وصف للطريق من جسر الملك فهد لدرة الملاعب - صفحة رقم 2 - نادي الهلال السعودي - شبكة الزعيم

JoO · #1 08/10/2010, 08:30 PM

توصل بالسلامه ان شاء الله

ومثل ما قالو الاخوان ما يحتاج لك لا خريطه ولا شي

اول ما تدخل السعوديه روح مع لوحات الرياض تقريبا 400 كيلو من الشرقيه الى الرياض

واول ما تدخل الرياض تشوف لوحات استاد الملك فهد

تحياتي

Mr.Raed · #2 08/10/2010, 08:33 PM

توصلون بالسسلامه يارب ،
وان شاء الله يفيدوونك الاخوان ،
وبالتوفيق يارب للهلال ،

مخاوي الهلال20 · #3 08/10/2010, 08:34 PM

اول ماتطلع من البحرين امش سيده مع طريق ابو حدرية لين يجيك مخرج الرياض ثم امسك السريع واذا اقيلت على الرياض فعندك اكثر من طريق...
1- يجيك مخرج يمين مكتوب عليه الثمامة واحد يروح يمين وواحد يروح يسار امسك اليسار وامش حدود اربعة اوخمسة كيلو وبتشوف الملعب واضح على اليمين وادخل له مع الحارة ( الجنادرية) او قبل الكبري اللي قدامك من تحته وخذ يمين ثم تجيك فتحه خش معها يسار ويكون الملعب امامك0

2-تعد مخرج الثمامة وامسك الخدمة لين تجيك اشاره من عندها خذ يسار (طريق الشيخ جابر) وروح سيده تجيك اشاره عديها ثم دوارين من عند الثاني يسار سيده والملعب بيكون على يمينك بتشوفه واضح من بعيد0 رافقتكم السلامة0