نادي الهلال السعودي - شبكة الزعيم - الموقع الرسمي - جنز " وريني وريحني " .. وليت بعض البشر مايصحى من نومه !

مرتن من المرارير رقدت من عقب صلاة المغرب . طفشاااان وماعاد عندي شغل . وقلت يارجال والله يالنوم انه ابرك شي خصوصاً لاصار المكيف توّ ابوي جايبه مغسولن الكمبروسر حقّه وصايرن يطلّع برادن يشق التسبد ويشلخها ،
مير اني انطل روحي على المرقد واقعد اهوجس واحلّم حلومن وش زينها . اني تاجر وصارو خالاتي يدقون علي يقولون شغّال عيالنا بالشركة عندك وصرت ماعاد اشوف الناس شي ومعي ذاك البنز اللي طايح من ورى وفيه ثلاجه ومراتب تسوي مساج للمقعده .
مشكلة ان الحلم مهوب يطوّل . أوّل ماأتخيلني تاجر ويبدا الشريط حق الحلم يشتغل ينقطع الإرسال واخمد لي خمدتن حمرا وانسى كل شي ،،

الوكاد اني رقدت ويوم جت الساعة 11 وعليها شوي وانا اللي افتّح عيوني وانا اطططبخ . اثاري المكيف طفى والعرق يتصبصب . تذكرت يوم اني امرض وتمرخني امي بزيت وتخليني ارقد بالحر وتصير حلومي خايسه وكوابيس واتخيل كل شي كبير ، !

قمت وانا جاااايع . لو ان قدامي لحمتن يابسه كلتها من الجوع اللي فيني .
شغلت موتري ومالقيت إلا مطعم تكسي ذاك اللي ملزّقين على جدرانه صور سيارات قديمة مثل حقت الملك عبدالعزيز اللي مكيفها مايشتغل إلا على الحار بس ، عشانهم صانعينها بالبرد !

طلبت لي المقسوم وقلت كثّر كتشب .
ويوم التفتّ على يساري عند حق الطلبات آلا ذاك الولد اللي ظاهرن نصّ بطنه وسرّه نافصن قدّام كنه زرار كنب ولابسن جنز ضاااايق وتاكّن فيه كل شي ومظهرن نصّ خلفيته الله ياخذ عمره ،
قعدت اتمقّله من فوق لتحت . هو اني اشوف لي آدمي ولا مابعد صحيت من نومي !

ويوم شفته زين آلاه ولد صدزي بس انه يواكب الموضه وكل شوي يفصخ شوي http://www.coalles.com/vb/images/smilies/lol.gif

سلمت عليه وبدا شريط التميلح معه يفرّ ، وقلت له : آلحين وراك قايلن بصروالك كذا ؟ وراك ماترفعه شوي http://www.coalles.com/vb/images/smilies/lol.gif .. قال هذا طيحني . ماتعرفه انت ؟
قلت لا والله مابعد عرفته بس عمي يقول انه قد رقى نخلتنا البرحي وطاح صرواله http://www.coalles.com/vb/images/smilies/x2.gif

ياويل تسبدي ويلاه ، حامت تسبدي من هالهمبرقر اللي طالبه يوم شفت هاللحمة الآدمية ترطرط قدامي http://www.coalles.com/vb/images/smilies/d77b9.gif
شوي وجا خويه . آلاه اردى منه . لابسن فنيلة مخرّمه كنه ملف علاقي . وشورت ذاك اللي يطلّع الركبه ، المشكلة ان ركبته سوووودا ومتقشّره ، يعني ليتها ركبة حليمة بولند ولا ركبة نجوى كرم كان تهون ، مقششّره . مقششره ياناس والله http://www.coalles.com/vb/images/smilies/d77b9.gif .. آبوها من ركبة كنها بطاطسة توي امي مقشرتها وتبي تصلح لنا مصقّعه ،

شي يوجع القلب ،
نصّ المطعم مفاصيخ ذيك الليله قسم بالله ههههههههههههه ، حسيت اني داخل بار ولا بيدخّلون علينا حريم ونقحن لنا من هالمخزي ،
ذا طالعن نصّه وباينتن لحمته وذا طالعن سرّه كنه يقول ترى مالقيت مقاس فنيلة تستره وذاك مظهرن فخذه وذاك ماتسترني يادافع البلا . لعن الله اللي مانيب قايل http://www.coalles.com/vb/images/smilies/lol.gif

اوجعني قلبي واستحيت يوم اني لابسن ثوب بينهم ، يعني صار الثوب مستنكر وغريب http://www.coalles.com/vb/images/smilies/d77b9.gif . وش هالجيل الخربان . جيل " ابي بلاك بيري " و " صروالي يحكّني من تحت " http://www.coalles.com/vb/images/smilies/d77b9.gif ..
اخبر واحد من عيال عمتي قد مرة حضر معنا عيد وكان لابس نعال ام لزّاق . مسوي كشخه وجايب شكل جديد . وذاك اليوم مير مافيه احد مافشّله . نقّدوه الشيبان وفشّلناه يالشباب وكل مامشى قام اللزّاق يطلّع صوت http://www.coalles.com/vb/images/smilies/lol.gif .. يقول لي عاد : هالنعال جايتني هديه من واحدن يعزّ علي ودايم بيني وبينه محبتن وش كبرها وآلحين قسم بالله ياأني كرهته كره وان شالله اني باقشع رقم جوّاله الليلة بس خلني افتك من هاللي انا فيه واطلع من هالمجلس http://www.coalles.com/vb/images/smilies/lol.gif .

ومشكلة الواحد لامنّه حسّ انه كشخه وشكله غريب وهو بالواقع دلخ وسبهه ومايصلح ولا حتى مفك سكروب !

قبل فترة كنت بالبطحا . اهيم في أرض الله الواسعه http://www.coalles.com/vb/images/smilies/lol.gif .. دخلت سوق البنقال ثم خذت لي فرة لين غدة ريحة ملابسي بصل مخيس ثم توجّهت غرب ودخلت سوق الفلبينيين اللي كل محلاتهم يا ( محل سمك ) يا ( محل إلكترونيات ) . والواحد ماعاد يعرف يفرق بين الحرمة والرجاجيل فيهم . كلهم بيضان كنهم بيض مسلوق وشعورهم كنها ( مكرونة ذيك اللي تجي طوال وتنشفط مرتن وحده بالبطن ) . دخلت محلات ملابس وقلّبت فيها . العجيب اني ماشفت صروال طيّحني عندهم وماشفت صروال فصّخني ولا لمّسني http://www.coalles.com/vb/images/smilies/lol.gif .. كل ملابسهم ستيره . اللهم انها بس عليها ذا الحتسي اللي مدري وش هو بس شكله مهوب تعرضن للرّب والا حشّ بالحكومة ،

وقبل كم يوم دخلت صيدلية باخذ لي عصّار حق ظهر . متمرّغن ظهري يوم شلت غاز ياحبني لي بس ،
ودخل واحدن شعره كشّه ومنتفش .. والله انه يوم دخل مع الباب كنهم مدخّلين علينا بالصيدلية جذع شجرة طايحن بالشارع ويبون يبعدونه شوي عن طريق السيارات ،
والله اني ادوّر خشمه ابي اعرف شلون يتنفّس واني يالله شفته http://www.coalles.com/vb/images/smilies/lol.gif .. شعورن يادافع البلا بس http://www.coalles.com/vb/images/smilies/d77b9.gif .. آلحين ذا شلون يعيش ولا شلون يرقد وهاللي فوق راسه بياخذ نصّ المخدّه ، ذا شلون يسوق سيارته وهو ماخذن كرسيّه وكرسي الراكب اللي جنبه .
شلون يشوف طريقه ! شلون يتروّش ويصالي هاللي على راسه ،
شفته وبدت تسبدي تقلب . قلت : آلحين متى اسبوع الشجرة ؟
ابتسم وقال : توهم مابعد اعلنو عنه ،
قلت : طيب عساك بتشارك فيه ؟
قال : يمكن http://www.coalles.com/vb/images/smilies/icon191.gif
قلت : ياخي ياحظكم شجركم واجد ومتفرّع http://www.coalles.com/vb/images/smilies/lol.gif

اييييه يابوي ليتك تشوفه بس عشان تعرف ان ولدك شعره مرتّب ،
اجل يوم نعتمر العام مدخّلني للحلاق اللي عند الحرم ويقول للباكستاني : احلق شعره وشل شوي من اذنه تراي موكّلك فيه واعتبره ولدك http://www.coalles.com/vb/images/smi...oking_anim.gif ،
تصورو عاد اصير ولده واسمي خان ومستقبلي محجورن بين " سوّاق لموزين " ولا " حلاق عند الحرم حول باب المروة " http://www.coalles.com/vb/images/smilies/lol.gif

عاد عشانكم ماتحبون تقرون واجد باخليكم مع هالصورتين لآخر صروال نازلن موضه . إسمه " وريني وريحني " ..
يعني من آخر افتشها وخلاص وريّح بالك هههههههههههه ،
آآآبوهم من تسلاب يبون يخربون عيالنا ، اول متستّرين وكل واحدن ضافن عفشه وآلحين يادافع البلا كلّن مظهرها مير ماعاد كنّها شيّن لازم يستر

http://img251.imageshack.us/img251/849/45203858.jpg

طبعاً العامل قاعد يشرح شلون ينفتش البلا الله يبلاه ،

وهنا عاد يوضّح أن الراحه بعينها يوم يصير تسذا

http://img834.imageshack.us/img834/8459/18236354.jpg

جعل يعزّا فيكم ياللي مصلحينه بس ، خربتو هاللي عندنا . آلحين مابزيناهم بخساستهم بهالصراويل وتبون بعد تزوّدون الخساسه ،

ارجع على العلم الردي حقهم واقول : يامن شرى له من حلاله علّه . والا عيالنا مهوب تسذا . ذولي التوالي يبي لهم فرمته ويركب لكل واحد برنامج حق الفيروسات غديه ينظف ويصير يلقّ ويقعد مع الرجاجيل متسنّع . والا هاللي كل شوي طالعن لنا ماله سنع . افصخني ولبّسني ولمّسني ومن هالكلام المريض الله ياخذهم ههههههههههههههههه ،

للكاتب : مدمن شاهي