زعيم كسب المستوى وخسر النتيجه ( دعوة لحظور80 الف مشجع لا متفرج للرد على المدرب الايراني ولزف الزعيم للنهائي بإذن الله)
السلام عليكم ورحمة الله وبركاته
اولا الحمدلله على كل حال الزعيم قدم مستوى ممتاز على الظروف اللي مررنا بها وأهني الاعبين على اجتهادهم
*اذا كنت ناقص ثلاث لاعبين في خانه وحده اللي هي المحور وتخسر بواحد فهذا شي جيد
*واذا كان الحكم يلعب ضدك وتخسر بواحد فهذا شي جيد
*اذا كنت مقابل فريق يلعب على ارضه وبين جمهور والفريق كله مدافع وتخسر بواحد فهذا شي جيد
* اذا كان الله كاتب لنا عدم التوفيق فهنا نقول الحمدلله على كل حال وان شاءالله نتوفق في المباراة القادمه
وان شاءالله مباراة العوده بين ارضنا وجماهيرنا وبعودة المصابين والغائبين بنشوف الزعيم اللي نعرفه زعيم يقهر لا يقهر زعيم يسلك الطريق الصعب
المدرب مع هالنقص عمل على الدخول بتشكيله جيده نوعا ما لكن ما احسن بإختيار العناصر اللي هي بتفيد الفريق بتغييب الشلهوب وهو اللي مسوي الفارق
ومو اي فارق هو مايستروا خط الوسط هو الممول الاميز للمهاجمين ما حضر فوز للهلال الا والشلهوب بصمه بالهدف بتمريراته القاتله للخصم
تغييرات المدرب كانت متأخره ومتأخره جدا خصوصا بغياب تام لويلي عن المباراة كان من المفترض دخول الشلهوب بداية الشوط الثاني واخراجه
وهذا عيب جريتس دائما تغييراته تكون متأخره واتمنى انه يتلافى هالشي
تشيكلة اتمناها للاياب
العتيبي
الزوري - المرشدي - هوساوي - لي يونج
رادوي - الغنام <<< عزيز
له فقده لكن قدر الله وماشاء فعل نيفيز - الشلهوب - ويلي
المحياني - جمهور الزعيم 
اوياسر وافضل ان ياسر ينزل الشوط الثاني عاد جينا لجمهور الزعيم وتأثيره لكسب بطاقة التأهل 
* اتمنى اتمنى اتمنى اني اشوف الملعب ممتليئ عن بكرة ابيه وياليت لو نسمع ان فيه جمهور رجع من عند المداخل بسبب ان الملعب مافيه شبرين تجلس فيه
* اتمنى نشوف جمهور يشجع طول المباراة وتشجيعكم راح يعكس على مستوى الاعبين يعني الاعب اللي مو في مستواه بيصحصح مع التشجيع لويحظر عشر الاف
مشجع يشجع والا يحظر مية الف مشجع عالصامت وكلكم شوفتوا العشرين الف امس كيف اثروا على الاعبين وعلى الحكم
* اتمنى ما نشوف الجمهور المتفرج او جمهور اجلس نبي نشوف الله يخلي الإعادات ارجعوا البيت وبتنعاد لكم المباراة الين تملونها
* مدرب الفريق الايراني جالس يستهزئ بجمهور نصف الارض ويقول الجمهور ما بينزل يلعب يقصد مالكم تأثير عليه هو وفريقه الله من زين مستواهم عاد نشوف ردكم عليه وش بيكون نبيه يكون ضحية الكلمه اللي قالها << والله اني مجرمه 
نبغاه يبلع العافيه لاشافكم زي مدرب بونيودكور والغرافه 
* الصلاة الصلاة تكفون لايلهيكم الشيطان عنها ودعواتكم للزعيم يا جمهورالزعيم
وان شاءالله ربي يوفق نجومنا لتحقيق الكأس يااارب
جعلني ما اشوف الكأس الا بيد هوساوي يااارب ياكريم 
الوضع الشجري
