للتذكير يازعلانين : الإتحاد تعادل مع الفتح اليوم ومباراتنا القادمه مع النصر - نادي الهلال السعودي - شبكة الزعيم

ابو طـــــلال · #1 21/10/2010, 01:06 AM

قدّر الله وماشاء فعل

والحمد الله على كل حال

حمد مذيع قناة الجزيرة الرياضيه قال كلمة اليوم .. اعجبتني :

يقول : لا .. مااششكر ولا لاعب هلالي .. وش أشكرهم عليه ؟؟ على خروجهم الغير مشرف ؟

اللاعبين هم وحدهم من يتحمل مسؤولية خروج الزعيم من البطولة الآسيويه ..

الرئيس ونائبه والإدارة والمدرب .. ماقصروا ..

لكن الروح والقتاليه لدى اللاعبين مفقوده .. البرود واضح عند الفريدي والزوري والقحطاني .. والإررتباك واضح على ماجد المرشدي وهوساوي ... عموماً

الإتحاد تعادل اليوم مع الفتح صف صفر ... يعني تعطل أربع نقاط وهذا من صالحنا مع مبارياتنا المؤجله .. والنصر هو الفريق القادم ..

تتوقعون بنفوز عليهم ؟ وهذا حالنا ؟

حالة إحباط كامله بعد الخروج المر ... الجمهور يخرج حزين

هالسبعين ألف متفرج من الظلم خروجهم بهذه الطريقة دون تقديم ولو حتى مستوى يرضيهم

والله لو كانوا اللاعبين قدموا مستوى وقتاليه في الملعب مااحد من الجماهير يبي يلوم أي لاعب هلالي ..

لكن بهالحاله اللى ظهر فيها اللاعبون .. ياخسارة .. وللأسف ماقدروا حضور هالجمهو

وبصراحة المفروض مودعين بطولة آسيا من بعد مباراة الغرافه بقطر .. لأننا فزنا بالصدفة ومااستفدنا من الدرس ..

مااخفيكم إني زعلان على الزعيم .. لكن والله مازعلت على ضياع لقب البطولة الآسيويه .. زعلان على ضياع الروح الهلاليه والقتاليه في الملعب وإحتررام الفانيله الزرقاء ..! عدم تقدير هؤلاء اللاعبي زحف الجمهور في الملعب ولا عمل الإدارة ممثلة في الأمير عبدالرحمن بن مساعد ..

الكل ماقصر مع اللاعبين ..

صفحة وأنطويت .. باقي الدوري .. ومثل ماقلت لكم ( الإتحاد تعادل اليوم ) وهذا ثاني تعادل للإتحاد وفقدانه لأربع نقاط ..

ومباراتنا القادمه مع النصر يوم الاحد ..

نشوف نجوم الهلال شلون يرضون جمهورهم وإداراتهم بعد المستوى السيء اللى ظهروا عليه هذا اليوم

أخوكم الصغير ابو طلال

أزرق والقلب أبيض · #2 21/10/2010, 01:07 AM

ومباراتنا القادمه مع النصر يوم الاحد ..

نشوف نجوم الهلال شلون يرضون جمهورهم وإداراتهم بعد المستوى السيء اللى ظهروا عليه هذا اليوم

اتمنى الـ 3 نقاط في المباراه الجايه
يمكن يخففون الجرح على الجمهور

ابو طـــــلال · #3 21/10/2010, 01:16 AM

إقتباس

الرسالة الأصلية كتبت بواسطة أزرق والقلب أبيض


	ومباراتنا القادمه مع النصر يوم الاحد .. نشوف نجوم الهلال شلون يرضون جمهورهم وإداراتهم بعد المستوى السيء اللى ظهروا عليه هذا اليوم اتمنى الـ 3 نقاط في المباراه الجايه يمكن يخففون الجرح على الجمهور

الحرص على النقاط الثلاث والمحافظه على المقدمه من خلال كسب المباريات المؤجله في ظل تعطل الإتحاد وخصوصا من فرق بسيطه كالوحده والفتح !!

A l - K i n g · #4 21/10/2010, 01:31 AM

،

يــآخي طز في الاتحآد
عمر الهلال ما فكر في نـآدي انه فآز او لا
دآيم يلعب ولآ يششوف غيره يـآخوكـ فآز تعآدل خسر مو مهم
فزنآ على النصصر او خسسرنآ مو مهم نبي آسسيآ طفشششنآ من دوري دوري دوري
كآسس ويلي العهد كآسس فيصل خلآلآصص ما نبي كل ذولي نبي نـآخذ المستعصيه اذا ما اخذنهآ
بهالاجآنب والادآره والمدرب متى نآخذهآ ؟

× ×

السفيرالهلالي · #5 21/10/2010, 02:05 AM

إقتباس

الرسالة الأصلية كتبت بواسطة عبووص


	، يــآخي طز في الاتحآد عمر الهلال ما فكر في نـآدي انه فآز او لا دآيم يلعب ولآ يششوف غيره يـآخوكـ فآز تعآدل خسر مو مهم فزنآ على النصصر او خسسرنآ مو مهم نبي آسسيآ طفشششنآ من دوري دوري دوري كآسس ويلي العهد كآسس فيصل خلآلآصص ما نبي كل ذولي نبي نـآخذ المستعصيه اذا ما اخذنهآ بهالاجآنب والادآره والمدرب متى نآخذهآ ؟ × ×

بيض الله وجهك

ابو طـــــلال · #6 21/10/2010, 03:48 AM

إقتباس

الرسالة الأصلية كتبت بواسطة عبووص


	، يــآخي طز في الاتحآد عمر الهلال ما فكر في نـآدي انه فآز او لا دآيم يلعب ولآ يششوف غيره يـآخوكـ فآز تعآدل خسر مو مهم فزنآ على النصصر او خسسرنآ مو مهم نبي آسسيآ طفشششنآ من دوري دوري دوري كآسس ويلي العهد كآسس فيصل خلآلآصص ما نبي كل ذولي نبي نـآخذ المستعصيه اذا ما اخذنهآ بهالاجآنب والادآره والمدرب متى نآخذهآ ؟ × ×

إذا تفكر بالآسيويه لازم تفوز على الإتحاد وعلى كل فرق الدوري ... وإلا إنت تحسب المشاركه في البطولة الآسيويه بالترشيح ؟؟

إنتهت موضة الترشيح ولاهو الزعيم اللى يرضاها ..

كاريرا · #7 21/10/2010, 01:59 AM

إقتباس

الرسالة الأصلية كتبت بواسطة أزرق والقلب أبيض


	ومباراتنا القادمه مع النصر يوم الاحد .. نشوف نجوم الهلال شلون يرضون جمهورهم وإداراتهم بعد المستوى السيء اللى ظهروا عليه هذا اليوم اتمنى الـ 3 نقاط في المباراه الجايه يمكن يخففون الجرح على الجمهور

يعني لو فازو على النصر بيراضونا ؟؟؟

بالله تقارن مباراه النصر ببطوله اسيا

والله فلا اشقى بمتابعه من لعيبه من جنبها

قرقاص · #8 21/10/2010, 01:09 AM

هلا وغلا ابو طلال !!

الأسيوية صفحة لا بد من طيها ! والتركيز على بطولات الموسم والدوري أولها !!

لا بد من رد كرامة الزعيم !!

ابو طـــــلال · #9 21/10/2010, 01:33 AM

إقتباس

الرسالة الأصلية كتبت بواسطة قرقاص


	هلا وغلا ابو طلال !! الأسيوية صفحة لا بد من طيها ! والتركيز على بطولات الموسم والدوري أولها !! لا بد من رد كرامة الزعيم !!

هلابك قرقاص وغلا .. وهاردلك

يوم الاحد وقدام النصر هي رضاوتنا ...

الآسيويه بصراحة مانستاهلها من بعد مبااراة الغرافة !!

ويمدينا عليها إن شاء الله ..

مزيون حايل · #10 21/10/2010, 01:52 AM

اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا اااااه

عبدالمجيدالشمري · #11 21/10/2010, 01:10 AM

اتمنى من جميع الجماهير الهلاليه ما تحضر المبارة القادم

لان الاعبين لم يحترموا 65 الف هلالي بالملعب اليوم

لـ نعلانها لا والف لا للتخاذل بنادي الهـــلال

ويليهامسون · #12 21/10/2010, 01:38 AM

إقتباس

الرسالة الأصلية كتبت بواسطة عبدالمجيدالشمري


	اتمنى من جميع الجماهير الهلاليه ما تحضر المبارة القادم لان الاعبين لم يحترموا 65 الف هلالي بالملعب اليوم لـ نعلانها لا والف لا للتخاذل بنادي الهـــلال

للتـذكـيـر : المباراة الجاية مع الفقر إذا أنت بتتخلى عن الزعيم
فاقترح انك ماتشجع وريح بالك , صحيح اللعيبة اليووم ما قدموا شيء
ولكن احضر علشان فريق اسمه الهلال وليس علشان اللعيبة ..
أتــمــنـــى مــن الجــمــهــوور الحضور ثم الحــضــوور خلونا ننسى الماضي
ونــفــكــر فــي المــســتــقــبــل ..

ابو طـــــلال · #13 21/10/2010, 12:25 PM

إقتباس

الرسالة الأصلية كتبت بواسطة ويليهامسون


	للتـذكـيـر : المباراة الجاية مع الفقر إذا أنت بتتخلى عن الزعيم فاقترح انك ماتشجع وريح بالك , صحيح اللعيبة اليووم ما قدموا شيء ولكن احضر علشان فريق اسمه الهلال وليس علشان اللعيبة .. أتــمــنـــى مــن الجــمــهــوور الحضور ثم الحــضــوور خلونا ننسى الماضي ونــفــكــر فــي المــســتــقــبــل ..

كفو ...

الحضور للهلال مهوب للعيبه .. وأتمنى ماننسى كل هالسنين من البطولات !

والبطولات جايه إن ششاء الله ..

khalid alzamil · #14 21/10/2010, 01:38 AM

إقتباس

الرسالة الأصلية كتبت بواسطة عبدالمجيدالشمري


	اتمنى من جميع الجماهير الهلاليه ما تحضر المبارة القادم لان الاعبين لم يحترموا 65 الف هلالي بالملعب اليوم لـ نعلانها لا والف لا للتخاذل بنادي الهـــلال

أسألك بالله العلي العظيم

هل أنت مقتنع من كلامك 100% ؟؟؟

ابو طـــــلال · #15 21/10/2010, 01:38 AM

إقتباس

الرسالة الأصلية كتبت بواسطة عبدالمجيدالشمري


	اتمنى من جميع الجماهير الهلاليه ما تحضر المبارة القادم لان الاعبين لم يحترموا 65 الف هلالي بالملعب اليوم لـ نعلانها لا والف لا للتخاذل بنادي الهـــلال

تصدق مرات ودي ماحد يروح للمباراة ..

لكن ياشفت إتصالات في قناة المجلس اليوم من مشجعين ( الأصفرين ) وهم يبون هالفرصه وشامتين إلى حد الثمااااله ...

بعد ماشفت وسمعت كلامهم .. فكرت بالأيام اللى فرحنا فيها الزعيم وجاب بطولات كثيرة واللاعبين أنفسهم ياما فرحووونا