النصر والاهلي في (الملز)........؟ وتم رفض طلب الهلال نقل مباراته الى الملز
 

إقتباس:

قرر الاتحاد السعودي لكرة القدم نقل مباراة الفريق الأول لكرة القدم بنادي النصر مع نظيره الأهلي ضمن الجولة التاسعة من دوري زين السعودي والمقرر إقامتها مساء يوم بعد غد السبت لملعب الأمير فيصل بن فهد بالملز نظراً لوجود أعمال صيانة على ملعب الملك فهد الدولي .

يعني الحين بديتم بصيانة الملعب والدوري كان موقف اسبوعين

وينكم خلال الاسبوعين والا بس علشان النصر طلب نقل مباراته الى الملز

طلعتم بالعذر هذا واللي هو واضح انه كذب بكذب

وانا قلت ان النصر هو اللي طلب نقل مباراته لأني متأكد من طلب النصر... قصدي أمر النصر

ومصدري هو مصور في جريدة الرياضيه هو اللي قال لي هذا

كفايه كذب ان الهلال هو النادي المدلل

يا رجال عووافي ..
صيانه باسبوعين ..
والله لو انهم وش ما يسون..

بس يعني انني .. عذر !!

وسع صدرك وانا اخوك ولا تنسى 20 / 10 :)

والي يقهر ان ادارة الهلال بتسكت ولا كان الامر يعنيهم لا تعقيب ولا بيان اقل شي يوضح للرأي العام

وش هي الصيانه كلها ارضيه ويخلصونها بيومين

بس مثل ماقلت يعنني .. عذر

وباذن الله 20 / 10 الفووووووز

خبـل انت تبيهم يرفضون أمـر للنصر النادي المدلل ؟

اللوبي النصراوي هو من اقال كوزمين
واوقف رادوي بعد مباراة الاتحاد
واوقف سامي بعد الخماسيه
والنصر من اوقف الاعلامي محمد الدرع عن برنامجه اللي تحدث في احد حلقاته من اسطورة السعوديه سامي ام ماجد ولم تعاد الحلقه بأمر نصراوي !
والنصر هو من اوقف سلمان المطيويع فتره عن كل الرياضه
لانه لم يستقبل اتصال ابي امي ابي جدي في حلقه خصصت لاحتفالات الهلاليين !
وووو الكثــير

يعني جت على طلب نقل :razz:

هذي هي مشكلة ادارات الهلال على مر السنين

يسكتون عن مثل هذي المواضيع

والمفروض اذا رفض لي طلب وسمح لغيري اصرح اتكلم اطلع بيان

اهم شي يعرفون ان الهلاليين مايسكتون عن حقهم

وين يبوي ارضيه بيومين يزرعون استراحه اقل شي يبي الزرع من اسبوع الى 3 اسابيع

وكل اللي ذكرته قليل من اوامر النصر على الاتحاد السعودي

وخاصه جدولة الدوري السنه هذي كيف لعبوها صح

وضعو مباراة الهلال مع الاتحاد بعد دوري الثمانيه بدوري اسيا

ومباراة الهلال مع النصر بعد دوري الاربعه يعني محبوكه صح

وكل هذا علشان ثلاث نقاط اللي تساوي بطوله عندهم

يعطيك العااااااااااااااااااااااااااااااااااااااااااااااااااااااااااااااااااااااااااااافيه

لو ادارة الهلال تشغل نفسها بسفاسف الأمور وتطلع بيان مثل ماقلت . كان تصير مثل ادارة الجار تهتم بالتوافه وتترك عملها الأساسي وهو التركيز على الفريق وتطويره والحصول على البطولات .

يعدين يازعماء ارتقو بتفكيركم ولا تصيرون مثل الفقراويه .... الفقراويه ...كل ماطق عود حصاة قالو الهلال .. وشكلنا بنصير مثلهم .

رفض طلب الهلال بنقل مباراته مع الاتفاق الى ملعب الملز ... لأن المباراة مجدوله على استاد الملك فهد والاستاد جاهز لاستقبال المباراة .... ومباراة النصر نقلت لأن استاد الملك فهد يحتاج تصليحات قبل الاستحقاق الاسيوي ... هذا السبب فقط ... وبلاش خيالات أفلام ومسلسلات مثل تفكير جمهور الفقر اللي يشوفون الكل ضدهم .

وين عايش اخوي لو يبون يزرعونه بيوم يقدرون

وليه مافي ايدي عامله عندهم تكفيهم والا بس اعذار باعذار

وبعدين ليه مايجهزون المعلب اذا كان يبون يخلون فيه مباريات

والا بس الصيانه في مباريات النصر

قهر اي والله

بالتوفيق للأهلي اليوم , ومعروف الملعب فال خير عليهم , ماننسى كأس الخليج ض1