوع لكن الحين يابوفيصل اذا تبي تهون فهي مصيبه لان ماهو ابن مساعد اللي يرجع في كلامه واذا اصريت هفي والله مصيبتين فقد الرياضه السعوديه رجل مثلك وفقدنا حنا جماهير الهلال رجل نشوف انه كفو يمثلنا ويتكلم باسمنا


الحين جينا للمهم واللي هو اهم شيء عندي انا مدري عن غيري
حضرنا الاستاد ودخلنا من حر مالنا ما احد تمنن علينا
وساندنا زعيمنا وصوتنا وتقطعت حلوقنا واستمتعنا وقت وحزنا وانقهرنا الوقت الباقي
كل اصدقائي الفقراويين قامطين ماحد يفتح فمه من يوم مات فيصل بن فهد ومن يوم قرر الاتحاد السعودي يستعين بالحكم الاجنبي ماسمعت احد فيهم يتصل يتشمت الا في هالمباراه والكلام كله مكرر ( العالميه صعبه )
الحين بتخلون اللاعبين يوم الاحد يواجهون الفقر بجماهيره او بنكون المفاجئة اللي بتخليهم يعرفون ان فيصل بن فهد ماراح يبعث من قبره
بدون كثر كلام اللي قراء كلام فهده الهريفي والطخيم اليوم في الرياضيه بينفجر من القهر وانا يا واحد منكم لو اشوف فيه كرسي فاضي في مدرج الزعيم الظاهر ينجلط واموت

والله ثم والله ثم والله حضرت 90% من مباريات الهلال من عام 1398 هـ الي اليوم بس ما انقهرت كثر تشمت جماهير الفقر
طز في الاسيويه وطزين في جيرتس بس تكفون لاتتركون الهلال لحاله يوم الاحد
قسما بالله لو يفوزون الاحد ليضحكون علينا باقي الموسم
الاتحاد بعد الاسيويه تركه جمهوره وصار ملطشه للفرق في الدوري بس حنا عندنا جمهور مايخاف من الجوازات وفيه طناخه ومرجله ماهي عند جماهير المسيار والتصويت
حنا نصنع الانجازات بالهتافات في المدرجات واقدام اللاعبين ال11 داخل الملعب وباداره راقيه و ( مؤدبه ) تعكس صورتنا كجماهير
وغيرنا له التصويت واللعب تحت الطاولات

انا اكتب وانا منقهر وبسرعه يعني لا احد يعقب على الاخطاء الاملائيه