ضروري للشباب اللي بالرياض ..
 

لا تخاف راح تلاقي بس انتبه لا تسرع

انا في مباراه الغرافه ما اشتريت الا المغرب وحصلت

بس المشكله انك تصف طابوور طويل

خذ ضمان مني والله ماراح تخلص التذاكر

انت تذكر مباراه الغرافه كانت في اجازه وكلن جاي يحظرها

اما هذي اذا وصل عدد الجماهير 50000 الف كويس

وخذها مني لا تصدق احد

حيآآك ربي في ديرتك الثآنيه

تنوور الرياااض ..

اذا انت تبي تمشي من جده الساعه 1 .. نصيحه لاتجي لان اوول شي مشوار 7 ساعات من الرياض الى جده

وغير كذا تبي تحصل زحمه عند شبآآك التذآآكر

يعني لو تسحب على دوآآم الاربعآء يكــون احسن ::)

لاكــن انا اظمن لك انك تبي تحصل 20 الف تذكره عند الملعب لو تبي تجي بعد العصر هذآ اقل شي

لاأوصيك وانا اخـــوك على الطريق ترى السرعه مآهي زينه.. والفرق كله بين 140 و180 .. 10 دقايق بس

علشآن كذا انتبه الطريق وتووصلووون بالسلااامه ان شاءالله


انا اللحين بطلع اشتري التذآآآكر .. علشآآن افتك من زحمه شبااك تذآآكر الملعب ^_^

احضر ولا تشييل هم .. حوالي 45 الف تذكره راح تنباع في الاستاد اذا ماكانت اكثر

دايم في كل مباراة ..

اهم شي لا تسرعون ..

توصل بالسلامة وانشاء الله تلقى تذاكر

توصل بالسلامه أخوي أتوقع يمديك بس امشي بدري يعني 9 حلو بتوصل تقريبآ مع الروقان إن شالله 3 العصر

وبتلحق تاخذ التذاكر وبكل سهوله.

واذا مايمديك أبشر راسلني ع الخاص وبشتري لكم التذاكر والله يحييكم.

بإذن الله حاضر الله لايعوق بشر والسرعة راح تكون في حدود المعقول خاصة بعد تغيير مكينة السيارة :s5s:

والله يكتب اللي بوه الخير << يقلد ناس على باله :razz:

طمنتوني يالربع :) والمشكلة كل اللي اعرفهم بالرياض يااما نصراوية او اهلاوية ومن قرادة حظي مااعرف ناس امون عليهم يشجعون الهلال ..!:laugh:
وشكرا يالغلا على الرد ..


الله يبقيك ويحييك يابطل والمسافة كلها خمس ساعات وان شاءالله غداي يوم الأربعاء بالرياض ..

والله يطمن قلوبكم يوم الأربعاء بفوز وتأهل الهلال ..

تشكرات يازعماء ..

يعني هذا تحدي ولا تحفيز ولا شنو؟؟؟!

ان شاء الله راح تلقى
بس توقيعك هههه رهيب

ان شاء الله توصل بالسلامه
واهم شيء انتبه للسرعه لاتسرع

الله يسلمك وان شاءالله الاقيها وتتيسر :)

فديتك ووافي ياولد العم ..

ومنتظر رد بكرة واحد من الشباب في الرياض على موضوع التذاكر وربي ييسرها والله يكثر الوافين مثلك :wub:

في انتظار الحايلي لتبرير ماقاله :naughty:


ابشر يابعد راسي ..

باذن الله .. ناس كثير معجبين بتوقيعي ذا تبيه ياخوك خذه:s4s:


باذن الله راح تتفرجون المباراة باستمتاع من ناحية الجماهير ومن ناحية لاعبي الزعيم ..

شكرا ..

اخذ العلم الاكيد من خوين نقوشي 45000 خمسه واربعين الف تذكره تباع يوم الاربعاء في الاستاد بعد صلاة العصر ( الساعه 4 )
انا بشتري التذكره من الاستاد بس اهم شي تعال بدري الساعه 4 ولا 5

40 الف تذكره بتكون في الملعب اكييد بتلحق
التذاكر اذا انت جاي الاربعاء موحوده في الملعب

فليسوووووف.انا.ترااني.جاارك.انا.من.عفيف
يمكن.لو.تمشي.من.عفيف.على.طريق.المردمه.بس.عبي.فل.توصل.وانت.تضحك.ونلحق.على.التداكر
هههههه

شـف التذاكـر يوووم المباراة تباع من بــعد صلاة العصر فـي الدرة ,,

واضملكـ 100% بأذن الله انكـ راااح تحصل تذاكـر ...


تقديري

انااا كـلتلك يالعزووه التذاكـر ماراح يبيعونه الا بــعد صلاة العصـر بالاستاد وانته تأصل بأذن الله بالسلامه قبل صلاة العصر ..

يعني حتى لو ترووح للملعــب الساعـة 6 للمـلعب راح تلقى تذاكـر 100% ...

تأصــل وترجــع بالسلااامــه بأذن الله ,,

وانا اخووك بالنسبه للتذاكر .. بتحصل حتى بمغرب يوم المباراه .. هذا اذا ما حصلت بالعشاء ..
شي ثاني ..اللي ممكن تجي من العصر عشانه مو التذاكر ..
اللي تجي من العصر عشانه اهو الاماكن الزينه بالواجهه .. فقط ..
والا التذاكر بإذن الله متوفرره .. ولا عليك من اللي يبيعون برا الملعب .. رح داخل الاستاد بتشوف مكاتب صغيره فيها التذاكر .. بسعر 20 ريال فقط ..
وما دامك من عفيف .. وطالع 9 ونص .. بإذن الله لا تزيد عن 120 وتتغدى هنا بالرياض ان شاء الله ..
وبإذن الله ربي ما يخيب تعبنا طوال موسمين ..

يعطيكم العآفيــة ..

بالتوفيق للهلآل

الله يوفقك يابطل ..وان شاءالله على الموعد راح اكون موجود..

بالتوفيق لك والله يكتب لنا الفرحة الأربعاء ..


الله لايخيب رجانا وتسلم يالغالي ..


هلا بالجار وبالجميع ..ودي والله اروح من طريق المردمة .. بس شغال هاليومين مثل النقل الجماعي :d

عندي ربع لازم امرهم جهة الدوادمي :yes: وباذن الله راح نتواجه في الاستاد معك يالغالي :)

الا في أي مدرسة انت؟<< سؤال مدري وش يبي:naughty: ولك الحرية في الاجابة :wub:

ربي يسعدك ويوفقك ..وتسلم على التواجد والتعزيز :)


كفوووو والله كفووو وانا حبيت أشوف تواصل الزعماء وعز الله انهم يبيضون الوجه ..
تسلم يالذيب ..



الله لايردنا الا فرحانين بالتأهل وان شاءالله أبطال الهلال يجيبونها الأربعاء ..


تسلموووون يالزعمااااء على هالردود فديتكم والله .. وتواجدكم هنا يفرح الواحد ويبعد هم الغربة عن الأهل شوي :ga::smilie47::ba:

لكم مني أجمل تحية ..

الحال من بعضه فيلسوف حبيب قلبي و الله
نتقابل في الملعب عيال الغربيه

انا بتحرك الثلاثاء يا بعدي ...
لكن خلاص بيننا الخاص حبيب قلبي ...

اطلع من مكه الساعه 8 عشان توصل مبكر بس لا تسرع