كل وااحد يتخيل الأسبوع الجاي هالوقت كيف راح يكون وضعه ؟؟ وبيني وبينكم ملييييت وودي اسحب الايام سحب هـع - نادي الهلال السعودي - شبكة الزعيم

هلالي مكـــه · #1 13/10/2010, 09:38 PM

السسسلام عليكم ورحمممة الله وبركاااااااااته ..... مساءكم /صبااحكم ... سوووكررر

* اليوم الأربعاء ... الساعه 9 ونص مساءً ... تخيلوو الاربعاء الجاااي نفس الوقت؟؟

..بس تخيلووو ... الزعيم يلعب ونهاية المباراااه .. ماندرري وش النتيجه؟؟

تصدقوون احس قلبي (يطربق)

... بس احس اني متفائل ان شاءالله ... طبعاً

( تفائلوو بالخير تجدوووهـ )

....

عاد وقتها كلنا بالملعب ان شاءالله .. بس عاااد ابغاكم تتخيلوو وتتوقعوو وش يكون حالنا؟؟

فررح حززن ترررقب انتظااار ..؟؟ وش بالضبط ؟؟

وبإذن الله نكوووون في حالة فرررح كلناااا ...

* الحين مر اسبوع بعد مباراة الذهاااب ... وباقي اسبوع بالزبط موعد الإياااب .. وربي ودي اسحب

الأياااام سحب لين يجي الاربعاء الجاااي 20/10/2010 ... وربي احس الايام بطيئه وثقيله مرره

... من فيكم مثلي؟؟ ( برضوو جاوبو على نفس السؤاااال ) ..

* لحد يجي ويقول انت تستهبل وفايق ... والله انا من كثر ماشفت مواضيع التشائم .. والتفائل

المفرط ... قلت انزل هالموضوع عشان نغير الجوو ... واشووف وش تخيلاااتكم وتوقعاااتكم

.. وبإذن الله راح نكون مبسوطين كلنا الأربعاء القاادم ونهنئ بعض بالتأهل للنهائي ...

* أشوف ان الاعلام السعودي ( الغير هلالي) قاعدين يعرضون برامج ومواضيع ماهو وقتها

وكل هدفهم زعزعة الزعييييم وجماهيره ... والمفروض احنا مانعطيهم بااال ... ونهتم بفريقنا

وبالمباراه القاااادمه ... يعني نهتم بالحضور وبالدعم والمسانده .. ونترك لغيرنا ( الكلام )

... وللجميييع حبي ..

M.A.G · #2 13/10/2010, 09:42 PM

والله ان شاء الله في قمة الفرحه لانوه بنكون متقدمين بثلاثه

وقاعد اردد مع الرابطه
هلالي في السماء عالي

اسطورة القناص · #3 13/10/2010, 09:43 PM

بأذن الله .. الحين الساعه 9.40

بأذن واحد احد جالس انطط الحين في ملعب الدره بالهدف الثلالث

والله يالغالي كلنا ننتظر يوم 20/10 بفارغ الصب وكل ما تذكرت هاليوم وربي قلبي يقربع قربعه

بس ان شاء الله نحتفل ونخلي الدره تشهد مشهد تاريخي

الاميـــر الليبي 14 · #4 13/10/2010, 09:46 PM

/

باّذن الله تعالى في نفس هذا الوقت الاسبوع المقبل بنكون في الملعب نحتفل مع اللاعبين

---

اللهم ياكريم وفق الزعيم ياااااااااارب

شاعر الهلاال · #5 13/10/2010, 09:52 PM

بإذن الله الزعيم بالعلالي
ولايرضى بغير الفوز والتأهل
بالتوفيق لنجومنا

"مجنون نادي القرن" · #6 13/10/2010, 10:30 PM

هلاوغلا فيكم يا الزعماء
وان شاء الله الدره تمتلي عن بكره ابيها بجمهور نادي القرن ومن غيره ما يملي الملاعب
كلها وانا متفائل ان الهلال بيفوز فوز ونعلم مدربهم من نادي القرن وباذن الله ما يردنا الا
ابوظبي وبعدها ناكل الفقر وراهم وتذكروا كلامي (اسيا للهلال) تذكروااااااا
والهلال راح يظهر بمستوى وراح بنهبلون الفرق ومدرب ذوب اصفهان ونادي الفقر من المستوى القوي
الي بيظهر وانا بالملعب ان شاء الله وتوقعي اول 20 دقيقه هدف للهلال واذا جابه نادينا القرن
بناكل الايرانين اكل واحد واحد وان شاء الله ثلاثيه والي بيحسمها رقم 20 اكيد تعرفونه
والسلام عليكم وانا من ساعه 12 طالع من كليه والساعه 2 على الملعب
ومبروك مقدما وتذكروا كلامي ويا حبيلكم يا الزعماء وترا توني مسجل بالمنتدى..... طولت عليكم معليش
.... بالازرق خلو الدره يغرق .... والي بيخاويني الملعب حياه الله

%%% هلالي من مكه %%% · #7 13/10/2010, 10:34 PM

الله يصبرنا على طول الاسبوع القادم

بالتوفيق للموج الازرق في الحضور نبيها فل

بالتوفيق للزعيم في التأهل للنهائي

اللهم وفق الزعيم

ابو راكــان · #8 13/10/2010, 10:38 PM

أووه والله اسبوع طويل

متفائل في ملعب الدره

والله البطوله تبحث عن الزعيم وتقول مــــشــــتـــاقه للزعيم

بالتوفيق للزعيم في البطوله 51

HILALY MAKKAH · #9 13/10/2010, 11:39 PM

آحييييييييييهـ بس

مو ودي أسحب الأيام سحب
ودي أنام بعد شووي وآقوووم من النووم .. أحصل نفسي في مطار الملك عبدالعزيز يوم الثلاثاء الجآآي

بس الله يصبرنا ليووم المباراة

وبالتوفيق للهلال يارب

الزعيم( سعد ) · #10 13/10/2010, 11:42 PM

موضوع شيق وعلى الجرح

باذن الله ربك كاتب كل خير

ومتى يجي الاربعاء وباذن واحد احد الجميع بخير وفوز يفرح الجميع

هِلالِيْ · #11 13/10/2010, 11:48 PM

ههههه اعجبني عنوان موضوعك
الله لايخيب رجانا

أزرق والقلب أبيض · #12 13/10/2010, 11:51 PM

,

اخاف من شي واحد
لاسمح الله طلع الهلال
الاعضاء اللي تفرغو لبتال القوس
اول من يسبون اللاعبين !!
وينتقدون الحضور او اي شي
بصراحه اتمنى نوقف من كتابه مواضيع مالها فايده
مثل موضوع بتال والغشيان

صاحب الموضوع

ان شاء الله بكره هالوقت 11:47
تفتح لنا موضوع نبارك لبعض بتأهل لنهائي

مباراه صعبه وبعض جمهورنا للاسف
فكر في غير الهلال اكثر من الفريق
مع ان الفريق محتاج دعم وتركيز

,

ميلاني بعشق هلالي · #13 13/10/2010, 11:55 PM

في الوقت هاذى ابموت من الفرح اذا فاز الزعيم ابقعد احتفل
الى عز الفجر

ز ع ي م 511 · #14 13/10/2010, 11:56 PM

/

باّذن الله تعالى في نفس هذا الوقت الاسبوع المقبل بنكون في الملعب نحتفل مع اللاعبين

---

اللهم ياكريم وفق الزعيم ياااااااااارب

ممرض هلالي · #15 14/10/2010, 01:10 AM

والله اني خااااااااااايف ومتشاااااااااااائم مدري ليه ؟؟؟

وكل ماتذكرت المباراه احس بطني يعورني واحس بكتمه ياااااه يارب سهلها علينا

انا بحضر المباراه بحول الله وقوته حتى لو كنت متشائم بحضر لعيون الهلال

يارب تعدي 20/10 على خير وتوفقنا بالفوز

موعدنا الدرهـ