جيرتس لاتقول افضل خطه للدفاع الهجوم + ياخوفي من هجمه مرتده تنهي كل شي + الدفاع ثم الدفاع ثم الدفاع ثم الهجوم , + ركنياتهم وعرضياتهم تخوف + حظنا زفت
السلام عليكم ورحمة الله
في المباراه الفائته قلنا مع الخساره قدر الله وماشاء فعل , لكن يجب علينا في المباراه القادمه التوكل على الله ثم الدعاء ثم العمل والاخذ بالاسباب
ياخوفي من
المدرب جيرتيس يجي يتفلسف , ويهجم وينسى شي اسمه دفاااااع ونكون ضاغطين وماسكين اللعب ثم يجي حظهم اللي يشق الطير من السماء ومن لعبه بايخه وسهله يجيبون هدف . سواء مرتده ولا ركنيه ولا عرضيه مثل وجييهم او من غلطه دفاعيه
لذا يجب التنبيه على جيرتس ان الفارق هدف واحد فقط ولا يندفع كثير وينسى الدفاع (
لانهم لو جابو هدف ينحسسب لهم بهدفين )
ثم عاد ناكلها ونتحطم ويبرد لعبنا وهات بعد لو جا هدف ثاني لهم يضيع كل الحلم وانسو شي اسمه اسيا
عشان كذا اهم شي على جيريتس تأمين المناطق الدفاعيه اولا واخيرا
واذا أمنت
مناطقك الدفاعيه الله يسلمك ذيك الساعه فكر تهجم
..لان 90 د سهله على الهلال يجيب هدف وهدفين وثلاث لكن الصعب يوم ان يتسجل فيك هدف بهجمه مرتده ولا ركنيه بايخه ولا غلطه دفاعيه ولا عرضيه مثل وجيههم
بعدين صاير حظ الهلال زفت بالمبارايات ماتلاحظون ؟ بسم الله كله من عيون هالفقراويه والاتشاديه
اظن انهم صكو ولهامسون عين .. اول ماجبناه وبدع انهبلو وياسرعه ويهب وعليه مهارات وعرضيات الظاهر عيونهم صكته
ياليت كل لاعبين الهلال يحصنون انفسهم . واللي مو مسلمين يقرا عليهم واحد من اللاعبين بدون مايدرون
< فكره صح ؟
الفريق الايراني اكيد بيلعب مدافع طول الوقت ويعتمد وعلى الكرات الطويله للمهاجمين او احد لاعبين الوسط
وتصير
هجمه مرتده ينهون فيها كل شي . خصوصا ان شفنا منهم السرعه واتقان الهجمات المرتده والعرضيات والرأسيات المباغته
اتمنى من الزوري مايطلع يساعد الهجوم ... لو هو يظل ثابت بمكانه ويساعد الدفاع والكوري هو اللي يساعد الهجوم , لان الكوري بالهجوم خطير ويعطي عرضيات توب وبينيات خياليه
ملخص كلامي . يجب التركيز في المباراه ويلعب الهلال بهدوء بدون تشنج وحرق اعصاب ولا يفكرون الا بالهدف والتعادل واذا جابوه يفكرون بالفوز
, وتأمين المناطق الدفاعيه . ويركزون المدافعين من الفاولات القريبه من خط ال18 واي تشتيت يحاولون بقدر المستطاع مايكون لركنيه للأيرانيين . الارتداد السريع بين الهجوم والدفاع , والانتباه من هجماتهم المرتده
+
اتمنى ان ياماجد المرشدي ولا هوساوي يمسك مهاجمهم الخطير خلعتبري وينتبهون بعد للعرضيات , واكثر لعب الايرانيين يكون من الاطراف يعني الزوري ولي يونج مع عودة ولهامسون للخلف لازم ينتبهون
في موضوع سابق لي حذرت من الايرانيين بالعرضيات والفاولات وقلت هدفهم بيجي من احدى هالطرق ياركنيه عرضيه او فاول . وحذرت من هجماتهم المرتده
. واعتقد الكل شاف موضوعي اللي اول عنوانه [
رب ضارة نافعه ]
لكن شكل الهلاليين مااخذو بالنصيحه , وبمووضوع سابق قلت من الاساس ماني متفائله من هالمباراه , لكن الحين بجد متفآئله من التأهل ااذا لعبو بتوازن بين الدفاع والهجوم وعدم الاندفاع لآحراز هدف مبكر . ينهونها الايرانيين من هجمه مرتده
+
اكثر من مره وبمواضيع مختلفه اقول ضياع الفرص السهله تخلي الفريق مايطلع من بطوله او مباراه الا من عنق الزجاجه .
وهذا الشي اللاعبين هم اللي يجلبونه لآنفسهم
معاكم تسعين دقيقه بالهدوء واللعب بتوازن بتفوزون , اهم شي التركيز . هو هدف واحد الهلال بيقدر عليه ان شاءلله الا اذا جا عليهم هدف بتتلخبط الاوراق لاسمح الله
واذا جا الهدف ,, يفكرون ذيك الساعه بالهدف الثاني واذا جا الثاني يفكرون بالثالث . يعني الشي بالتدريج
بإذن الله مع عودة رادوي والغنام ونيفيز وتكامل صفوف الهلال بوجود المرشدي والزوري الي تعودو تقريبا على اجواء المبارايات , بيكون الشق الدفاعي لدينا اكثر صلابه , ويجب علينا استغلال هالتكامل الخلفي وعدم النقص
وبوجود لاعبين خبره امثال هوساوي وياسر والشلهوب والكوري لي يونج وغيرهم من اللاعبين سوف نتأهل بإذن الله
بالتوفيق لممثلي الوطن الهلال والشباب لعبور النهائي يارب , ويكون تنافس شريف
اللهم اجعل بطولة دوري ابطال اسيا لهذه السنه من نصيب الهلال يارب يارحمن ياكريم ,
اللهم لاتجعل تعب الاداره الهلاليه على رئسهم اميرنا عبدالحمن يذهب هباءا منثورا . اللهم اجعل هذه البطوله لاتفارق خزائن الهلال يارب ياكريم .
اللهم انصرنا في مباراتنا القادمه امام ذوب اهن الايراني واجعل التأهل اولا ثم الكأس ثانيا من نصيبنا ياكريم يارحمن يارحيم . اللهم انا دعوناك فاستجب لدعائنا
ملاحظه قبل الختام :
يجب على الجماهير الهلاليه الحاضره ان تقوم بالمؤازره والتشجيع كما رأينا ذلك بمباراه الغرافه الذهاب وبونيدكور
, وردو الدين للجماهير الايرانيه اللي استفزت لاعبينكم وخلتهم يتشتتون ذهنيا
واكبر سبب لضياع ولهامسون لضربة الجزاء .
هو عندما قامت الجماهير الايرانيه بالصراخ لآرعاب ولهامسون وتشتيته ذهنيا . وفعلا فعلووا مايريدونه
لازم اي كوره يلمسونها صرخو عليهم صفروو ازعجوهم لاتخلونهم يركزون ابد
الوضع المتطور
