|
سؤال بريئ جداً : كم عدد مدرجات استاد الملك فهد الدولي ؟ بسم الله الرحمن الرحيم أسعد الله جميع أوقاتكم بالخير و اليُمن و المسرات و تقبل الله طاعتكم و وفقكم جميعاً بادئ ذي بدء : نسأل الله العلي العظيم بمنّه و فضله أن يوفق الهلال بتجاوز الفريق الإيراني و الحصول على اللقب المستعصي على الفريق الهلالي ! إخواني الزعماء : سؤال حيرني جداً ! كم يستوعب استاد الملك فهد الدولي من الجماهير ؟ في لقاء الهلال ضد بونيدكور الأوزبكي لم يكن الحضور كثيراًو لم تمتلئ المدرجات التي في خلف المرميين و أُعلن عن عدد الحضور بــ 52,129 و الحضور لم طاغياً كما أسلفت ! و في لقاء الهلال ضد نادي الغرافة القطري ملأت الجماهير الوفية جنبات الملعب و غطت الملعب بشكل كامل سوى الجهة المخصصة للأشقاء القطريين و أعلن عن عدد الحضور بــ 53.241 و الجمهور كان مالئ الملعب عن بكرة أبيه ! في الحقيقة بدأت أشك أن الملعب لا يتسع إلا لــ ستين ألف متفرج أو أقل فقط ! فليس من المعقول أن يكون الجمهور في هذهـ الصورة هو قريب للخمسين ألف فحتى الجماهير ليس بينها فراغات كما يفعل الأشقاء :s3s: دخلت الموسوعة الحرة الويكيبيديا فكان عدد الجماهير لهذا الأستاد 70 الف متفرج ! أتمنى التوضيح من قبل إدارة الأستاد ! أخوكم : تركي الشمري |
للرفـــــــــــــــــــــع |
واللــــــه ياخووك ، مدرري وش السالفــه :s5s: العلم عند ابونمشــه مدرري ابوعمشـه :s2: لكن المباراة الجايــه اقوولك لك اياها من الحين باذن اللــــــه فلٌ :ba: ونشووفك تاليتها معهم :mad: |
هلا تركي العدد هو (55) الف فقط وهناك في لصورة اللي حاطها شوف الكراسي في الاسفل من كل الجهات فاضيه بسبب الدعايات على المضمار يعني لايمكن يكون الاستاد فل فل فل دمت بود |
أصلاً عدد الجمهور في مباراة الغرافة أكثر من 53.241 ألف بس الإحصائية لعدد الجمهور غير دقيقة يعني (تقريبية) تـــــــــــــحياتـــــــــي لـــــــــــــــــــــك |
× 65 ألـف متفرج , حسب كلام أحد مسؤولي الأستاد ! تـحياتي × |
أنت تعرف طريقه الحساب عندنا ،،، بالتوقع ،،، وأنت ماشي يعني الله بالخير ،،، مباراة يكون الحظور كبير ومباراة وسط والفرق 1000 أو 2000 مش حالك أخوي ،،، ولا تدقق في كيف يحسبون والاستاد يتسع لـ 70000 مشجع ،، |
يا رجال النمشان بلشان مايدري كم العدد... كل يوم رقم مدري من وين يجيبه... وعشان يسكت الناس لازم يعلن اي رقم !!!! بس اللي اعرفه في تصريح سابق على لسان النمشان ان استاد الملك فهد لم يمتلئ عن بكرة ابيه قبل عام 2000 الا في مباراة الافتتاح ... ومباراة الهلال والترجي البطولة العربيه وبو نمشان بكره بيطلعلك برقم يفقع القلب والممرات ما تقدر تشوفها ويقولك 50000 الف لو الحضور تجاوز كل التوقعات بوابات الكترونيه وينتهي الموضوع ويثبت الحق ويظهر الواقع الهلالي المنفرد بالصدارة ... من الافتتاح وحنا بين 75000 و 80000 ماندري وملعب وعجزان يسوي احصاءيات على جدول اكس ال ويعلنها ابو نمشان بحياديه تحياتي |
يقولون 70 الف متفرج بس المباراه الاخيره الى مع الغرافه مثل مقال صاحبنا المدرجات الى تحت عشان الاعلانات لك احترامي |
62500 بس الجمهور مايجلس في الكراسي الي تحت بسبب الرؤيه |
شف اخوي هم يقولون ان عدد المقاعد 70 الف لكن المشكله ان الكراسي الاولى المقاربه للارض محد يجلس فيها لانه ماتقدر تشوف زين الحواجز تغطي عليك فهذي المشكله الكبرى انه تروح كراسي مايقارب 7000 محد يجلس فيها |
70000 وطريقة حسابهم التذاكر .. واغلب الجماهير يدخل بـ الواسطه يعني يعرف عسكري او اي احد مسؤول بـ الملعب , انا بـ المبارات الاخيره دخل قدامي 6 اشخاص بدون تذاكر , ويوم جيت قالو التذاكر خلصت ودخلت بدون تذاكر انا واخوياي . بـ التوفيق للهلال تحياتي |
والله مادري اخوي لكن اتوقع يكون من 70 الى 75 الف مقعد وبعدين مش معقوله ابدا يكون عددنا في مباراة الغرافه 53 الف فقط لانهم يحسبونها بالتوقع وانت ماشي .. تحياتي |
اخوي الحضور كان 53 الف والاماكن المخصصه لجمهور الغرافه 7 آلاف يعني اتوقع الملعب يتحمل 60 الف متفرج |
يقال والعهدة على الراوي -لأننا قوم لايوجد لدينا إحصاءات دقيقة أو رسمية!!!- على العموم, يقال بأن سعة استاد الملك فهد عند افتتاحه لأول مرة عام 1408هـ يبلغ 70.000 مقعد ولكن بعد عدة سنوات تم إلغاء عدد من المقاعد السفلية التي لايستفاد منها(لأن موقعها لايتيح الرؤية الواضحة) -ويمكن اللي راح لاستاد الملك لاحظ الشي هذا- وتم تخصيص عدد من المقاعد للصحافة وبالتالي إنخفض العدد إلى 62,500 مقعد,,, أنا أتسائل ليه مايكون عندنا احصائية رسمية عن عدد مقاعد استاد الملك وباقي الملاعب من جهة رسمية(رعاية الشباب) أو (إدارات الملاعب) تعلن عن الرقم الصحيح لسعة الملاعب وبصفة نهائية لكي لا يكون هناك مجال للاجتهادات الشخصية,,, |
| الوقت المعتمد في المنتدى بتوقيت جرينتش +3.
الوقت الان » 03:50 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd