|
( الأرهاب الرياضي)..أدى الى اتلاف سيارتي..حسبي الله وحده على مثل هذه العقول بسم الله الرحمن الرحيم أعلم ان الموضوع ليس مكانه هنا ولكن في الحلق غصه: قبل عدة ايام وبحكم سكني في مدينة جده اشتريت( استيكر) لشعار الهلال لاتتجاوز قيمته الـ5 ريالات ووضعته على ( القزاز) الخلفي للسياره وقد لاتتخيلون فرحة ابني ذو العشر سنوات بالشعار وشكله على السياره. .ولم يخطر ببالي للحظه ان نكون وصلنا الى هذا المستوى من السوء بل ( الارهاب الرياضي ) من قبل البعض فبعد ان توجهت الى مراجعة أحد الدوائر الحكوميه اليوم ( الجوازات ) وركنت سيارتي جانباً حول مبنى الاداره لأغيب في خضم مشاغل الحياه اليوميه وروتينيه التعامل أكثر من ساعه ونصف وعند عودتي: وجدت قزاز سيارتي على المقعده الخلفيه من ناحيه الشعار..وأخذت ( اتملق ) سيارتي بحسره لأجد القزاز الجانبي و( شظ) كبير من الامام..والفاعل( مجهول ) والشكوى لله وكل من كان حولي يلوموني لماذا وضعت الشعار على السياره والذي لاتتعدى مساحته كف اليد؟؟ أحسنت النيه وتوقعتها حادثة سرقه لا أقل ولا أكثر..لأتفاجأ مره اخرى..بمن كتب ( بالحجر) على جانب السياره..عبارتهم المشهوره (.........أنت وهلالك)..؟؟ حسبي الله ونعم الوكيل هل وصلنا الى هذا الحد لن أتهم المشجع الفلاني او النادي الفلاني فأنا لا أعلم من هو ولكن وكلت أمري الى الله فقد أربك الكثير من خططي واشغلني ولسان حالي يقول ..( والله ماكنت ناقصك)..ولسان حاله يقول( شجع فريقي او شجع ذوبهان) ولكن لاتشجع الهلال..وبما انه لم يواجهني وجه لوجه سأقول له: عوضي على الله وحده..أما طلبك ( المستتر) بفعلك ( الدنيء) فلن يدفعني لحمل( العلم الايراني) ضد الهلال او ضد أي نادي من ( أندية الوطن)..فأنا هلالي داخل الوطن وخارجه..واتحادي ,اهلاوي,نصراوي,شبابي..الخ خارج الوطن..حتى وان كنت أكثر شفافيه منك فعلى الأقل( لن أبدي للاخرين كرهي لوطني ممثلاً بأنديته).. في القلب الكثير ولكن يبقى الدعاء للهلال بالتوفيق وايضاً الشباب لنحتفل سويه باذن الله,, فبحول الله وقوته ان يرد نجوم انديه الوطن على مثل هولاء فعلى مايبدو ان الهلال ان باذن الله حقق البطوله بعد ان افقدهم ( جزء من العقل داخليا) سيفقدهم( الجزء الأخر خارجياً) .. فمان الله |
عوووووووافــي يالغالــي دعوة مـن مظلوم الى ظالم وهـو سوف يكون فـي خبر كانا وانـت يالغالــي ما حصلـت تحط استكر الهلال الى بجـدة تعال لرياض وشف انواع واشكال مـن الاستكرات ولــكن الله يعوضك ,,,,, ان لله وان اليه راجعون |
شكرا لك ، أخي لا تحزن .. فمن ترك شيئا لله عوضه الله خيرا منه .. لاتحزن فربك سيعوضك .. و سوف يأخذ الجاني جزاءه ..! |
الله يعوض ومالك الا تقول حسبي الله ونعم الوكيل على اللي سواها وان شاء الله البطوله من نصيبنا ونلجم افوآآآآه الفقراويه ومن على شاكلتهم من اندية الوطن |
\ الله لا يوفقهم .. الله يشل أيدينهم .. أجل هالحركات يسوونها علشان هلال وإتشاد !!؟ جماهير عقلها صغيــــــــــر قد الذرة !! الله يجعل أيده للكسر .. عليك بالدعاء عليه .. لا لكونه ضد الهلال بل لأن حركته حركات جاهل الله لا يوفقه |
الله لا يحله ان شاءالله صدق قمه التخلف |
اخوي اسأل الله يعوضك خير في الاضرار الي حصلت لسيارتك والله ياخذ بحقك من ها الانسان الي تصرفة يدل على جهل وغباء وصغر عقل وانا والله حصل لي نفس هالموقف حطيت شعار على القزازة الخلفية لكن لما طلعت بعد صلاة الجمعه لقيت الشعار مو موجود بس باقي اثارة وقلت الحمدلله انها جات على كذا وماكسرو السيارة لكن بعدها بطلت هالفكرة وقلت خل الموتر بلا شعارات ازين |
قسم بالله انه موب رجآآآل لو فيه خير ما كان سوى كذا |
العفو عند المقدره ....... والله يا رب يعوضكــ أهنئك على طريقة تعبيرك ..., فأنت فعلا.. (( لبق )) والله يعوضك أخير .. |
لا حول ولا قوة الا بالله حسبي الله ونعم الوكيل عليهم والله يعوضك أن شاء الله |
ياجعل يده بالشلل أن شاء الله أكيد أتشادي دامك ساكن بجده هههههههههههههههههههه والله ماعلي من أحد أنا حاط على سيارتي شعار الهلال ولقيت الستكر مسحوب ورجعت شريت ستكر كبير ولزقته على خلفية السياره عناد فيهم !! دامك هلالي ماعليك منهم والله يعوضك أن شاء الله الله لا يوفق الأتشاديه والفقراويه |
جزااااااااااااااااااااااااااااك الله خير بارب الاسيويه من نصيب الهلال يعطيك العافيه |
الله يعوضك خير والنسبه لي حلمت حلم واتمنى تفسيره ونفس الوقت اتمنى يتحقق باذن الله وهو فوز الهلال بخمسه لثنين |
الله يعوضك خير اخوي من جد عندنا تعصب خلاااص وصل لأبعد حدوده ولازم أحد يردعهم |
جزاكم الله خير جميعاً,, والله لايهمني كونه تشادي أو سعودي او من يكون..ولكن هل وصلنا الى هذا الحد..!! هل سنضع كاميرات وشرايح داخل السيارات هل سنصبح مسئولين عن الشارع ومن فيه؟؟..فحتى عندما كلمت احد افراد ( الدوريات) ..اكثر كلامه ( استعوض ربك).. ونعم بالله وثقتي فيه ولكن بالفعل نحتاج الى توعيه كبيره وليس كتاب المترديه والنطيحه وافراد تلك الاعمده لاثاره الفتن والنزاعات بين الجماهير واهل الميول اللهم لك الحمد والشكر على كل حال..فوالله ترددت في نشره طلباً للعوض من الله ولكن أردت ان يطلعون الى ماوصلنا اليه |
| الوقت المعتمد في المنتدى بتوقيت جرينتش +3.
الوقت الان » 07:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd