التحكيم الاسيوي + الجمهور الهلالي ..! - نادي الهلال السعودي - شبكة الزعيم

No E7tkak H · #1 21/10/2010, 01:47 AM

::
الحمدالله ع كل حال وليست نهايه الدنيا يوم نخسر اسيا بظلم تحكيمي !
نعم ظلم تحكيمي
الفريق الايراني من بعد هدفه اللي بأيران وهو يلعب دفاااااع يعني كلهم بالخلف وهذا شي يصعب ع الهلال التسجيل
لكن يوم يكون في تحكيم منصف اكيد بنسجل ثلاث ضربات جزاء للزعيم لم تحتسب والسبب التحكيم الاسيوي التعبان !
ضربتي جزاء بأيران ما احتسبت وضربه جزاء بالدره ما احتسبت !
وغير الاخطاء الخياليه لليرانيين ومنها الخطأ اللي احتسبه ضد الهلال فاول على المرشدي وردها العتيبي بصعوبه !
الله يستر ع عبدالله الحربي ياخوفي انه يتوقف ولا يصير له شي بعد هالكلام اللي تكلم به
YouTube - ‫عبدالله الحربي معصب يسب ويشتم في حكام الاتحاد الاسيوي‬‎

وغير هذا كله سبب الخسارهـ الثاني هو جمهور الزعيم صدقوني جمهور الهلال ملى جنبات استاد الملك فهد بلا فائدهـ تقل الملعب مهجور بستثناء اول ربع ساعه
ياعالم ياهو انا شفت مباراه الترجي التونسي والاهلي المصري بتونس والله يوم يمسك الكوره الاعب المصري
جمهور الترجي كله تصفييير ورجه بالملعب بعكس جمهور الهلال (النايم)
جمهور الهلال يتفاعل اذا جا الهدف فقط
قبل الهدف ساكتين وهذا شي سلبي بجمهور الهلال
المفروض اول مايمسك الكوره الاعب الايراني يكون فيه تصفير ورجه بالملعب فما بالك اذا كانت هجمه مرتدهـ
والجمهور ساكت !!!!!
الجمهور ما قصر اليوم حظر بكثافه لكن وش الفائدهـ تحضر وانت ساكت طول المباراهـ ..!
الحمدالله ع كل حال وان شاء الله معوضه ومثل ماقلت ليست نهايه الدنيا خسارتنا بطوله اسيا

ومضه
عبدالله بن مساعد امس صرح بقناهـ دبي ان في مدرب اوروبي راح يتابع مباراه اليوم
ولكن ماقال اسم المدرب وقال ان الاسم كبير وراح تفرح الجماهير الهلاليه يوم تدري عنه
ياليت نبدآ صفحه جديدهـ وان شاء الله نجيب اسيا السنه المقبله

هزاع اليامي · #2 21/10/2010, 01:56 AM

بصراحة الحربي خربها ويبي يرجع للقناة الرياضية تقريبا

YouTube - ‫عبدالله الحربي معصب يسب ويشتم في حكام الاتحاد الاسيوي‬‎

Hanyalak 511 · #3 21/10/2010, 02:00 AM

ماينلام الحربي
بس للأمانه اللاعبين ماقدموا شيء يذكر عشان نقول إن الجكام هم السبب الوحيد لخسارتنا
أما جمهور الرياض لاجديد يذكر ولاقديم يعاد كالعادة حضور بدون تفاعل

MAGNOON · #4 21/10/2010, 02:11 AM

شوي ورااااااجع

حجججججز

كاريرا · #5 21/10/2010, 02:17 AM

لاتقولي الجمهور او التحكيم

قل ان اللعيبه اليوم في قمه الفشل وهذا هو الواقع

لعيبه ماتقدر الشعار وش ترجى منهم

الهلالي100% · #6 21/10/2010, 02:20 AM

بالله علـيك الجمهور لو مافتح فمه يكفي حضوره

الخسارة يتحملها اللاعبين 90%

No E7tkak H · #7 21/10/2010, 02:21 AM

إقتباس

الرسالة الأصلية كتبت بواسطة كاريرا


	لاتقولي الجمهور او التحكيم قل ان اللعيبه اليوم في قمه الفشل وهذا هو الواقع لعيبه ماتقدر الشعار وش ترجى منهم

::
الفريق الايراني كله بالخلف دفاع Xدفاع
وضربات جزاء لم تحتسب وانا ما انكر ان الهلال اليوم ماكان بيومه لكن برضوا الجمهور كان سلبي وليس إجابي !

khalid alzamil · #8 21/10/2010, 02:25 AM

أنا إنسان عقلاني

إنظلمنا من التحكيم .. ماشي

بس ماهو عذر

في الأخير أقول ماهي نهاية المطاف

والحربي .. نفسي أبوس راسه
والله يستر عليه

ملكي هلالي سعودي · #9 21/10/2010, 02:27 AM

لو ياسر مالعب هذي المباراة
راح ترددون خسر الهلال لان ياسر لم يكن موجود
هذي اساليب جمهور ياسر
خدم ياسر هنا
سلك يامسلك
حسبي الله عليكم من جمهور مايحس بالكيان
اهـ ياقهري اهـ

كاريرا · #10 21/10/2010, 02:28 AM

إقتباس

الرسالة الأصلية كتبت بواسطة No E7tkak H


	:: الفريق الايراني كله بالخلف دفاع Xدفاع وضربات جزاء لم تحتسب وانا ما انكر ان الهلال اليوم ماكان بيومه لكن برضوا الجمهور كان سلبي وليس إجابي !

والله مهو عذر ان الفريق الإيراني لعب دفاع

والجمهور سلبي لأنه حضر للعيبه فاشله تلعب بدون روح وحب للشعار

ا ب ر ا ه ي م · #11 21/10/2010, 02:30 AM

إقتباس

الرسالة الأصلية كتبت بواسطة كاريرا


	لاتقولي الجمهور او التحكيم قل ان اللعيبه اليوم في قمه الفشل وهذا هو الواقع لعيبه ماتقدر الشعار وش ترجى منهم

صحيح الاعبيين ماكانو في يووومهم

بس انك تنساء الحكااام وتقوول ماالهم دخل كييف هذي بالله انت متاكد انك شاف المبارتين هذي ولا لا .!!

ram.5 · #12 21/10/2010, 02:30 AM

يالبيه يالحربي برد تسبدي صراااحه

من بعد العصر حاضرين ولا فيه روح ولا حماس

مجنون سام · #13 21/10/2010, 02:32 AM

العيب بلاعبينا
لاتقولي لاحكم ولاهم يحزنون

aak_9 · #14 21/10/2010, 02:41 AM

يآلبى قلبه الحربي ~
قسسم بالله مبدع
وبآلتوفيق لـ زعيمنآ بآلدوري ،‘
ودي

No E7tkak H · #15 21/10/2010, 02:43 AM

إقتباس

الرسالة الأصلية كتبت بواسطة الهلالي100%


	بالله علـيك الجمهور لو مافتح فمه يكفي حضوره الخسارة يتحملها اللاعبين 90%

::
الجمهور يحضر وهو ساكت ماله اي فائدهـ
هذي مباراه حاسمه ولو فزت تتأهل للنهائي وتسكت !!
وش الفائده بالله !
ليتك شفت مباراه الترجي والاهلي نصف نهائي ونفس حاله الهلال ومتاخرين بهدف واخيرآ تأهلوا بسبب ( الجمهور)
لان الجمهور كان إجابي وفعال وتشجيع طوال الـ90 دقيقه