نادي الهلال السعودي - شبكة الزعيم - الموقع الرسمي - هذا اللاعب يبي يخرب علينا + هذا أهم من باصات الجماهير + معادلة ياسر + مسألة خطيرة ..!!

بسم الله الرحمن الرحيم

والله يالعالم كلهم مشتاقين للأربعاء :d الظاهر إننا عشنا أطول أسبوعين :to:

خلال هالأيام مثل ما سمعتوا وشفتوا كلن يوجه الفريق وكلن يحط تشكيله وعلى ما قال الأمير

فيه مليون مدرب ..!!

لكن هناك عدة أمور أجمع عليها الكتاب الهلاليين تقريبا والجماهير أيضا فلا يجب إغفالها وتركها :yes:

وسوف أتكلم عن بعض هذي الأمور ..

لا للخوف .. نعم للحذر .. نعم للروح

أولا بخصوص فريق ذوب آهن فهو فريق عادي ولا يخوف إطلاقا من الناحية الفنية

وكلنا شفنا صغار الهلال على أرضهم وش سوو فيهم .. طلعوا ريحتهم :d

لاشك إن الحذر واجب ومطلوب لكن لا يجب الخوف منهم إطلاقا أو الارتباك ..

( أجل وش المهم في الموضوع )

المهم هو أن مباريات الكؤوس اللي مثل هذي ومثل المباريات اللي خسرناها الأعوام الماضية

هي مثل ( مباريات الديربي ) تماما ..! يعني لا يحكم فيها الجانب الفني بقدر ما يحكم فيها

جانب الإعداد النفسي والحماس في الملعب والروح العالية ..!

^^ فمن يمتلك هذي الصفات هو من سيفوز في المباراة :cry::yes:

الربع ساعة الأولى .. واللاعب اللي بيخرب

تكرر التحذير من الربع ساعة الأولى من المدرب والإدارة والكتاب والجماهير

لكن ما شفنا اللاعبين أخذوا الموضوع بمحمل الجد في إياب الغرافة ما أدري ليش ..!

حنا قلنا والجميع أكد إن اللي بيفرق في المباراة هو الروح والحماس المتواصل طول المباراة

وكل من تابع مباريات الهلال اللي من النوع هذا يعرف هذا الشيء .. لكن وش المشكلة

المشكلة لو جاك الفريق كله متحمس وجاك ( لاعب واحد ) واقف يتفرج فهذا يبي يخرب على الفريق كله !!!!

حنا ما نقول لا تاقف أبد لكن أول ربع ساعة بالذات هذي تعتبر حياة وموت

فلا بد من التركيز العالي من جميع خطوط الفريق لتسجيل هدف ومنع دخول أي هدف علينا ..!

وأي لاعب يشوف في نفسه أنه لن يقاااتل في هذي الربع ساعة أو ناوي ياقف لو دقيقه وحده

أتمنى إنه ما يخرب على الفريق ويتيح الفرصة لغيره حتى لو كان رادوي بكبره وإلا ياسر بكبره :cry::yes:

تعال يا جمهور ورح يا جمهور

أستغرب بصراحة من كثر ترديد سالفة الجمهور سواء هنا في المنتدى في كثير من المواضيع

أو من إدارتنا الغالية .. يعني ما أدري هل يحتاج الجمهور لمثل هالكلام .. أو هل فيه أحد يتوقع

مثلا لو ما سمعنا كل هالترديد إن الجمهور مب حاضر !!!

غريب جدا .. يعني الجمهور صك الملعب في مباراة بونديكور تتوقعون مهب جاي يوم الأربعاء مثلا !!!

بصراحة أنا أشوف كثرة الكلام في موضوع الجماهير وباصات الجماهير وتحفيز الجماهير

أشبه ما يكون بتشتيت للأذهان ومضيعة للوقت .. فالجمهور معروف إنه حاضر حاضر :yes:

الأهم من هذا كله هو تحفيز اللاعبين ليقدموا شيء من الروح والحماس اللي يرضي الجمهور ..!

وإلا وش الفايدة من حضور سبعين ألف مثل مباراة الكويت وأم صلال وغيرها وفي النهاية :cry:

لذلك لا تربطوا أذهان اللاعبين بسالفة الجمهور بيحضر وإلا لا .. ويجدون بعد ذلك مدخل للأعذار ..!

فالخوف مو من الجمهور الخوف منهم هم أن لا يكونوا في يومهم فيجب عليهم التركيز فقط على مستواهم

وعلى ماذا سيقدمون في الملعب وهل الروح ستكون حاضرة

فـ ليس لهم أي عذر لأن الكره الآن في ملعب اللاعبين فقط فقط فقط :yes::razz:

معادلة ياسر

معادلة ياسر هي إنه إذا سجل ما يخسر الهلال - إلا في مباراة وحد العام - وهذا الشيء تعرفونه لكن ..

وش تفهمون من هالمعادلة هذي :yes:

اللي يتبادر للذهن مباشرة هو أن ياسر إذا كان في يومه فالهلال لا يخسر أبدا - بإذن الله - :yes:

يعني تقدر تقول إن ياسر يعتبر هو الترمومتر للفريق الهلالي فمع تألقه يتألق الهلال والعكس صحيح ..

ولا تستغرب من هالشيء إذا عرفت إن ياسر يمتلك من الإمكانيات والمهارات ما لا يمتلكه أي لاعب سعودي

ولا شك إنه لازال من قمة لاعبي العرب وآسيا في إمكاناته :yes:

لذلك فـ زملاؤه في الفريق من لاعبي الهلال لا شك أنهم يعتبرونه اللاعب القدوة لهم في الملعب

حتى الأجانب الأربعة كلهم يعتبرونه صديقهم الخاص لذلك فالجميع في الملعب ينظر إلى ياسر

فإن شاهدوه يلعب بروح عالية وحماس كبير فالفريق كله يبي يعلب بروح عالية وحماس كبير

وإن تراخى ولو لجزء من المباراة فالفريق كله سيتراخى .. وهذا سبب المعادلة اللي ذكرنا

لذلك يجب على أبو عزوز الانتباه لهذا الأمر فالحمل عليه كبير جدا وثقيل وهو قدها وقدود بإذن الله :cry::yes:

أخطررر نقطة

ربما الفريق يكون في يومه واللاعبين في يومهم والجمهور يهتف والأهداف الأول والثاني والثالث تدخل ..

ثم .. وهذي متلازمه مع الهلال للأسف .. ( يتراخى الفريق ) < هنا الخطر وأكبر خطر وأكثر ما حذر منه

جميع الهلاليين بلا استثناء ..!!

فالمطلب الرئيسي هو التركيز من الصافرة للصافرة والروووح العالية من الصافرة للصافرة والحماااس من الصافرة للصافرة

وكما قال أحد الاخوان ..

قد لا يسجل الزعيم إلا في د. 89 ويتأهل ، وقد يتقدم الزعيم (2 صفر) حتى الدقيقه 89 ويخسر !

فاحذروا يا نجومنا من التراخي في أي دقيقة .. واحذروا من الاتكالية في أي دقيقة

واحذروا من الغفلة في أي دقيقة .. واللي يشوف منكم في نفسه إنه تعب أو مل أو ضعف حماسه

أتمنى إنه يطلب التبديل ويخرج !!! فالمباراة لا تحتمل أي استهتار ولا يمكن فيها القبول بأي أعذار

يعني لن يقبل أحد بشيء اسمه فلان نفسيته تعبانه المسكين وفلان يتحامل على الإصابة

وفلان توه راجع من إصابه < انسوا هذا الشيء نهائيا :cry::yes:

لمن يريد أن يتفاءل

رادوي يقول " لا يمكنني سوى إسداء الشكر للجماهير الهلالية ، أعلم أن حديثي لن يفي بشكرهم

ولكن سأقوم بشكرهم خلال المستطيل الأخضر"

وأنا أقول .. اضمنوا لي إن ( جميع ) اللاعبين يبي يلعبون بـ روح رادوي أضمن لكم الفوز بإذن الله :ba1::ba: