السلام عليكم

هاردلك لكم الخساره (( المؤقته )) وبإذن الله بالاياب التأهل هلالي بإذن الله

على هالاداااااااااء الرائع والممتاز لأغلب اللاعبين واولهم نواف العابد اللي قدم مستوى كبير ولو انه ضيع بعض الكرات لكن ماهي مكتووووبه

الحكم ظلمنا ,, ضربة الجزاء المفروووض طرد وكرت احمر صريح للأعب الايراني ,, + ضربتين جزاء واضحه لعيسى المحياني ولا يبي يحسبها لآنه حسب وحده وش هالعقليه بالحكااااااام الاسيويين

وغير كذا اللاعبين الايرانيين عليهم التحامات تستوجب كرت اصفر واول التحام للهلال ولا بعد عند الركنيه يعطي المرشدي كرت ( وكأنه يدور الزله )

على العموم مانبي نقول الحكم والحكم ونخليه شماعه لكن هذا حقنا وانسلب

بالنسبه للأدااء ,, اللاعبين كلهم ممتازين وصراحه اعجبني سلمان الفرج اليوم قدم مباراه حلوه

وبالرغم من الغيابات ( نيفيز ورادوي والغنام وخروج ياسر ) الا ان الهلال لعب لآخر ثانيه وكان والله العظيم يستحق الفووووز او اقل شي التعادل

اليوم اعتب على شخصين ماقدمو مستوى ( ولهامسون + البررقان ) وبالنسبه للأخير البرقان مدري وش فيه تحسه هو ولهامسون ضااااايعييين



المهم باقي اسبوعين على مباراه الاياب بإذن الله بمساندتكم ومؤازرتكم الهلال بيتأهل بحيل الله وعووونه

الهلال يستحق التأهل والله يستحق قدمو الشباب مستوى اكثر من رائع ,, يعني خساره مشرفه بهدف


الهلال بالمباراه الجايه راح يدخل بضغط كبير بين انه يسجل هدف ولا يقبل هدف
( لان الايرانيين اذا سجلو هدف بيحسب الهدف بهدفين ,, يعني لو سجلو لاسمح الله بالبدايه يبيلنا ثلاث اهداف عشان نفوز )


خلوونا الحين نرفع معنويات اللاعبين ,, صراحه كان الحظ معاندنا والحكم زودها ,, اجمالا ذوب اهن لايستحق الفووووز

لحد يقول نتعاطف مع الهلال ,, الهلال كان من جد يستحق الفوز ,,


انا قلت بموضوع قبل كذا
( اني ماني متفائله بهالمباراه وقلت احس بتشائم ويمكن اللي شافو موضوعي يذكرون ,, وقلت بعد ان احساسي مايخيب دايما حتى في مباراه الهلال مع الغرافه وبعد الاربعه صفر كنت حاسه الهلال بيتأهل )

واليوم اقولكم عندي احساس وثقه كبيره بإذن الله ان الهلال راح يتعدى هالمرحله ويوصل للنهائي بعد اذن الواحد الاحد







> قناة ابو ظبي اتصلت بخبير تحكيم .. واكد ان ضربتين جزاء للهلال كانت لعيسى واضحه ومحققه والحكم ماحتسبها + كرت احمر للاعب اللي اعاق ياسر <

+>جمال الشريف اكد على هالكلام في قناة الجزيره الرياضيه <




انسووو هالمباراه خلاص ,, فارق هدف واحد بإذن الله نقدر نجيبها بعودة رادوي ونيفيز والغنام ويمكن خالد عزيز وبإذن الله اصابه ياسر تكون خفيفه ونبي المركز الاعلامي يطمننا

الهلال ماعنده شي يخسره بالمباراه القادمه اما الفوز والتأهل والا ......!

بتكاتف الاداره والمدير الفني واللاعبين مع الجماهير ومؤازرتهم وتشجيعهم وعدم الضغط عليهم والدعااء بإذن الله التأهل



ملاحظه ( تكفووووووون ردو للأيرانيين استفزازاتهم لفريقنا بالملعب ) نبيكم بالدره تخلوون اللاعبين الايرانيين يرجفووون تكفووووووووووووون طالبتكم نبي استفزاز على اصووووووووووله

استفسار : هل يوجد غيابات للهلال بمباراة الاياب , لاني سمعت ناس يقوولون المرشدي كان معه كرت ؟؟ تكفون عطوني اجابه صحيحه

مشكورين على الرفع ,,,,,,,,,,

الله يسمع منك ووفق الزعيم للا سيويه ...............واذا خسرنها ربي يعوض انشالله السنوات القادمه

^
^
^

لاتقول , مانتحمل نخسر اسيا من جديد


ان شالله ان شالله بإذن الله الفوز هلالي والتأهل والبطوله لنا ان شالله

والبطوله حلاوتها تجي بالصعبه

مشكوور...


كلامكـ في الصميم الحظظ ما كن معناا ..

وعن المرررشدي .. ما اعتقد انه عنده كرررت اصفر لانه أاخر مبأارهـ يلي كانت مع الغرافه ما للعب أأسأاساا .. ( ما ادري ممكن كلامي صح )

بالتوووفيق لهلالللنا ....

يا رررب البطووله لنا ..

تحيأأتي
هلالي نادر ..

إقتباس الحكم ظلمنا ,, ضربة الجزاء المفروووض طرد وكرت احمر صريح للأعب الايراني ,, + ضربتين جزاء واضحه لعيسى المحياني ولا يبي يحسبها لآنه حسب وحده وش هالعقليه بالحكااااااام الاسيويين

رأي أتفق معك تماما فيه الطرد للاعب الإيراني صريح بدون أدنى جدال ولكن خوف الحكم وجبنه هو من جعله يكتفى بالورقة الصفراء ومثل ماقلتي عشان حسب بلنتي مايبي يحسب الثاني حتى لو كان صحيح

يعطيك العافيه


لك احترامي

اذا جابو هدف فالرياض من جد باي باي اسيا

لكن انشالله نتأهل

صادق اللي فوقي ,, اذا جابو هدف خصوصا لو كان مبكر بتتلخبط الاوراق ويمكن يضيع الحلم الاسيوي

لكن الهلال لازم يدخلون بتوازن مو يندفعون بالمباراه الجايه ,, واهم شي يفكرون مايدخل بمرماهم هدف

لان الفارق هدف , لو نجيب هدف نتعادل + هدفين نقفل على المنطقه ونلعب مرتدات ونخطف هدف ثالث

يارب السينارو يكون كذا

إقتباس وصراحه اعجبني سلمان الفرج اليوم قدم مباراه حلوه

بالله الاشكال هذي تستاهل انها تلعب للفريق من الاساس حتى تمدحينه وقسم بالله يا فيه
عاهات والله ما يعرفون حتى يثبتون الكورة واذا سددها تحسبه يسددها بتركيز لا على عماها
يا تصيب يا تخيب ....
ادري بتقولون ما نبي تحطيم للاعبين لكن هذي الحقيقة يا اخواني !! ليش نكذب على أنفسنا ؟

كان مستوى الهلال سئ جدا ..

بعد دخول الدوسري تغير الحال قليلا ..


بعيدا عن التخدير والمبالغه الهلال لعب بمستوى مهترئ ولعيبه باردين

الفرج ولا البرقان ,, ياخي البرقان اللي كان مو بالمستوى

تسبب بالخطا اللي جا منه الهدف وغير كذا مايغطي صح ويتمشى كأنه رايح سياحه

شي غريب جدا من البرقان ,,