الرسالة الأصلية كتبت بواسطة محب الجنه الخرج (مشاركة 16212300)

بسم الله الرحمن الرحيم

السلام عليكم ورحمة الله وبركاته



يووووه من زمان لي كذا شهر ماكتبت بمنتدى الجمهور الهلالي ومارديت والله ذكريااات هالمنتدى :smilie47:

انا عااد دااري انه مهوب وقتي اجلس احكي ذكرياتي بهالمنتدى لان العالم ع اعصابها من اسبوعين طبعا انا اولكم :d

عااد والله ياعيال اني من زمان ماتحمست لمبارة للهلال مثل هالمبارة متحمس لها وبقوووة :s5s:

من زود الحمااس لي اسبوعين وانا قايل لاخوياي بالكولج اني بغيب هالربوع كله وماراح احضر دقيقة (دوامه من 4 الى 11 الليل ) :cry:

طبعا سحبت ع الكلاس اللي كان اليوم عقب صلاة العشا ورحت اشتري لي تذاكر المبارة اخاف فجأة تخلص واتابعها بمقهى الشلال ولا بو هيثم وانا ابكي واتقطع قهر :ap:

لذلك ريح نفسك وخذ لك تذكرة ومن الساعة 4.30 يوم الربوع بسنتر عند بوابات الاستاد :naughty:


المهم حبايب عندي عرض خاص لاهل الخرج

اللي يبي يحضر للمبارة وماهو عارف كيف يكلمني انا اللي يبي يخاويني واحد بحد اقصى يراسلني ع الخاص ولا يشيل الا فلوس تذكرته وبس البارد والبنزين وانزله عند بيتهم كلش علي :smilie47:

اذا الهلالين ماخدموا بعضهم من نخدم النصراويين مثلا :s2:

ايه ع فكرة تراني مااسرع اللي يبي يخاويني يتطمن ترا سرعتي 120 بس :cry:
صادني ساهر الحقير مرتين الاسبوع الماضي وكلها ع طريق الخرج :cry: خلاص تبت سرعة :d

الا ياناس ماعندكم واسطه ابي العب مكان اي لاعب بالهلال لو مكان نيفيز ابي اتاهل للنهائي غصبا عن الايرانية والله لو يسمحون لي العب هالمبارة بس لا احرث اوم الملعب لا اخلي النمشان يقعد يدعي علي لاني خربت ارضيته :d

قسم لا اخلي الهلال يروح للنهائي وابن امه لاعب ايراني ياخذ مني الكورة بنشب لام امهم اجيب الحالي سوبر هاتريك في هالمبارة :ap:بس بشرط العب حافي :wub:

ياحظكم يالعيبه الهلال :ba:

يارب اللعيبة يحسون فينا وهم قد الثقة وقد المسؤولية اكيد بس اتمنى ان في هالمبارة يطلعون كل مايملكونه يلعبون باقصى مايمكنهم يخلون الايرانيين يكرهون الرياض والساعة اللي جاوا فيه للرياض s13s

اتمنى يكون النهائي بين الهلال والشباب :smilie47: بس ياانا احس انه بيكون فاشل جماهيريا قاعدين يلعبون في قلعة وادرين

اتمنى من السير جريتيس ان يحط كل ثقله وكل قوته في هالمبارة

يالبيه يالتشيكلة تخيلوا معي

العتيبي :smilie47:- المرشدي :smilie47:- هوساوي :smilie47:-لي بيونغ بيو :smilie47:-الزوري:smilie47:-الشلهوب :smilie47:-رادوي:smilie47:-نيفيز:smilie47:-ويلي:smilie47:-القحطاني:smilie47:-المحياني:smilie47:-محب الجنه الخرج :smilie47::d:ap:

يارب اسئلك ان توفق الهلال يوم الربوع ويتأهل للنهائي يالله ياكريم :ba1:

واسف ع الاطالة :wub::rose:

بأنتظاركم يالغاليين :smilie47: