#1  
قديم 19/10/2010, 11:58 AM
زعيــم نشيــط
تاريخ التسجيل: 27/03/2003
مشاركات: 725
انقلاب ديكتاتوري في المجلس العام ... يافهيم ادخل ولا تكثر هرج ...!!!

بعد ماشفنا غياب مشرفينا عن المشاركه وخصوصا بكتابت المواضيع ومكتفين بس بالردود

( والله العالم انهم منكمشين مع دخلة هالبرد ) فقد قررنا عمل انقلاب فى المجلس العام


نص الانقلاب

بعون الله تعالى نحن الخديويه أنا جمس جادع باللفه قائد الانقلاب وبمعاونه من العميل
ماجد مقبل ( ترا يسمع بالعميل ولا يعرف معنها )

فقد قررنا الانقلاب على المشرفين


اولا : يعفا من الخدمه كل المشرفين ويتم اعطائهم مكافه ماليه ووسام الخديوى من الدرجه الاولى

ثانيا : يتم اعتقال المشرفين وسحب الوسام منهم -------> ياسرع مايقلب هالخديوى

ثالثا : ماراح يصير فيه تقفيل مواضيع ولا حذف بس ياويله اللى احط موضوع ولا يرد على

رابعا : سيتم توزيع صور القائد العظيم الخديوى جمس جادع باللفه على جميع الاعضاء وياويله وياسواد

ليله اللى مايحط صورتى فى توقيعه ويكتب تحتها شعار القائد ( حشش فى الصغر تنهبل فى الكبر )

خامسا :يتم شراء باص 15 راكب ويتم تسليمه لـ ماجد مقبـل وتكون مهمته يكد عليه من البطحاء الى العليا

ويتم ايداع المبلغ فى حساب الخديوى رقم 0000 على جميع البنوك ----- >


سادسا : ترا كل هاللى قلته ماله داعى وعلشان كذا بنرجع المشرفين مكانهم الطبيعى ----> واحد خايف

على يوزره يتوقف





قشطه الموضوع ------> مااحب الزبده
بصراحه لنا فتره طويله ماشفنا اى موضوع للمشرفين ومكتفين بالردود وماادرى هل الاشراف يحطم
الاقلام حشى صار فتيحى يحطم الاسعار مهوب اشراف








اعلان ماله سنع :
اعلان عن فقدان شاب وسيم فيه بوهه من محمد ولد جيرانا طوله مدرى كم لابس فنيله برتقالى وصروال اصفر على ليمونى اول ماتشوفه تحسبه لوحه المرور اتجاه اجبارى
اخر مره شافوه يوم يتخرج مبارك من الابتدائى ----> من مبارك







صورتي اللي الكل يحطها بتوقيعه :










وش معني الخديوي ؟؟؟ لصغار العقول اللي من جمبها

معناها : كلمة فارسية تعني الملك او الوزير او السيد








ماذا تعلمت من المنتديات؟ :



1- علمتني المنتديات أنه رب أخ لك لا تعرف اسمه ولا شكله !!
2- علمتني المنتديات أن أنظر الى مواضيع الأعضاء بعين الرضا و أن لا أتلقف السقطات و أتتبع الزلات و أن أحسن الظن ما استطعت.
3- علمتني المنتديات أنني قد أعجب بشخص لمجرد اعجابي بكتاباته و حسن ردوده ، بل و أكثر من ذلك أتمنى لحظة لقائه.
4- علمتني المنتديات أنك قد تتملك قلب شخص لمجرد كلمة ثناء أو شكر أو حتى نصيحة بذلتها له لوجه الله .
5- علمتني المنتديات أنه ليس كل ما يدور في ذهني أكتب عنه و لا أنقل كل ما تقع عيني عليه بل هناك مايصلح للنشر وهناك ما يدعو للشر .
6- وعلمتني المنتديات أن أناقش الأفكار .. ولا أنتقد الأشخاص ..
7-علمتني المنتديات أن أعطي ولا انتظر الثمن ..
8- علمتني المنتديات أن أناقش وأحاور بجديه وصراحه ولا أنتظر تعليق إلا ممن أجادوا التعليق ..
9- علمتني المنتديات أن جهدي ووقتي وفكري وقلمى هو من يثبت وجودي..
10- علمتني المنتديات أن أبدي رأيي في أي موضوع ولأي شخص وأواجه أي أختلاف في وجهات النظر ..
11- علمتني المنتديات أن في العالم الصالح والطالح وأنا من سيحدد إتجاهي..
12- علمتني المنتديات أني إذا كتبت شيئا فلابد أن أتوقع أن هناك من يتربص بي و ينتظر مهاجمتي ..









...
اضافة رد مع اقتباس
  #2  
قديم 19/10/2010, 12:19 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,893
Red face

هلا جس جس

وانا معك في الانقلاب قلبا وقالبا ومقلوبا
وياليت مع المشرفين الاستشاريين على طريقنا نقلبهم مدري ننقلب عليهم
اهم شي شسمه الخطة تكون محكمه والنتايج ايجابيه واعتقد ان هذا الوقت احسن فرصة
لان الامم المتحدة مشغولة بالسودان وموضوع الجنوب والشمال واوباما حالف انه يقسم شسمه
>>> بدا يضيع ابوالشباب
بعدين وش سالفتك كاتب اسمي بالاخضر لا يكون انا مشرف وانا مش داري

عموما الباص موجود ومكيف وبكره بروح فيه للمعلب مع المشاغب وبلد الوليد واللي وده يخاوينا
يدفع قطة 50 ريال فقط شاملة قيمة التذكرة وعصير ربيع بين الشوطين + فصفص باجه سبايسي
واذا تأهل الهلال باذن الله في عشاء مجاني في كبريتو

إقتباس
ماذا تعلمت من المنتديات؟ :

كلام كبير جس جس
بالفعل هذا ما تعلمناه ويجب علينا ان تعلمه


شكرا لك حبيب قلبي
اضافة رد مع اقتباس
  #3  
قديم 19/10/2010, 12:23 PM
زعيــم مميــز
تاريخ التسجيل: 09/04/2007
المكان: , , , , ,
مشاركات: 1,902
يامرحبًا كل التراحيب بجس جس حياكـ وبيّاكـ
ومن الحور زوجكـ ولفّاكـ

,,


ننقلب على حكومتنا وهي بيننا ,, وما لحكومتنا عيبٌ سوانا

,,

أتذكر أنني قلت أننا سنخسر ماجد بمواضيعه وأطروحاته عندما عين مشرف , لكونه سينشغل بالواجب عن المستحب ,
كما خسرنا إبداعات الصخرة والكلاسيكي من قبل ,, إذًا أقول بأن في الإشراف إجحاف بحق القراء ووبالاً على المنتدى , ومن الأفضل أن يتم إعفاء المشرفين المبدعين , وإسناد المهمة لي ولكل مقل في الكتابة أو قاصر عن الإبداع , << إنقلاب بإسلوب



,,,


أما ماتعلمته من المنتديات :
1ـ أبخل البخلاء من يمكث بين ظهرانينا نعزه ونتوق لكتاباته , ورصيده 700 مشاركة في 11 سنة بمعدل كل أسبوع مشاركة ؟!!




000

اخر تعديل كان بواسطة » هـــ الشماسيةـــلالي في يوم » 19/10/2010 عند الساعة » 12:56 PM
اضافة رد مع اقتباس
  #4  
قديم 19/10/2010, 12:26 PM
زعيــم فعــال
تاريخ التسجيل: 30/12/2007
المكان: إن شاء الله حائــل للأبد (قلب)
مشاركات: 477
بصراحة مشرفين المجلس العـام يبي لهم جلد

والاحظ أنهم معطين وجه لبعض اليوزرات تسرح وتمرح لدرجة إننا نشك أنهم متخفين خلف هاليوزرات

نتمنى إن شاء الله إننا نشوفهم بطرح لمواضيعهم .

___________________

خذني معك وزيـر للمالية إذا إن شاء الله نجح الإنقلاب تراني أمين مرة على الدراهم .
__________________

وإذا الانقلاب يبي له هواش فا أنا تخبر عندي شوي مشاغل وكذا اذا خلصتوا علموني أجي استلم مهامي .
_________________

تعال إنت وخشتك اللي كنها مطرح جدتي مجدوع بالدولاب وطلعناه فجأة وينك عن المجلس العام !!؟ هاللحين راعي الانقلاب يبي له انقلاب ,, هذا اللي يقول باب النجار مخلوع .
إنت بالأول خل نشوفك بعدين اشره على غيـرك << ماله تالي


مراقب من بعيد
اضافة رد مع اقتباس
  #5  
قديم 19/10/2010, 12:29 PM
عضو سابق بلجنة تطوير المجلس العام
تاريخ التسجيل: 17/01/2001
المكان: RIYADH
مشاركات: 2,282
اولا : يعفا من الخدمه كل المشرفين ويتم اعطائهم مكافه ماليه ووسام الخديوى من الدرجه الاولى

هههههههههههههههههههه عزة الله راح يوزرك وطي وخل اللي بالي بالك ينفعك

ثالثا : ماراح يصير فيه تقفيل مواضيع ولا حذف بس ياويله اللى احط موضوع ولا يرد على

اقوووول كثرمنها مافيه تقفيل مواضيع ... اللي ادها وامر اهمال المواضيع الجيدة وعدم الرد عليها

على فكرة مهوب ذا



ابا النحاس خديوي باشا


وكن الموضوع مغبرررر
اضافة رد مع اقتباس
  #6  
قديم 19/10/2010, 01:15 PM
كاتب مخضرم بالمجلس العام
تاريخ التسجيل: 11/01/2001
المكان: الدائري الشمالي
مشاركات: 5,720
هلا وغلا بجيمس ناطل

غريبة ماأحد تكلم من حقين الأرصاد ؟؟

جمسك مغبر من طول الوقفة

ويقولون انك معبي صندوق الجمس غنايم !! لأن من طول الغيبات جاب اللي معك في الصندوق



هذا من هو ؟؟ اتذكر هالوجه ماهو غريب علي !! بس ناسي يوزره
اضافة رد مع اقتباس
  #7  
قديم 19/10/2010, 01:48 PM
الصورة الرمزية الخاصة بـ مــعــآذ
زعيــم مميــز
تاريخ التسجيل: 11/10/2007
المكان: [C:\alhilal]
مشاركات: 4,345
يـآربآه على الموضوع خل المشرفين مو لازم يكتبوه دآم في اعضاء يكتبون زي كذآ هع > يمزح اكيد

موضوع رايق من جد وخصوصاً الخديوي ذآ مدري وش اسمه

المهم اللي اعجبني في الموضوع اكثر شي اكثر شي هو مآذآ علمتني المنتديآت

بس ابي اضيف شي

علمتني المنتديات توقع انك تتكتب موضوع وتتعب عليه وفجآءه يغلق بفعل فآعل > يعاني

اشكرك على مثل هـ الكتآبآت لاتحرمنآ
[جُل آحترامي ]
اضافة رد مع اقتباس
  #8  
قديم 19/10/2010, 01:52 PM
الصورة الرمزية الخاصة بـ هلالي من ارض اليمن
مشرف منتدى المجلس العام
تاريخ التسجيل: 02/08/2005
المكان: بين الحلم والأسوار !
مشاركات: 13,589


من مركز العمليات الى مركز القيادة

حذاري

أكرر حذاري

هنالك من يتهدد السلام في مجلسنا والصداقة والبراءة والحب والثقافة

ويرغب بأن يغتال مجلسنا على حين غرة

دعونا نسكب الدموع قليلا

خلاص كفاية


يبدو ان هنالك مؤامرة دولية .. بقيادة شخص يدعوه اتباعه بالخديوي .. وبمؤامرة يندى لها جبين الأمة بتعاون أحد رجالاتنا الخضر الذي يبدو انه تم التغرير به وندعوه للعودة الى جادة الحق والصواب


لقد وأد السلام في ربوع مجلسنا

واستيقظت الوحوش البشرية وخفافيش الظلام .. لا تعرف لأصول الحوار سبيل ولا لطاولة المفاوضات طريق .. وإنما تكميم الأفواه وجلد الكبرياء

النجدة

فأنني أرى ملامح الغد القادمة على يد هؤلاء في ربوع مجلسنا تحمل الفوضى وعبث الحواس !





اناديكم .. ابناء مجلسنا العظماء
ان نبحر سوية .. نحمل مسؤولية الحكمة والسلام



في التصدي لهذا العدوان الغاشم

وان لا نقف هكذا

حتى لا يبتلعنا الطغيان

ونفقد تلك اللوحة الجميلة التي رسمناها سوية بأسم المجلس العام



ختاما :

احد يقولي كفاية .. لأني تحمست

لذى ادعوكم لهذه الحفلة الصاخبة

وسامحونا
اضافة رد مع اقتباس
  #9  
قديم 19/10/2010, 01:58 PM
الصورة الرمزية الخاصة بـ I B R A H E M
زعيــم مميــز
تاريخ التسجيل: 09/09/2009
المكان: رياض العز و الخير
مشاركات: 1,858
ممكن أشارك
أشوف كل اليوزرات المشاركة مسجله أيام الدايل أب

أصبر برجع


عدنا و العود موب أحمد

شف ياعزيزي إذا ودك تسوي إنقلاب فأنا أول الداعمين

على فكرة يالشايب ترى يسموني العضو الداعم < فرحان بهالإسم اللي مدري وش يبي


لكن يا خله إنقلاب زي الناس و شغل مضبوط أو لا تنقلب

تراي توي مخلص المحكومية

تفضل هذا إنقلاب سابق فاشل إحذر تغلط غلطته و تفشل خطتك


http://vb.alhilal.com/t112429.html

هذا الرابط هدية للشياب المنورين

اخر تعديل كان بواسطة » I B R A H E M في يوم » 19/10/2010 عند الساعة » 03:04 PM
اضافة رد مع اقتباس
  #10  
قديم 19/10/2010, 02:11 PM
الصورة الرمزية الخاصة بـ Meme
زعيــم مميــز
تاريخ التسجيل: 03/08/2008
المكان: بيتي
مشاركات: 8,476
هلا جمس ..

الانقلاب المفروض عليكـ وعلى خوياكـ ..

وش لكم بمشرفينا ..

يازينهم .. من زمان مره ماطقونا انذار .. < مع ان ولله الحمد ماعمري انطقيت انذار من مشرفين المجلس

ويكفي انهم يشاركونا في مواضيعنا مو لازم نشوف لهم مواضيع فردودهم لوحدها مواضيع وتثرينا ..

انتوا وين ردودكم ومواضيعكم ..

نبي احد يحركـ المنتدى بمواضيع فكاهيه .. < اغلب المواضيع صارت جديه مررره في المنتدى < برااا ..

لا والله ما احس المنتدى فيه شي بس عدد الاعضاء جالس ينقرض لكن بوه نشاط باقي ولله الحمد ..

وشي طبيعي يقل عدد الاعضاء لانشغالهم بمهامهم من تربيه عيال ومن توصيلهم ومن ومن ومن تنظيف بيت ومن طبخ ونفخ وكنس وغسيل ..

^^

** هلالي من ارض الجمال والخضره < ماشاء الله فيساتكـ شي

شوكرا لكـ < لجمس

اختكم .. ميمي



اخر تعديل كان بواسطة » Meme في يوم » 19/10/2010 عند الساعة » 02:58 PM
اضافة رد مع اقتباس
  #11  
قديم 19/10/2010, 02:22 PM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
< جاي يكمل الشياب بطقة البلوووت هههههههههههههههههههه

انقلاب مرة وحدة ؟!! ترى هذاك على وقتنا يا جمس يوم الدنيا دايل اب وتساهيل هههههههههه
الحين الدنيا تغيرت ورأس مالها dsl وبثواني وانت موقف < وش دخلها طيب هههههههههههه


المهم يا جمس متى ما انقلبت ههههههه وسيطرت على الامور لا تنسى ربعك الاولين بالمناصب
ترى كلهم تقاعدوا الا قرقاص ناشب لهم للحين ورافض الشيك الذهبي من الادارة هههههههههههههه
اضافة رد مع اقتباس
  #12  
قديم 19/10/2010, 02:36 PM
عضو سابق بلجنة تطوير المجلس العام
تاريخ التسجيل: 10/09/2001
مشاركات: 2,248
إقتباس
- علمتني المنتديات أنني قد أعجب بشخص لمجرد اعجابي بكتاباته و حسن ردوده ، بل و أكثر من ذلك أتمنى لحظة لقائه.

اشوى انك ماقلت تبى تعرس عليه بعد
اضافة رد مع اقتباس
  #13  
قديم 19/10/2010, 02:43 PM
الصورة الرمزية الخاصة بـ عطـــارد
زعيــم فعــال
تاريخ التسجيل: 07/02/2009
المكان: في الـ ماضي ..
مشاركات: 441
:
أحب المواضيع الثورية ..
:
فيس يطالع ابومقبل ..
:
اليوم فرحتي فرحتين ..
وحده عشان عودة القديمين والثانية عشان شفت السمي ..
:
اضافة رد مع اقتباس
  #14  
قديم 19/10/2010, 03:04 PM
الصورة الرمزية الخاصة بـ فَيْلَـسُــ زَمَانَهُ ـــوفْ
مشرف منتدى المجلس العام
وعضو تحرير مجلة الزعيم
تاريخ التسجيل: 06/04/2008
المكان: رمآد خلفته نآر الشوق .!!
مشاركات: 6,705
يآحي الله من جمعكم مطآبيل المجلس المنتهين الي الله والعآلم إني أشك بوآسطتكم عند البلدية كم لدكم تآريخ نهآيتكم مخلص ومرجعينكم للخدمة .؟!!

الله يعفو عنكم بس

عندي سؤآل هالحين هالمزيون جمسك .؟! مآصدت مكينته ولاخبطت ولا جآهآ أيت شي .!؟

طيب المزيون للبيع .!؟ >>>> جمسك مو أنت


ألا أنت من وين طلعت .!؟ والله بديت أشك بالمجلس القديم وش كآن

أنتم تحضرون ,..؟ ! ولا تشعوذون .؟! ولا من هالأمور الزينة

دآم شغلتكم مآش علوم بوصيك على كرتونين شمبآنيآ يقولون إنه علاج زين للركب

وأن كآن يجي معآه هدآيآ ولا شي هروين وطقته

يقولون أنه زين ويطول العمر ويطلع الشعر بالرآس للصلع

ويحآرب الشيب وينظم الشبآب

ولاتنسى رزمتين حشيش أم عشرة

ورق اللف بعد خبرك نبي نقضيهآ سهره للصبآح البآآآآآآآآآآآآكر يبو علي

أمآ الأنقلاب والله وأنآ أخوك مدري وش أقولك مير أنآ ورآك دآمك تبي تجيب لي الي فوق

ترآي خبره بالذبح والتذبيح والعش المتبآدل .؟ >>>> لاتركز على الأخيرة مع الحمآس ترآ

والله الكلاسيكي عآدل صآكني بإنذآر قبل كم شهر ودي أنتقم شر أنتقآم .؟!

فلامنكم مسكتوه جبه لمي خلني برمغه ومن ثم أشوته وبآند نهآئي من الشبكة .!! بآند آي بي بعد .!! >>>>> مزوح عدولتي ترآ >>> من خآف سلم

المهم أبو مقبل مرني تكفى بالبآص والسلاح عليك والطلقآت علي

وأن شآء الله أني بجرب مهآرتي برآسك



تحيآتي يآ قلبي وحيآتي >>>> مو لك بس ودي أقولهآ
اضافة رد مع اقتباس
  #15  
قديم 19/10/2010, 03:10 PM
الصورة الرمزية الخاصة بـ صـدى الـهلآل
زعيــم مميــز
تاريخ التسجيل: 29/08/2009
المكان: بين السطور !!
مشاركات: 1,578
توي راجع .. من وسط الشموس والحر المقرف ..

سأنقلب بعد قليل .. لي عودة هنا .. للانقلاب ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:16 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2021, Jelsoft Enterprises Ltd

Google Plus   Facebook  twitter  youtube