|
طلب بسيط بخصوص وصف النادي السلام عليكم بأختصار انا ناوي اروح لنادي الهلال ولاول مره في حياتي لاكن ماعرف وين مكانه بالضبط اللي عنده وصف دقيق ياليت يوصف لي انا جاي من شرق الرياض حي الريان وشكرا يازعماء |
والله انا مو من سسكان الرياض لاكن انصحك تروح بـ تكسي |
تسلم حبيبي لاكن ليش اروح بتاكسي عندي سيارتي وحسب مافهمت انه بعيد عني النادي يعني ليش الخساير ههههههه الف شكر |
في العريجاء اسأل هناك ويدلونك على النادي وبتوفيق لزعيم وان شاء الله اكون خدمتكـ |
وين فيه العريجاء من وين اروح لها وبعدين اخاف اسئل نصراوي يضيعني هههههههه عموما مشكور وماقصرت |
وينك ساكن فيه يابوي طيب :d بوصف لك من الشمال كوني من سكانه :d.. تمسك طال عمرك الدايري الشمالي الين يذبك ع الغربي وتبتل سسسسيييييييييييدة بقوة بمعنى كلمة بقوة الين يجيك مخرج المدينة المنورة والله ماذكر رقمه بالضبط بس كاني مانسيت فهو 30 او 29 << أأكد ترى توقع الرقم بس بتشوف اللوحة قدامك كبييييرة وواضحة وباينة لاطلعت مع المخرج يا طويل العمر تاخذ يسار وتروووح سيييدة الين تاصل اشارة عائشة بنت أبي بكر والله اني ناسي كم اشارة .. تعدي الين تاصل عائشة يجي لها تقريبا 4 او 5 اشارات لا منك وصلت عائشة تاخذ يسار وتروح سيدة تعدي اول اشارة "بتلقى مركز سلمان عند الاشارة ذي على يمينك" روح سيدة ثاني اشارة تروح يسار ابتل سسيدة اول ماتجيك اشارة بتشوف النادي على يسارك بتعرفه بالكبوس وصور اللاعبين كبباااااار وماااااالية الجدران ومكتوب عليه نادي القرن الاسيوي << نقهر بعض الناس :s4s: اعتذر لك ان الوصف ابو كلب ومب واضح :s2: بس مشكلتي اني مانب انتبه لان اشارات واجدة ع العموم انا متأكد من هالوصف لارحت معه بتاصل بإذن الله |
تسلم اخوي انا كاتب بالموضوع اني بشرق الرياض حي الريان بصراحه مافهمت شي هههههههههههه مشكور يالغلا الف شكر |
ههههههههههههههههههههههههههه والله توقعت عااااد احس ان مافيه اوضح من كذا ..! ابوي تعرف الدايري الجديد ؟؟ اللي هو الغربي انت لما تجي من الشمالي ووجهك غرب يعني لو تبيها حبة حبة ماسك الشرقي تنزل من 8 للشمالي وتنزل معك المخارج 6 ..5.. 4 ..3.. 2..1.. واحد طال عمرك هو الدرعية عده وروح سيدة لما تروح تصير دخلت على الغربي مدري اذا كان هذا هو اللي مافهمته ... ولا كانك تبي نتواصل اكثر وتعرفه صح راسلني عالخاص .. كانك تبي رقمي اوصف لك بالجوال يمكن يكون احسن واوضح |
ماتقصر الله يعطيك العافيه يالغالي براسلك ع الخاص |
وعليكم السلام أبو ريما حنا حولكم بالفيحاء سلمك الله اطلع مع الدائري الشرقي باتجاه الجنوب واطلع مع مخرج ( 18 ) اللي هو الدائري الجنوبي واستمر إلين يجيك مفترق طرق بعد حراج بن قاسم قدام ( السويدي ) ويمين ( طريق الملك فهد ) ويسار ( طريق الشفا ) أنت رح قدام ( السويدي ) ويجيك مخرج عائشة بنت أبو بكر اطلع معه ورح يمين مع الإشارة وسلمك الله الإشارة السادسة تقريباً ( المهم أنه يكون تقاطع عائشة مع شارع أبو حنيفة ) رح يسار امش تقريباً 500 متر النادي على يسار وبالتوفيق وقل دعاء السفر هههههه |
إقتباس:
بصراحه وصف ولا اروع تسلم يدينك يالغالي واضح جداااااااااا الله يجزاك الجنه على هالمشوار كم ياخذ الطريق وقت لاني مقرر ان شاء الله اصلي المغرب بأقرب مسجد عند النادي |
توصيف من شمال الرياض شف يا طويل العمر وانت جاي من السفارات ودخلت الجسر بعد الجسر بيجيك مخرج اتركه ثاني مخرج خش معه هم بتجيك اشاره رح يسار رح امش سيد لين يلفبك الشارع اجباري يمين اذا لفبك تجيك اشاره رح يسار سيد اول اشاره رح سيده ثاني اشاره يجيك النادي بعدها على اليسار اتمنى اني اكون افدتك |
ان شاء الله هذا الموضوع بيفيدك http://vb.alhilal.com/t942703.html |
الله يعطيكم العافيه مشكورين وبيض الله وجيهكم ابشركم رحت لاول مره بحياتي للنادي وتوني راجع بس مشوااااااااااار كاني جاي من سفر هههههههه |
| الوقت المعتمد في المنتدى بتوقيت جرينتش +3.
الوقت الان » 08:47 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd