الرسالة الأصلية كتبت بواسطة الرياض14 (مشاركة 16182024)

نصيحة شايب اذا وصلت الدقيقة 75
اذا وصلت الدقيقة والهلال ماجاب هدف
عليه ان يطقها ويلحقها
وكل واحد يلعب لعب الفزعات
كيف ما جت ويجيب الله الهدف
مثل اللي يفزعون مع الدفاع المدني ينقذون الناس والدفاع المدني يتفرج
ما يعرف يسوي شي. راحت قيمة السنين اللي يدربون عليها
لان المسألة قلب وجرأه وموهبة.

لا جى الجد. ماينفع. باص تكتيك كل هذا ماينفع المسألة انعاش

وانقاذ ميت!!!!!!!

أنا بدوري حين سمعت هذا الكلام منه قلت في نفسي
هذا يهذي بمالا يدري ويهرف بمالايعرف
حدثت نفسي لماذا لا اطرح سؤلا عليه
انظر لماذا يرغب ان تكون الامور بهذه الهمجية

وكنت وقتها أخشي
ان يكون الرد همجيا كذلك
لكن تجرأت وطرحت السؤال
الا تخشى ان يخسر الهلال وقتها بخسارة فادحة
لو فعل هذا التصرف
فقال فورا انت مخطئ
اذا كنت تتصور ان ذوب اهان
سيهاجم حينها
احلف لك بالله انه لن يتعدى مرماه
واسلوب التكتيك وقتها يأخذ الدقائق
آخذا
باص رجع قدم وخر
راح الوقت

ثم أردف قائلا انا للي 40 سنه اتابع الهلال

ما عمره تكتك اخر المباراة عشان يحسمها وفاز بها
قلت له انت مبالغ
قال الله لا يحدنا نشوف صحة كلامي
لان اللاعبين
راح زمن يقوم واحد يحسمها بفزعته
ثم قال لي شف سامي الجابر كيف حسم نهائيات بفزعة منه لا تكتيك ولاشي
تذكر مباراة الشباب عام 1418
هو احد في الدنيا يسمي هاذيك الشوته من نص الملعب تكتيك
اترك عنك
الله وفقه لو مادخلت هدف شمتو به شمت
ثم أخذ يقص عن مباريات قديمه ايام زمان
قلت له ياعم ونهاية الكلام
قال ان كان ما سوو اللي اقول فوق الدقيقة 75
فأنا ابخص الهلال اكثر منك
والله مايفوز
قلت لا تحلف
عاد انتم تعرفون رد الشيبان
قال أذلف عن وجهي بس


أنا ما اقدر اقول كلامه صدق او كذب
ولكن كنه عارف
ان التكتيك
اخر الوقت ما ش
انتم وش رايكم
توقعون كلامه صدق
او انه بس يبي يسولف
وين الشيبان اللي يعطون
رأيهم يوافقونه
او انه بس خربشة كلام
__________________
الهلال وبس

الرسالة الأصلية كتبت بواسطة BECKHAM_77 (مشاركة 16182273)

الحين الكورهـ أصبحت جمآعية أكثر من فرديـة .. يعني إذآ كآن الهلال بيحقق الفوز .. لآزم الآعبين كلهم يكونون في يوومهـم ..