اللي ما تعرفونه عن سبب الخسارة .. فعلا قهررر + ( طريق واحد ) للفوز وعشر طرق للخسارة ( رسالة هامة للاعبين ) ..! - نادي الهلال السعودي - شبكة الزعيم

أبـو زآيـد · #1 07/10/2010, 10:14 AM

بسم الله الرحمن الرحيم

حيا الله الجميع

عندما نتكلم عن مباراة الذهاب .. في البداية من الواضح أن جيرتس تعلم جيدا

من مباراة الغرافة .. فـ بدأ المباراة بتشكيلة واقعية بشكل كبير جدا

ولعب متوازن بشكل لا بأس به في الدفاع والهجوم ..

ولعب الوسط الهلالي ( الأولمبي ) من أبناء المدرسة الهلالية المباراة بشكل جيد

وبثقة عالية وتفوقوا على الفريق الإيراني المتهالك في النصف ساعة الأخيرة ..!

لكن أين المشكلة ..

المشكلة الكبيرة اللي حصلت أمس في الساعة الأولى من المباراة بالتحديد

هي أنك تشوف الفريق الإيراني متحمس ويلعب بجدية وروح وبكل قوة

والجمهور الهلالي أيضا متحمس وينتظر لعب ( يبيض الوجه ) ويحترق خلف الشاشة

والإدارة الهلالية بذلت الغالي والنفيس لأجل هذي البطولة ..

وبعد هذا ..

تجي تدور الركائز الأساسية للفريق وإذا هم ( يتمشون ) في الملعب

ولا كأنه صار شيء ..!

يضغط علينا الخصم .. تضيع أهداف محققة .. تتوقع بعد هذا بتكون ردة فعلنا قوية لأنه مو كل مرة تسلم الجرة

فـ تتفاجأ بعدم وجود أي ردة فعل سوى في همجة واحدة طول الساعة الأولى من المباراة ..!

تحس في بعض الأحيان إن بعض اللاعبين ما عنده إحساس أبدا ..! وإلا فيه بعد أهمية هذي المباراة أهمية ..!

إذا مشكلتنا الكبرى والخطيرة هي غياب الرووح للأسف

لا أعلم كيف فريق يفكر يجيب كأس آسيا بدون روح ..!

ما أعرف كيف فريق يحلم بكأس آسيا وينهزم بهذا الشكل بحجة أني خارج أرضي وعندي مباراة إياب ..!

للأسف في الوسط والهجوم الهلالي ما فيه إلا ثلاث لاعبين هم اللي دائما يلعبون بحماس

( رادوي - الشلهوب - المحياني ) والباقين على المزاااج ..!

سامي أنا أخاطبك الآن والجمهور الهلالي يخاطبك ..

ليش اللاعبين هذولاء ما عندهم نفس الروح اللي كنتوا تلعبون فيها سابقا ..!

ليش لما تشوف الجمهور يحترق خلف الشاشة والإدارة تحترق في المنصة

وبعد كذا تلقى كم لاعب قدامك يتمشون في الملعب ..

ليش ما تاقف وتصرخ عليهم بأعلى صوتك إذا كان المدرب لا يفعل ذلك ..!

كان كوزمين منتبه لهالشيء وكان ياقف طول المباراة على الخط ويصرخ على اللاعبين ..!

ربما إنهم تعودوا على هالشيء فـ يحتاجون مثل هذا الأمر ..ِ!

( هذا هو السبب الرئيسي للخسارة )

تحت السبب هذا حدثت هناك عدة أخطاء في المباراة تسببت في خسارتنا ..

طبعا ما نبغى نعلق أخطاءنا على شماعة التحكيم ..

لكن التحكيم وكما قال عبد الله الحربي هو فلم كوميدي مضحك جدا ..

الحكم أمس وكالعادة عندما نلعب في إيران بدأ خائف من الإيرانيين بشكل كبير

كرت أحمر لم يخرجه وضربتين جزاء لم تحتسب وهدفهم جاء من فاول غير صحيح ..!

يعني بدل ما تكون النتيجة 3-0 لنا تحولت لـ 1-0 لهم بفعل فاعل ..!

ضربة الجزاء ..

معقولة حنا الآن في مباريات مصيرية واحتمال نلعب فيها أشواط إضافية وبلنتيات

ومع ذلك إلى الآن ما حددنا بالضبط من بيشوت البلنتي وإلى الآن ما تدربنا على تسديد البلنتيات ..!

يعني البلنتي فيه حظ هذا صحيح .. لكن فيه تدريب وفن .. فرق بين من يسدد في أقصى الزاوية بقوة

وبين من يلعبها ضعيفة وإن شاء الله الحارس ما ينقز من هالجهة ..!

من الأشياء المعروفة إنه إذا كان الحارس يشوت باليسار أصعب مكان عليه إنك تشوتها على يمينه فوق

وإذا كان يشوت باليمين تشوتها على يساره فوق ..! هذي من أبجديات ضربات الجزاء

لكن قدر الله وما شاء فعل ..!

# الحيطة في هدفهم أخطأوا خطأ بدائي يوم دخلت الكورة بهذا الشكل من بينهم .. عجيب جدا ..!

# الكرات العرضية كلنا تكلمنا عنها وتقطعت حلوقنا وحنا نتكلم وضربونا أمس في بداية المباراة

بكم كورة كادت أن تنهي آمالنا ..! إلى متى ..!

# الفريق الإيراني خطوطه منسجمه ومتفاهمين واللاعب منهم يعرف وين واقف زميله فـ يناول

بدون ما يرفع راسه .. في المقابل فريقنا فيه احتفاظ زائد بالكره وعدم تفاهم خصوصا

بالخط الهجومي - ونبهنا على هذا كثير - وكلكم شفتوا لما كان أربع هلاليين على اثنين منهم ومع ذلك انقطعت ..!

# المدرب خطأه الوحيد هو إنه تأخر في تبديل ويلي .. كان المفترض يبدله من الدقيقة 60

لأنه من الواضح إنه ماهو في يومه ..!

# الكوره اللي جاء منها البلنتي الهلالي كانت كوره كبيره فعلا ولعبة رائعة بين اللاعبين

وأظهرت المهارة الكبيرة التي يتمتع بها ياسر ..

لكن للأسف ما شفناهم في هجمه منظمة في الساعة الأولى سوى في هذي الهجمة

اللي هي أكبر دليل إن ياسر لو تحرك أكثر من كذا كان كنا في حال أفضل ..!

# الأجسام الإيرانية الضخمة .. حجروا لنا في ملعبهم الصغير هذا

لعنبوا بليسهم ثيران ! اثنين من عندنا مثل العابد والفرج عن واحد منهم

لكن تبقى أجسامهم سلاح ذو حدين .. يعني مثل ما فادتهم في ملعبهم الصغير

ربما تضرهم في استاد الملك فهد ..!

# فريقهم أيضا لعب على جهة الزوري المتقدم ومع ذلك ما شفته مسك مكانه

كل شوي يتقدم وكل شوي يهجمون من جهته والضحية المرشدي المسكين

فيجب الانتباه لهالنقطة في الإياب ..!

في مباراة الإياب ..

أهم ما نحتاجه في مباراة الإياب هو عودة الروح والحماس اللي أتمنى إنها تعود بعودة اللاعبين

وبذل الإدارة والمدرب جهدهم في هذا الخصوص وبداية المباراة باللاعبين الحماسيين

أمثال رادوي والشلهوب والمحياني ..!

# تصحيح الأخطاء المتكررة اللي تصير معنا كل مباراة من ضعف في العرضيات وتضييع للفرص

وعدم التفاهم الهجومي ..!

# أتمنى أن يدخل جيرتس المباراة بإحدى تشكيلتين ..

إما أن يلعب برادوي لوحده ومهاجمين ويكون فيه مهام دفاعية أكبر لـ ويلي والشلهوب

بسبب اعتمادهم على العرضيات في الهجوم ..

أو يلعب برادوي والغنام وياسر وعيسى ويختار مع ويلي إما الشلهوب أو نيفيز ويخلي الثاني بديل

في الشوط الثاني ..!

آه كم أتمنى إن هذا اللاعب كان يقدر يلعب معنا ..

والله والله يا خالد إن لك وحشة بشكل

والله إن حنا محتاجينك في هالفترة أكثر من أي وقت ثاني ..!

اللاعب الوحيد في الوسط اللي قولوا لي إنه بيلعب جنب رادوي وأقول ازهلوا الفوز

لكن سامح الله الجهاز الطبي اللي كل يوم تشخيص وإلى الآن ما ندري وش فيه ..!

( طريق واحد للفوز وعشر طرق للخسارة .. رسالة إلى نجوم الفريق )

( لاعبي الهلال ونجومه رسالة لكم ويجب أن تستوعبوها جيدا ..

أنتم تعرفون إن الجمهور الهلالي يحترق من أجل هذي البطولة والأمير بذل الغالي والنفيس

ووفر لكم كل سبل الفوز وهيأ لكم كل ما تحتاجون والجهاز الفني يقدم كل ما لديه

والجمهور سوف تشاهدونه يهز استاد الملك فهد .. الآن ما بقي نقول إلا .. الكره في ملعبكم ..

الآن أنتم من يستطيع بعد الله أن يجعل الجمهور يخرج بفرح وبهجة وأنتم من سيجعله يخرج

بخيبة أمل وضياع للفريق بقية الموسم ..!

اقذفوا ثوب المزاجية إلى أبعد مكان تستطيعون .. خلونا نشوف الحماس والروح الهلالية في أعينكم

وفي مجهودكم .. كلامي هذا بالذات للركائز الهلالية الأساسية ياسر و ويلي ونيفيز وبقية اللاعبين يتبعون ..!

اتركوا عنكم الصحافة والمنتديات والإعلام وشيلوا من رؤوسكم فكرة إن حنا نبي نعوض بكل بساطة وكلها هدفين ..!

ما أدري وش هالثقة المفرطة اللي عندكم ونلمسها من تصاريحكم إنكم ضامنين الفوز دائما ...!!!

لا انسوا هالموضوع نهائيا بصدق .. خلونا واقعيين الدعوى مب على مزاجكم !! والكوره ما تعطي إلا اللي يعطيها ..!

يجب ثم يجب ثم يجب إن تحطون في بالكم كل الاحتمالات .. شفتوا مباراة الغرافة ..

أتحدى إذا كان واحد منكم متوقع النتيجة ..! طيب اللي نبيه منكم هو أنكم تتوقعون أي نتيجة ربما تحدث في المباراة

ربما من عرضية آخر المباراة يسجلون هدف ويحسمون الفوز ..!!!

ربما يسجلون هدفين في الشوط الأول ويحسمون المباراة ..!!!

معنى هذا إنه لابد إنكم تدخلون المباراة بكل جدية وحماس وروح كبيرة جدا تستمر طوال المباراة

وانضباط وتوازن لا يتوقف أبدا إلا مع الصافرة .. والحرص على عدم ضياع أي فرصة لنسجل أكبر عدد

نقدر عليه من الأهداف ..!

ولا نقصد بالكلام هذا إن فريقهم يخوّف .. لا بالعكس فريقهم ضعيف والمطلوب إنكم ما تخافون منهم إطلاقا

لكن في نفس الوقت ما تلعبون نص ساعة ثم تجيبون هدف هدفين ثم توقفون ..! لابد تكونون على شدّه وحده طول المباراة

هذا هو الطريق الوحيد للفوز وأنتم اللي تقدرون تمشون بالمباراة عليه .. وأنتم أيضا اللي تقدرون

تمشون بالمباراة في الطرق الأخرى .. طريق المزاجية وطريق تضييع الفرص وطريق غياب الروح

وطريق سجل هدف أو هدفين وتفرج بعدها إلى أن يجيبون هدف آخر المباراة ويطير الحلم

وطريق وطريق وطريق ..... وعد واغلط من الطرق اللي تؤدي بنا إلى الخروج المرير

)

أرجوكم .. هل تستطيعون أن تعيدوا لنا هذا الزمن الجميل

أقسم بالله إني أكتب هالكلام وفي القلب حرّه وفي الحلق غصة ..

أبوشمس · #2 07/10/2010, 10:15 AM

إقتباس


	( لاعبي الهلال ونجومه رسالة لكم ويجب أن تستوعبوها جيدا .. أنتم تعرفون إن الجمهور الهلالي يحترق من أجل هذي البطولة والأمير بذل الغالي والنفيس ووفر لكم كل سبل الفوز وهيأ لكم كل ما تحتاجون والجهاز الفني يقدم كل ما لديه والجمهور سوف تشاهدونه يهز استاد الملك فهد .. الآن ما بقي نقول إلا .. الكره في ملعبكم .. الآن أنتم من يستطيع بعد الله أن يجعل الجمهور يخرج بفرح وبهجة وأنتم من سيجعله يخرج بخيبة أمل وضياع للفريق بقية الموسم ..! اقذفوا ثوب المزاجية إلى أبعد مكان تستطيعون .. خلونا نشوف الحماس والروح الهلالية في أعينكم وفي مجهودكم .. كلامي هذا بالذات للركائز الهلالية الأساسية ياسر و ويلي ونيفيز وبقية اللاعبين يتبعون ..! اتركوا عنكم الصحافة والمنتديات والإعلام وشيلوا من رؤوسكم فكرة إن حنا نبي نعوض بكل بساطة وكلها هدفين ..! ما أدري وش هالثقة المفرطة اللي عندكم ونلمسها من تصاريحكم إنكم ضامنين الفوز دائما ...!!! لا انسوا هالموضوع نهائيا بصدق .. خلونا واقعيين الدعوى مب على مزاجكم !! والكوره ما تعطي إلا اللي يعطيها ..! يجب ثم يجب ثم يجب إن تحطون في بالكم كل الاحتمالات .. شفتوا مباراة الغرافة .. أتحدى إذا كان واحد منكم متوقع النتيجة ..! طيب اللي نبيه منكم هو أنكم تتوقعون أي نتيجة ربما تحدث في المباراة ربما من عرضية آخر المباراة يسجلون هدف ويحسمون الفوز ..!!! ربما يسجلون هدفين في الشوط الأول ويحسمون المباراة ..!!! معنى هذا إنه لابد إنكم تدخلون المباراة بكل جدية وحماس وروح كبيرة جدا تستمر طوال المباراة وانضباط وتوازن لا يتوقف أبدا إلا مع الصافرة .. والحرص على عدم ضياع أي فرصة لنسجل أكبر عدد نقدر عليه من الأهداف ..! هذا هو الطريق الوحيد للفوز وأنتم اللي تقدرون تمشون بالمباراة عليه .. وأنتم أيضا اللي تقدرون تمشون بالمباراة في الطرق الأخرى .. طريق المزاجية وطريق تضييع الفرص وطريق غياب الروح وطريق سجل هدف أو هدفين وتفرج بعدها إلى أن يجيبون هدف آخر المباراة ويطير الحلم وطريق وطريق وطريق ..... وعد واغلط من الطرق اللي تؤدي بنا إلى الخروج المرير ) أرجوكم .. هل تستطيعون أن تعيدوا لنا هذا الزمن الجميل أقسم بالله إني أكتب هالكلام وفي القلب حرّه وفي الحلق غصة ..

بيض الله وجهك يا نواف

وين اللاعبين يقرؤون هالكلام !!!!

Dr.Diet · #3 07/10/2010, 10:18 AM

اتمنى اشوف ردود الافعال من كل هلالي بالتفائل املنا بالله كبير وان شاء الله نعوضها هنا بالدره ..

الحضور ثم الحضور ثم الحضور نبي الفوز بايدينا احنا الجماهير مانبي نشوف كرسي فاضي حتى مايكون للاعبين عذر لااريد ان اشاهد اي تعليق الا حضورنا للملعب واملنا بالله ااكبر واكبر

بندرالصقيري · #4 07/10/2010, 10:22 AM

الله يعطيكم العافية

وبالتوفيق للهلال إن شاء الله

جنونـُےُ آنثْےُ · #5 07/10/2010, 10:25 AM

فعلا ماعندنآ لاعب تقدر تقول بيحسم القآء

مافي لاعب حمآسسسسسسسي

تطلع روحه ولا نطلع من البطوله

لاكن ربنآ يعوضنآ المبآراه القآدمه

سلمت

زياد 2007 · #6 07/10/2010, 10:29 AM

نبي رفع معنويات اللاعبين مو مجهزين سيوفنا بوجيههم وكلن يكتب ملاحظاته الي تهد فريق مولاعب كلنا بشر ونخطأ، لكن نقول الحمدلله تعويضنا يكون بالاياب ان شاء الله

هلالي متعصب · #7 07/10/2010, 10:31 AM

المشكلة الي يقهرك ان التخاذل والبرود ما جاء الا اثناء اوقات الحسم فوق لعنة الاصابات وكثرتها الي اجتاحت
لاعبينا المهمين !! انا الي غبني زيادة الابتسامات والضحكات في الصور الي شاهدتها في الطائرة اثناء عودتهم
من إيران ... يعني صراحة ما دري وش اقول .. يضحكون على خيبتهم مثلا ؟ ولا استهتار وعدم مبالاة بالادارة
والجمهور ؟؟؟

الامير وليد · #8 07/10/2010, 10:36 AM

المشكله بردو بعض اللاعبين مثل الفريدي والزوري
وبعدين ولي وياسر انتظارهم بالاياب وانا شاء الله التاهل

البارونه الهلاليه · #9 07/10/2010, 10:41 AM

لاتحطمون اللعيبه حفزوهم ع المباراه الجايه مايصير كذا

والله يوفق الزعيم يارب

هلاليه محترفه · #10 07/10/2010, 10:48 AM

موضوعك مليء بالعتب ويحق لك ..
اعتقد ان الفريق قدم مبارة جيده قياسا على الظروف والاصابات
هدف كان من غلطه غبيه جداً من حائط الصد ودائماً يتكرر هذه الاخطاء مع جيرتس
من فتره طويلة لم اشاهد اهداف ثابته تدخل مرمى الهلال قد ماشاهدت في الموسم الماضي والموسم الحالي
الفيصلي ونجران - كاس ولي العهد من كور ثابته - العتيبي
الاهلي الامارتي - كاس اسيا من كوره ثابته - الدعيع
الغرافة و ذوب اهان- كاس اسيا من كور ثابته - العتيبي

5 اهداف من كور ثابته ونفس المشكلة حائط الصد !!
السؤال :- وين المدرب في تنظيم حائط الصد هو الدعوه مو صف الاعبين وبس
لا في تنيظم من يوقف في الوسط من يوقف على الاطراف متى يتحركون ومن الي يثبت مايتحرك !!.. بس الي اشوفه مع الهلال اجتهاد لاعبين يالله شباب صفو حيطه
والعتيبي يوجه ! .

ويلهامسون " خارج التغطيه" في مبارة الامس لاتحرك إيجابي ولافعاليه دفاعيه
ولاهجومية وكملها بإضاعة البلنتي وهو واضح من اول ماجا للهلال مع كوزمين
ضيع بلنتي في كأس فيصل
واعتقد ضيع في بطولة وديه ومبارة الامس ضيع
هنا واضح وضوح الشمس ان الاعب مايتميز بتنفيذ الضربه الثابته
ليش المدرب وضعه من ضمن الخيارات وهو لاعب غيرمتمكن
ولا لأنه محترف !!.
فـ وجود ياسر - البرقان . أفضل واكثر جديه
من الفريدي - ولي يونج - ويلهامسون

اعتقد ياسر مع عودته من الاصابة الا انه واضح
متحامل على الاصابة السابقه
مع ذالك تحرك وعمل مثلثات مع العابد والفريدي بشكل مميز
لذا اعتقد انك تحاملت بشكل كبير على ياسر

كنت اتمنى من المدرب
في توقيت خروج الفرج ان يخرج ويلهامسون ويدخل الشلهوب
وبعدها يخرج الفرج ويدخل الجيزاني ولكن الغريب ان الجيزاني
مو موجود في البدلاء مع وجود الجمعان والغير منسجم مع الفريق
بعكس الجيزاني متواجد في التمارين وعلى دكة الاحتياط في اغلب المباريات .

بخصوص الروح الغائبة
كنت اتكلم من فتره مع وحده اقولها
الفريق ماعنده الروح والتحدي والقتاليه في الملعب للفوز
بعكس الشباب الاعبين عندهم طموح كبير يبغون يحققون
مجد شخصي لهم ولنادي بعكس لاعبين الهلال
احس انهم يدخلون المباره تأدية واجب فقط لاغير
ماعندهم الطموح وماعندهم القتاليه والروح واللعب
بجدية وإصرار صدقني لوتواجد هذه الميزات
في كل لاعب بنقدر نوصل لمراحل أبعد من كذا
ومشكلة الاعب الهلالي الثقه المبالغ فيها
والغرور والتكبر على الكوره والنظر بفوقية
واقرب مثال ماحدث امام الغرافة
وسيتكرر امام ذوب اهان
لان الحين الاعبين يحسون انهم قدمو شيء خيالي "كمستوى"
ويتوقعون ان المباره بتكون سهله في الرياض
وهذا راح يكون ثمنه غالي اذا دخلو الاعبين
وفي ذهنهم مبارة الذهاب ..ويلعبون بثقة مبالغ فيها
بيتكرر ماحصل امام الغرافة
والتجهيز الذهني والنفسي والفني للجهاز الاداري والمدرب
في بث الحماس والقتاليه في الملعب
بعيداً عن الغرور والثقه والنوم على مستوى الذهاب !.

اخطاء حصلت في المبارة اتمنى ان لاتتكر في الاياب
الاحتفاظ بالكره مو من مصلحة الفريق اكثر من كوره احتفظ بها العابد وغيره وتم استخلاص الكره من الاعبين الايرانين يجب اللعب بلمسه وتمريرات السريعه اهم نقطه لابد ان نستغلها في الاياب

لابد من التنظيم الدفاعي في الكور الثابته والركنيه
لابد من توجيه المدرب لزوري وان لايكون تقدمه على حساب الدفاع !!وللأسف مو هذي اول مباره يتقدم ويكون الجهه اليسرى مفتوحه ويربك الدفاع طالما المدرب ساكت وماينبه الاعب الزوري بياخذ راحته !!.. لو الزوري يلعب بتوازن دفاعي هجومي مثل ماعمل في مبارة الاتحاد "5-0" لان اعتقد ان هذي المبارة الأفضل له في مشوارة مع الهلال .

يجب على المدرب استغلال فترة التوقف في فرض تدريبات
خاصه للمهاجمين واستغلال الفرص الضائعه

يفترض ان لانمجد الفريق بهذا المستوى فـ القادم أصعب حتى وان اكتمل الصفوف على الجهاز الفني والاداري عمل كبير جداً .. والاهم ان يدخل الاعبين برغبة الفوز
والقتاليه والحماس والجديه ولايستكينون لمستوى مبارة الذهاب ولايفرطون بثقة الفوز ويتكرر ماحدث امام الغرافة فـ الكره تعطي من يعطيها .. وعليهم ان يبذلون مجهود اكبرلتحقيق الهدف والتأهل !!..

بالتوفيق للهلال في مشوارة الاسيوي

أبـو زآيـد · #11 07/10/2010, 10:52 AM

^^ يا شباب .. اللاعبين راحوا مباراة الغرافة ضامنين الفوز وحنا قلنا لهم هنا إنكم فايزين فايزين .. وش اللي صار بغينا ناكلها ..!

الجمهور ملأ الملعب في مباراة أم صلال والكويت .. وش اللي صار .. أكلناها ..!

يعني الموضوع مو بس شجعوهم واحضروا .. الموضوع وين الروووح وين تصحيح الأخطاء ..!

اللاعبين راجعين بالطيارة الحين يضحكون وشكلهم شبه ضامنين الفوز ..!!

يعني مشجعين أنفسهم ما يحتاج تعطيهم زود تفاؤل

اللي يحتاجونه زود روح وزود حماس وزود اهتمام ..!