السلام عليكم

حلمنا وراح .. ومَ ظنيت بيرجع ..

يعني خسرنا مئات الملايين على اللاعبين الأجانب ..

وأفضل من كذا لاعبين أجانب ماظنيت بنحصل !

جمهور وحظرنا ..

أقسم بالله يَ ناس إني ماشي على العصر .. وزحمااااااات الطريق زحمة غير طبيعية

ويوم وصلت الملعب وقفت عند قاعات العروس ..

وطقينااااها رجليه من القاعات إلى الملعب

يعني بحدود يمكن أكثر من كيلو ونصف مشياً على الأقدام

وأنا مامعي تذكرة ماظمنت ألقى تذكرة

ويوم وصلت لقيت واحد يبيع بِ 30 ريال .. قلت الشكوى لله نشتريها !

ويوم دخلت !

مافيه ولا مغز إبره !

طبعاً دخلت الملعب على 7 تقريباً

حتى الدرج فلللللللل

وتعبنا تعب غير طبيعي

طول المباراة واقفين وعلى أعصابنا

وآخرتها هذي النتيجة ..

وعلى فكرة مو أول مرة يصير هالشي




مَ نقول إلا خيرها بغيرها ..

يعني إذا ما أخذنا آسيا هآلسنة متى بنآخذهآ ؟


آآآآآآآآآهـ يَ آلقهر آهـ


أقسم بالله جمهور ولا يحلم بِ الفقر



أقسم بالله توبة أحظر الملعب .. بغض النظر على الهلال انهزم ولا فاز ولا مستواه !


من اللي شفناه !

ناس حثالة .. دشير سمرمد .. ماجاو عشان المباراة جايين عشان المدري وش !


ويخربون عليك


وتنظيم الملعب سيء !


تخيلو معي يَ ناس

اللي معي شارين التذاكر من قبل المباراة بيوم

وأنا شريتها من واحد بِ 30 ريال " سوق سوداء "

المهم يوم جينا نخش ماكان فيه اللي يقطع التذكرة هذاك

المهم الثنين هذولاك دخلوا بدون أي تذكرة !

وأنا يوم جيت أدخل ويجينا ماشي مليون يمسكني هات تذكرتك !


يلعن أبو التنظيم السيء !



مَ أقول بِ الأخير إلا ..

قدر الله وما شاء فعل

والحمدلله على كل حال

جمهور قسم بالله ما قصر حظر وآزر وتعب ..

لكن اللاعبين !

يالله مو مشكلة


أتمنى أتمنى أتمنى أتمنى

إن اللاعبين يراضوننا بفوز كبير على الفقر يوم الأحد ..

طبعاً الآسيوية ما شي بيعوضها لكن شنسوي راحت

لكن أتمنى يراضوننا الأحد

.. وسامحونا على القصور