|
الإدارة وجرتيس لا للتفاءل المفرط .. نبي نضرب بيد من حديد على كل لاعب حتى يحسوآ فينــآ كجماهير شاهدنا سمو الامير عبدالرحمن يصرح انه متفاءل بالفوز في مباراة الاياب والتأهل للنهائي ومدربنا جيرتس يصرح ويقول أنه سيسلم على الكأس الاسيوية وانه متفاءل بتحقيق نتيجة كبيرة في مباراة الاياب والمحللين الهلاليين متفاءلين بالفوز في الرياض .. حتى صحافـة الاصفرين استغلت هذه التصريحات وتتفاءل معهم حتى لاعبينا يدخلون المباراة القادمـة وانهم متأهلين مثلما حصل في مباراة الغرافــة وكدنا ان نخرج .. سمو الامير عبدالرحمن بن مساعد .. والمدرب جريتس .. بتفاءلكم هذا وتصريحاتكم سوف تسببون تخدير وانتكاسـة للاعبون ونرى اشباح ( ام صلال والوحدة الاماراتي ) يتمشون في ملعب الملك فهد نعم اذا كنتم متفائلين .. اتركوآ التفاءل في صدوركم ولاتخرجوه لأحــد .. حفزوآ اللاعبين وآزروهم بدل التصريحات التي تدعوآ للقلق والتفائل الزائد الذي يزرع في نفوس اللاعبين ضمان المباراة واللعب بثقة زائدة نحن نريد من ادارتنا ومدربنا حث اللاعبين على الحماس والروح .. واللعب بقتاليــة وان يبدأو المباراة ويعلموآ انهم متاخرين بهدف للاشيء .. وان يقدروآ الجمهور الذي سيحضر ويملآ الدرة بمشيئـة الله نريد منكم عدم الافراط والتفريط .. نريد لاعبين يركضون بحماس وروح وقوة متناهيـة طوال 90 دقيقة وان يضربوآ بيد من حديد نريد ناس تحترق من أجل الوطن والهلال .. فإن تكررت تصاريح التفاءل .. فأعتقد ان اشباح مباراة ام صلال تلوح في الآفق ياسمو الاميرامسك كل لاعب بيده مثلآ ( يازوري انت بارد وسرحان جالس تتمشى في الجهة اليسار نبي تفدي روحك من أجل الهلال وجمهوره نبي روحك تطلعها وتحرقها لو لمرة واحدة في هذه المباراة فقط ــ ياسر نبي جديـة وقوة التحام ورجولة على الكرة ماني استهترار وكعوب , 90 دقيقة نبيها كلها جري وقوة واهداف ولو بالركبة اسيـآ تكفى ياياسر كل الهلاليين ينتظرونك 20 اكتوبر ) اللاعب اذا حس ان الادارة تعاتبه راح يحس في نفسه وتشوفون منه مجهود ليثبت نفسه ويؤكـد انه اجدر بأرتداء الشعار الهلالـي قولهم وعلموهم يانــآآآآآآس والله ثم والله أن اسيـآ مهرهــآ غالي آســيــآ تبي رجــآل تحترق وروح لاتقهر مثل ماحنا نحترق من شأنكم اللهم يارحمن يارحيم ياودود ياجبــآر يامتكبر يامن بيده تصريف الامور وتدبيرها أن تجعل البطولـة الاسويـة لعام 2010 من نصيب نادي الهلال السعودي |
وانت صـآإدق .. طرحك جميل . . بالتوفيق لزعيمنآ // |
مشكوووور اخوي ابي احد يرفع معنوياتي انا ام التشاؤم :cry::cry::cry: |
جميع اللاعبين يعرفون هدف وغدر صحافة الاصفرين ومن على شاكلتهم واذا سلم اللاعبين انفسهم لهذا التخدير فهم لايستحقون اللعب بشعار الهلال... نعم نتفائل ولكن بحدود المعقول0 |
فعلا شيء يقهر صراحة المفروض شبيه الريح ولو كان المستوى اعجبه ما يقول هالكلام عشان ما يخدر لاعبينا لأننا كهلااليين لا يرضينا ابداً مستوى بدون نتيجة وأصلا الدفاع كان شوارع وبغت تجي اهداف فضايح .. بس الله ستر ! اشوف المستوى جيد وليس مطمئن ابداً وياخوفي من الثقة الزايده !! الله يستر بس والله اننا كجماهير ذبحنا التوتر وشبح الخروج بسبب خوفنا ع الهلال من نفسه !! |
أتمنى التوفيق لنادي القرن الأسيوي |
شكرآ على الرفـع .. وشكرآ لمن مر من هنــآ وأبدأ برأيه وتعليقــه .. اللهم يارحمن يارحيم ياودود ياجبــآر يامتكبر يامن بيده تصريف الامور وتدبيرها أن تجعل البطولـة الاسويـة لعام 2010 من نصيب نادي الهلال السعودي |
باذن الله يفوز الزعيم والموعد النهائي |
أنااا معااك ميه بالميه ولي يومين أقول هالكلآآم وكل ما سمعت تصريح أو مقابله أو تحليل يرتفع ضغطي الكل متفائل كإننا خلآص فزنا عليهم وتأهلنا ومثل ما قال أحد الإخوان الدفااع كآن سيء والعتيبي أنقذنا والخوف يجي فيناا هدف في الدره يصعب كل شيء |
إقتباس:
ومن اليوم حتى مباراة الاياب اتمنى من الجميع ادارة لاعبين جمهور عدم النفاءل المفرط واجترام الخصم |
كلام صحيح يجب على الامير ان يضرب بيد من حديد على اللاعبين يعني بصراحه مثل ما قلت انت يجلس معهم واحد واحد ويذكر لكل لاعب ملاحظاته شكرا لك |
شبية الريح أصحى مني ومنك , ممكن كلامة للأعلام غير وللاعبين غير .. عساهم يحسون بلي فينا وعلى ربي التوووووووووووفيييييق |
| الوقت المعتمد في المنتدى بتوقيت جرينتش +3.
الوقت الان » 10:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd