السلام عليكم ورحمة الله وبركاته ..


هارد لك التعادل .. ومبروك عليكم المستوى ..
المباراة ما انتهت تعادل ؟؟ الا .. ومن عنده غير هالكلام يثبت لي ..
فريق رائع .. غياب 5 لاعبين مهمين جدا .. 5 .. تعرفون وش معنى 5 ..
يعني .. فريق الهلال الأولمبي .. + 6 من الفريق الأول ..
تمريرات .. تسديدات .. خطورة ..
بس حسافة الدفاع .. اللي ما توقعنا يكون بهالشكل ..
في البداية .. رحمة الله كانت كبيرة .. ومو كل مرة تسلم الجرة .. انا اقصد بهالكلام ..
مصيدة التسلل .. واللي شفناها في اول لحظات المباراة .. وكادت ان تنهي الهلال لولا الله ثم ابوسلطان ..
المرة هذي نقول الحمدلله عدت على خير .. لاكن اتوقع المباراة القادمة ..
مدرب الفريق الايراني راح يركز على فكرة كسر مصيدة التسلل .. والله يستر ..


فيدو يوضح النقظة السابقة ..

مشاهدة يوتيوب .. اضغط هنا



النقظة الثانية اللي ودي اتحدث عنها ..

الكابتن عبدالله الزوري ..

ياكابتن .. والله والله والله .. كلنا نحبك .. ونتمنى تكون دائما بيومك ..
وتعطي اكبر من ما نتوقع ..
لاكن .. يا كابتن .. والله فيك برودة .. مستحيل تكون ظبيعية ..
كابتن عبدالله .. انا ما انقد نقد جارح .. لاكن انا احب اتكلم لمصلحتك ..
في الدقيقة 13 ، 19 ،24 ، 26 ، 33 ، 39 ، 44 ، 53 ، 66 ، 76 ، 79 ..تتقدم يا كابتن ..
ولما تنقطع الكورة ..نشوفك تتمشى قدام .. وبالمقابل ..
نشوف نواف العابد هو اللي يرجع يغطي مكانك ..
مهما كان التكتيك .. لازم تتحرك .. حاول مره بس تحترق عشان الفانيلة ..
وانا ما اشكك بولائك للفريق ..
النقظة الثانية يا كابتن .. التغطية .. كابتن عبدالله .. اسمحلي .. ما قدرت اعد الاخطاء اللي وقعت فيها بالتغطية ..
يعني .. كمثال واحد فقط .. 75% من هجمات الفريق الايراني .. تكون بتمريرات من خلفك ..
الغريب يا كابتن .. انه سلمان الفرج ينزل للاعب اللي معه الكورة .. والاعب الاخر يكون خلفك ..
وانت تحاول تقطع الكورة .. ياليت تتنتبه لهذي الاخطاء في المستقبل ..

..


النقطة الثالثة ..

كريستيان وليهامسون .. ما ادري المدرب ليه ما دخلة المباراة .. المفروض يلعب فيه اساسي .. اتوقع فهمتوا وش اقصد ..




النقظة الرابعة .. الجمهور الأصفر .. وما ادراك ما الحقد .. والحسد ..
ما ابغى اتكلم .. وألوث منتدانا فيهم .. لاكن بترك لكم الحكم بالفديو ..


جمهور الفقر و خالد جاسم .. هل من جديد :: مشاهدة ::










برنامج المجلس كان شيق وممتع بعد المباراة .. لكل من فاته ..
رفعته لكم على اليوتيوب ..

برنامج المجلس بعد مباراة الهلال وذوب اهان الايراني الجزء الأول :: مشاهدة ::

برنامج المجلس بعد مباراة الهلال وذوب اهان الايراني الجزء الثاني :: مشاهدة ::

برنامج المجلس بعد مباراة الهلال وذوب اهان الايراني الجزء الثالث :: مشاهدة ::


في الاخير .. فريقنا قدم مباراة اقل ما يقال عنها راائعه .. ولاكن لا تكون ثقته عمياء في مباراة الاياب ..
لازم نوصل للاعبين .. ان في عالم كرة القدم مافي مستحيل ..
ومن الممكن في مباراة الاياب ان تكون الافضلية للفريق الايراني لا سمح الله ..


في الختام ..
جمهور الزعيم .. انتم وقود الهلال .. كونوا على الموعد .. ولا تخيبو امال الاعبين ..
ان ابت فمن الله .. وان اخطأت فمن نفسي والشيطان ..

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ