|
للتذكير يازعلانين : الإتحاد تعادل مع الفتح اليوم ومباراتنا القادمه مع النصر قدّر الله وماشاء فعل والحمد الله على كل حال حمد مذيع قناة الجزيرة الرياضيه قال كلمة اليوم .. اعجبتني : يقول : لا .. مااششكر ولا لاعب هلالي .. وش أشكرهم عليه ؟؟ على خروجهم الغير مشرف ؟ اللاعبين هم وحدهم من يتحمل مسؤولية خروج الزعيم من البطولة الآسيويه .. الرئيس ونائبه والإدارة والمدرب .. ماقصروا .. لكن الروح والقتاليه لدى اللاعبين مفقوده .. البرود واضح عند الفريدي والزوري والقحطاني .. والإررتباك واضح على ماجد المرشدي وهوساوي ... عموماً الإتحاد تعادل اليوم مع الفتح صف صفر ... يعني تعطل أربع نقاط وهذا من صالحنا مع مبارياتنا المؤجله .. والنصر هو الفريق القادم .. تتوقعون بنفوز عليهم ؟ وهذا حالنا ؟ حالة إحباط كامله بعد الخروج المر ... الجمهور يخرج حزين هالسبعين ألف متفرج من الظلم خروجهم بهذه الطريقة دون تقديم ولو حتى مستوى يرضيهم والله لو كانوا اللاعبين قدموا مستوى وقتاليه في الملعب مااحد من الجماهير يبي يلوم أي لاعب هلالي .. لكن بهالحاله اللى ظهر فيها اللاعبون .. ياخسارة .. وللأسف ماقدروا حضور هالجمهو وبصراحة المفروض مودعين بطولة آسيا من بعد مباراة الغرافه بقطر .. لأننا فزنا بالصدفة ومااستفدنا من الدرس .. :yes: مااخفيكم إني زعلان على الزعيم .. لكن والله مازعلت على ضياع لقب البطولة الآسيويه .. زعلان على ضياع الروح الهلاليه والقتاليه في الملعب وإحتررام الفانيله الزرقاء ..! عدم تقدير هؤلاء اللاعبي زحف الجمهور في الملعب ولا عمل الإدارة ممثلة في الأمير عبدالرحمن بن مساعد .. الكل ماقصر مع اللاعبين .. صفحة وأنطويت .. باقي الدوري .. ومثل ماقلت لكم ( الإتحاد تعادل اليوم ) وهذا ثاني تعادل للإتحاد وفقدانه لأربع نقاط .. ومباراتنا القادمه مع النصر يوم الاحد .. :yes: نشوف نجوم الهلال شلون يرضون جمهورهم وإداراتهم بعد المستوى السيء اللى ظهروا عليه هذا اليوم أخوكم الصغير ابو طلال :rose: |
ومباراتنا القادمه مع النصر يوم الاحد .. :yes: نشوف نجوم الهلال شلون يرضون جمهورهم وإداراتهم بعد المستوى السيء اللى ظهروا عليه هذا اليوم اتمنى الـ 3 نقاط في المباراه الجايه يمكن يخففون الجرح على الجمهور :( |
هلا وغلا ابو طلال !! الأسيوية صفحة لا بد من طيها ! والتركيز على بطولات الموسم والدوري أولها !! لا بد من رد كرامة الزعيم !! |
اتمنى من جميع الجماهير الهلاليه ما تحضر المبارة القادم لان الاعبين لم يحترموا 65 الف هلالي بالملعب اليوم لـ نعلانها لا والف لا للتخاذل بنادي الهـــلال |
هنا المشكلة بجماهير الهلال تشبعنا بطولات محلية وربي شبعت ووصلت حد التخمة بس بطولات اسيا لها طعم خاااص :( بس يلله الحمد لله على كل حال ولعل في الامر خيره وموعدنا مع النصر ان شا الله نكرس سيطرتنا عليه .! |
بالتوفيق لزعيمنـــآ في بآقي البطوولآت |
وهذا الكلام .. ليست نهاية العالم ! لدينا مباراة مهمه الأحد .. ولازم نفوز .. ولكن اتمنى من الجمهور الحظور وإثبات بأن الهلال لا يسقط من بطوله !! وماهو عيب تطيح ثم تقوم .. العيب انك تطيح وتظل طايح !! كلنا المفروض نساعد بعض ونقوم من هذي الطيحه .. وخصوصاً نحظر وبكثافه .. ونبدأ من الآن بحمله عنوانها نطيح بس نقوم .. وبتطلع يا نصر مهزوم ..!!! واتمنى من الجميع التفاعل فيها .. ونشوف تصاميم من الأعضاء بخصوص الامر ذا !! ويداً بيد .. نصل للمبتغى !! |
لازم نفوز على نادي الفقر ..................... |
الله يستر من الاحد .... الخوف من لاعبينا وليس من النصر ... ضربتين بالراس توجع ... |
من عقب الاسيويه نفكر بالدوري :( توقعاتي الدوري هذا في افضل الاحوال المركز الثالث :( |
إقتباس:
الحرص على النقاط الثلاث والمحافظه على المقدمه من خلال كسب المباريات المؤجله في ظل تعطل الإتحاد وخصوصا من فرق بسيطه كالوحده والفتح !! |
بـطولة آسيآ ورآحتَ والعـصبية وكـثرت الكلآم ماراح تفـيد أبدًا , خلونآ نـ فكر بعقلانية .. الهلآل عنده مبارآة هامهَ وديربي بنفس الوقتَ ونحتاج النقآط فـ أتمنىَ خسآرة بطولة آسيآ مـ تأثر علينآ كـ جماهير وندعم اللاعبِين فـي مبآراتنا الجآيه بـآلتوفِيقَ |
خلآص انسسوا مباراتنا قدآم النصصر يااااااااارب وفقنا في الدوري |
يلييت من الاعبين انهم يفوزون ع النصر .. ليخففوا الحزن الي ع الجمهور .. |
قدر الله وماشاء فعل لازم نركز على الدوري خلاص ننسى اسيا خروج من اسيا وخلاص اتمنى امام النصر بس اعطاء بعض الاعبين فرصه مثل الجيزاني والكعبي والدوسري وابقاء ياسر في معسكر الفريق هو ونيفز ! |
| الوقت المعتمد في المنتدى بتوقيت جرينتش +3.
الوقت الان » 02:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd