السلام عليكم ..

مع الاسف اصبح الكر والفر في الاستديوهات الاعلامية اكثر .. بل أكثر بكثير من الكر والفر داخل الملعب

اصبح المشاهد للكرة السعودية دائم التغيير لبطاريات اجهزة التحكم عن بعد ( الريموت ) بسبب تنقله من قناة إلى قناة وفي كل يوم ..

تخيلو وضعك مساء الاثنين ..

انت محتار .. تشاهد مرمى بتال .. أم خطة بلدة ابوطبي .. أم كورة روتانا .. أما رياضة عادل عصام الدين

بعد هذه المقدمة البسيطة ..

شاهدت أمس برنامج كوره الذي تشرف بمقابلة الامير عبدالله بن مساعد ..

الجميع يعرف عمق العلاقة التي تربط اعضاء شرف الهلال ..

ولكن أن يأتي مذيع ويحاول ان يشق هذا الصف الشرفي الهلالي فهو أمر لا يعقل

المشكلة اصبح الاستثناء هو القاعدة .. والقاعدة هي الاستثناء ..

اصبح كل من يخترع برنامج جديدا .. يتخذ محاولة هدم الهلال بيئة صالحة لرواج برنامجه ..

الهلال في مهمة اسيوية ..

ويأتي مذيع جديد نسبيا على الرياضة , ويسأل الامير عبدالله بن مساعد عن دور اعضاء شرف الهلال .. وانه سبق أن سأل الامير نواف بن محمد وهل هو داعم أم يرفض الدعم

هل هذا سؤال في محلة ..

من ابجديات العمل الإعلامي ان نناقش الاعمال وليس الاشخاص ..

اذا اردت ان اسأل عن اعضاء الشرف ودورهم في الهلال .. فقط استفسر فقط عن يوجد دعم أم لا يوجد .. ام يوجد بقليل ..

أما ان احدد أسماء بعينهم .. فهو أمر غير مقبول
هل يقصد الاحراج .. هذي موضه قديمة جدا جدا

الهلالي يعلم من هو الامير نواف بن محمد .. وما قدمه ولايزال يقدمه للهلال الكيان

للاسف هذا العجمة كان يتوهم ان يقدر ان يشق الصف الهلالي ..

وطبعا اعرف مقصده ,, والحمد لله ليس قصده فتنة .. بل المقصد هو رواج برنامجه فقط فقط فقط ...

رسالة اوجهها لجميع مقدمي البرامج الرياضية ..

وهي : ان الجمهور بالاخص الهلالي .. اصبح لديه الخبرة الكافية بأن ما يثار من اقاويل في الاعلام لا نتطلي عليهم

فهم يدركون ان مقصدها الاثارة فقط .. لذا ارجو من اولئك المذيعين عدم اتعاب انفسهم بالإعداد لكتابة تقارير مثيرة ..

قد يحسبونها مثيرة .. ولكن عند الهلاليين اشبه بخبر عابر معروف البواطن

للاسف اصبح خالد قاضي ومن هم على شاكلته جستنيه وهلم جرا ممن استطوطنوا البلاد .. اقول اصبحو حديث الناس .. مع انهم في الاساس لا شي لا شي لاشي ..

لا بارك الله في اعلام رياضي عز القاضي وجستنيه وغيرهم ..

عبدالعزيز العمران

الله يعطيك العافيه على الموضوع


استوقفني السطر قبل الاخير وطرالي قلم مميز فالشبكه افتقده من فتره (( هلمجرا)

تركي العجمه حاله حال اي اعلامي يبي الناس تتفاعل وتتكلم عنه واني اقدر اقارع واناقش بل واحرج الضيف اين من يكون وباي سؤال سواء صحيح او غير صحيح المهم الناس تتكلم المؤيد والغير مؤيد .. عموما الحمد لله لم ولن يجدوا على الاداره الهلاليه واعضاء الشرف الشرفاء المخلصين مدخل بسبب بسيط وفريد هو العمل من اجل الهلال ورفعته دون النظر للانا .. وما كذب من قال بقيادة رجااااااااااااااااااااااااااااال على قلب رجال انجازهم ما كل نادي ينوله ..

غريبه فيه احد يتابع برنامج تركي

بصراحه برنامج فااااااااشل ومقدم فاشل مع مرتبة الشرف


تشكرااااااااااات افندم

إقتباس الرسالة الأصلية كتبت بواسطة الطـــــوفان الازرق غريبه فيه احد يتابع برنامج تركي بصراحه برنامج فااااااااشل ومقدم فاشل مع مرتبة الشرف تشكرااااااااااات افندم

100%

.................................................................

تركي العجمة .... والله انه يدعو للسخرية ... يحاول يقلد بتال وماعنده شي ....

عاد الحين من زين بتال القوس اللك واكبر .. ما يعرف يفرق بين الجرأه وقلة الادب .. شف طريقة كلامه مع الضيف بكل شوفت نفس وتعالي فما بالك بامير او سمو ملكي .. والله ما انسى وقاحته مع منصور بن سعود قبل كذا سنه وكيف يكلمه ويسأله كنه اصغر عياله لكن ادب وعقل الامير اكبر من ان ينزل لمستوى هاالسيرلنكي واعجبني الامير خالد بن طلال يوم تداخل معه بنفس الحلقه وقال له انت تعرف من تقابل .. لكن هل للوقاحه حدود

إقتباس الرسالة الأصلية كتبت بواسطة هلالي من1399 تركي العجمة .... والله انه يدعو للسخرية ... يحاول يقلد بتال وماعنده شي .... عاد الحين من زين بتال القوس اللك واكبر .. ما يعرف يفرق بين الجرأه وقلة الادب .. شف طريقة كلامه مع الضيف بكل شوفت نفس وتعالي فما بالك بامير او سمو ملكي .. والله ما انسى وقاحته مع منصور بن سعود قبل كذا سنه وكيف يكلمه ويسأله كنه اصغر عياله لكن ادب وعقل الامير اكبر من ان ينزل لمستوى هاالسيرلنكي واعجبني الامير خالد بن طلال يوم تداخل معه بنفس الحلقه وقال له انت تعرف من تقابل .. لكن هل للوقاحه حدود

وانت الصادق كان ممدوح بن عبدالرحمن بن سعود وكان بتال وقح لابعد درجة معاه ومع اني مااطيق ممدوح كما هو الحال مع كل الهلاليين الا انه كان حليما معه على غير العادة الى ان تداخل الامير خالد بن طلال مشرف الطائرة الهلالية وقال له انت لازم تعرف كيف تتكلم مع احد افراد العائلة المالكة وبعدها ممدوح على غير العادة دافع عن بتال وكانت المقابلة في القناة الرياضية السعودية
سبحان الله

ما أتابع هذا البرنامج
و أسمع عن هذا عجمة لكن ما قد شفته
ولا أبي أشوف هذي الأشكال

بيوقع فتنه هالغبي العجمه بين اعضاء شرف الهلال

اخوي مشكور على الطرح لكن الهلال وجمهوره اصبح عنده القدره الكافيه للاطلاع على خداع الاعلام ودسه السم في العسل

الهلال اكبر منهم واكبر من محاولاتهم لابعاد وتفرقة اعضاء شرف الزعيم محاوله يائسه

مشكور يابو سعود على هذا الرآي


والعجمه يبغى يقلد بتال الساقط


على حساب الهلال!!!!!!!!!!!!!!


وانت منهو يالعجمة ومتى بديت تطلع في التلفاز عشان تتكلم عن الإمير نواف بن محمد هــو يدعم ام لا

اقسم بالله سخاااااااااافه
ليش ماتبون الحق هو ماقال شي غلط قال نواف بن محمد يقوول ماحد قللي بسسسسس ماجاب شي من عنده ياااااااااااااااخي
تقبل مروري وشكرا لكــــ

إقتباس الرسالة الأصلية كتبت بواسطة هـــلالي من زمــــان اقسم بالله سخاااااااااافه ليش ماتبون الحق هو ماقال شي غلط قال نواف بن محمد يقوول ماحد قللي بسسسسس ماجاب شي من عنده ياااااااااااااااخي تقبل مروري وشكرا لكــــ

كلامك صحيح بس لجيت للجد
هالكلام ماهو وقته الحين
الهلال مشغول بما هو اهم واعلام الجار يبي يشغلنا عن المهم