احصائيه لعدد الجمهور اللي بيحضرون المباراة - نادي الهلال السعودي - شبكة الزعيم

همس هلاليه · #1 18/10/2010, 08:13 PM

أولاً : السلام عليكم يامعشر الزعماء ...

ثايناً : بأدخل في الموضوع على طول ...

... الموضوع مبين من عنوانه ...

... انا بصراحه ابي اسوي احصائيه لعدد الجمهور اللي بيحضر المباراة ...

... عشان كذا ابي اي واحد بيحضر المباراة يكتب اسمه ...

... واذا كان بياخذ احد معه يكتب عددهم وابيها بامانه ...

... يعني مو يجي واحد ويقول انا باخذ عشرة ولا عشرين وين ...

... ابيكم تكتبون بذمه وضمير عشان نحسب العدد زين ...

... وعشان يصير عندنا خبرة بعدد اللي بيحضرون ...

... وفوق هذا اذا كان العدد اقل من 70,000 لا قدر الله تحاولون تاخذون احد معكم زياده ...

... وعشان بعد الرابطه تعرف كم الحضور وعشان تشتغل صح ...

---------------------------------------------

... وقبل ما انهي الموضوع ابي اقولكم على نقطه ...

... انا بحكم اني بنت وما اقدر احضر مباريات مايقهرني في المباراة الا شي واحد ...

... اللي يحضر ولا يشجع ولا يصفق وحتى متعيجز على نفسه يقول كلمة هلااااااااال ...

... وفوق هذا جالس ياكل فصفص ...

... ياخي دامك منتب مشجع وشوله تجي ...

... اقعد ناظرها في بيتكم وفصفص على كيفك وعط تذكرتك لواحد يجي يشجع ويتحمس ...

... قسم بالله يقهر بمعنى الكلمة ...

... وبس ...

... واتمنى ما اكون ثقلت عليكم بالموضوع ...

... وشوكرن على المتابعه ...

... وعلى الزعامه نلتقي ...

البدائع بلاد الروائع · #2 19/10/2010, 05:39 PM

يعطيكـ العافية

انا بعيد عن الرياض
بس اهل الرياض فيهم الخير والبركه
ويبيضون الوجه باذن الله
يارب وفق الهلالــ

حـنـو آلهلآلية , · #3 19/10/2010, 05:42 PM

موضوعك بطططل

أنا 2 من خوالي بيروحون
وبعد 2 من اولاد خالتي

وان شاء الله نشوف الحمااااس ونبي المدرجاااات فل فل

مشكورة قلبو

حجاب الودعاني · #4 19/10/2010, 05:42 PM

أشكركـ على موضوعكـ بس صراحهـ الوقت ما يكفي لاحصائية عدد الحضور

RYo0oNe · #5 19/10/2010, 05:45 PM

يعطيكـ العافية

انا بعيد عن الرياض
بس اهل الرياض فيهم الخير والبركه
ويبيضون الوجه باذن الله
يارب وفق الهلالــ

هلالي والكل غالي · #6 19/10/2010, 05:57 PM

انا عن نفسي اقولكم مقدر احضر قهررر بس على العموم 8 من اخوياي بيحضرون من الكويت

تــحياتي لكم

هلالي والكل غالي

الكويت+الرس

21C34C8C

bb

مجنونك يازعيم الكون · #7 19/10/2010, 06:01 PM

موضوعك اكثرر من رائع
وانااا من حفر الباطن وحناااا 4 سياررررات ا و خمسه باذن الله

mo0od · #8 19/10/2010, 06:02 PM

سيكون الدره مليئ انشاء الله

وسوف يحسمها رجال الزعيم الاوفياء

الـزعـيـم الهـلالـي · #9 19/10/2010, 06:06 PM

سجل عندك .. عيال عمي 6 ..

انا ماقدر احضر مالقيت تذكرة من لندن الى الرياض يوم الثلاثاء مافه الى الخميس والجمعه

الذئـــ9ــــب · #10 19/10/2010, 06:10 PM

أنا ومعي ثلاثة
ان شاء الله

عبدالعزيز الخرعان · #11 19/10/2010, 06:16 PM

الكل متحمس ويجب ان يعطي الحماس لغيرة ويتجهون للملعب وكل التوفيق للهلال والله اني في امريكا والا اول الحاضرين كالعادة بس ساحضر بدعواتي للزعيم

قوتشي آلهلآل · #12 19/10/2010, 06:17 PM

سيكون الدره مليئ انشاء الله

وسوف يحسمها رجال الزعيم الاوفياء

هلالي كتلوني؟ · #13 19/10/2010, 06:17 PM

ان شاء الله انا بحضر انا و3 يعني اربعه << قل والله

بالتوفيق للهلال

azoooz20 · #14 19/10/2010, 06:25 PM

للاسف ماقدر احضر واالله لو اقدر لاكون اول الحاضرين لاكن املي للحضور لو لو لو 1% ضعيف جدا وموضوعك جدا باتوفيق

BAN 20 DAR · #15 19/10/2010, 06:22 PM

هـلا اختي ..

ان شاء الله التوفيق للهلال يا رب والبطولهـ لهـ

بالنسبة لموضوعك امم يعني تقريـبا كلنا يا 7 او 8 ..

بالتوفيق للزع ـيمـ