بسم الله الرحمن الرحيم , السلام عليكم ورحمة الله وبركاته , طبعا بالبداية هاردلك لكل جمهور الهلال

ما انتهى العالم , نبقا نادي القرن في اسيا, واقوى نادي في آسيا

موضوعي يتلخص في 3 نقاط , وهي كالآتي : 1- اخطاء , 2-اشياء مطلوبة بالفترة القادمه,3- امور تخص آسيا

نبدا بــ

1- الاخطاء :

للأسف افتقدنا الروح , افتقدنا التكتيك المناسب من رجل (خبير) وفاجئنا بتكتيك (ركيك) للأسف , ما نبغا نتكلم ونقول انه جيرتس يبي يمشي ومادري ايش وووو الخ , هذا الكلام كله خاطئ , الرجل مخلص , وحاول بكل قوته انه يجيب البطولة ويسعدنا , لكن وقع في اليوم في اخطاء , أقل ما يقال عنها انها بدائيه , يعني يا جماعه هو شايف انه العمق مقفول ليه ما ينقل اللعب على الاطراف ؟! , يعني الموضوع واضح وضوح الشمس , لكن غطرسته وعناده واستكباره , واصراره على اكمال المباراة بنفس الاسلوب , هي سبب المصيبه , بالنسبه للاعبين . يعني انتم شايفين ان مدربكم خبصها , شرفونا والعبوا بامكاناكم وروحكم وفوزوا , مو تقعدون على تكتيك المدرب عشان ما تشيلون المسؤوليه !

2- الامور المطلوبة بالفترة القادمه :
يجب ان تكون هناك وقفه قوية جدا من الجمهور الهلالي ضد الفريق , حتى يحس اللاعبون بالجرم الذي ارتكبوه بحقنا , صحيح ان هناك مباراة مهمه جدا ضد النصر , لكن بصراحة بالنسبه لي انا , اتمنى ان حضور الجمهور الهلالي لا يتعدى 10 الاف متفرج , عشان يعرفوا اللاعبين اننا زعلانين منهم ,
الشي الثاني :
لابد من اختبار مدرب مميز جدا يعرف يتعامل مع المواعيد الكبيرة , يا جماعه ترى اسلوب الفريق الايراني والله ذكرني بكوزمين , صدقوني , مع احترامي لجيرتس , لكن كوزمين افضل منه بمراحل في قراءة الخصوم وقتل المباراة والخروج منها بما يريد !, دائما اقرى هنا بالمنتدى انه في جماهير تنتقص من كوزمين , ويقولون عنه جبان وانه يقتل المتعه , اي متعه يالحبيب أي متعه ؟! , لو بقينا على الاسلوب الهجومي عمرنا ما راح نشم بطولة قارية , انتر ميلان جاب دوري ابطال اوروبا بهالاسلوب وانت تقول لي متعه ؟! , بعدين يا جماعه ترى كوزمين بالموسم الي انطرد فيه , والله لو بقى كان صار موسم خرافي , يعني وقتها كان الهلال قوي دفاعيا كما عهدناه , لكن كوزمين بموسمه الثاني , اضاف له قوة هجومية , وكلنا نتذكر كيف سحقنا نجران 7-0 , يعني كان الفريق بصراحة ما يوصف , قوة دفاعيه وهجومية وقتل لاسلوب لعب الخصم , وتسيير المباراة كما يريدها الهلال , فرجائي رجائي من ادارة الهلال , يجب ان يكون المدرب القادم تكتييييييييكي بحت , لانريد مدربين هجوميين ! , المدرب الهجومي هذا ينفعك ضد نجران وطقتها , عشان تفوزوا بنتايج كبيرة ويفرحون الجمهور , لكن تبي فرق كبيرة , لازم يكون المدرب تكتيكي
الشي الثالث :
ياجماعة الخير والله جمهور الهلال ينادي من زمان , جيبوا مهاجم اجنبي جيبوا مهاجم اجنبي , ولا هم يسمعون , والله واضح ضعف الهجوم الهلالي , شوفوا الفرق الاسيوية كلها عندهم مهاجم اجنبي , وبالخصوص اليابانيه والكوريه , نبي مهاجم يكون وحش بغل زي لينادرو البرازيلي حق السد , او يكون بمواصفاته , اما غير كذا مستحيل نسوي شي , يا جماعة الخير تجينا 10 فرص ما ندخل منها الا وحده بس ! بصراحة , اذا كانت الادارة تريد ان ترجع هيبة الهجوم الهلالي , لازم مهاجم اجنبي يحرق الشبااااااااك
ــــــــــــــــــــــ
3- آسيا

قزمنا انفسنا للاسف , واعطيناها اكبر من حجمها , وكإننا نادي صغير امام فرصه تاريخيه للحصول على البطولة , والله العظيم دايما كنت اقول هالشي لمن اشوف اهتمام الادارة والجمهور بالبطولة ذي الزايد عن حده جدا !
ياجماعه حنا نادي القرن , نادي القررررررن في هذي القارة , وانا باعتقادي هذا كان السبب الاول في خروجنا , وهوا الضغط النفسي , واصلا نحنا مو همنا البطولة , وخلينا صريحين مع بعض , كل همنا نجيبها عشان نروح مونديال العالم , يعني خليناها وسيلة وليست غاية ! , كله عشان الاتحاد والنصر , ياجماعه خلوكم اكبر من هذول الاطفال !

وشكرا !