|
كلام مهم لجميع الهلالين والعشاق .... السلام عليكم ورحمة الله وبركاته : كيف حال الزعماء ان شاء الله طيبين .... في البدايه اهنيء اللاعبين على المستوي الجميل وصراحة محد قصر في الفريق اليوم من الحارس الى الهجوم اشكرهم فرداً فرداً .... في هذا الموضوع ودي اتحدث عن عدة نقاط : 1- على لاعبين الهلال ان ينسو مباراة اليوم ويبدو من الصفر وعلى جميع اللاعبين نسيان ماحدث من هذه المبارة .. 2- انا اشوف بعض الجمهور المحسوبين على النادي للأسف يقللون من عطاء بعض اللاعبين وانا ودي اقيم كل لاعب في هذه المباراة من وجهة نظري : العتيبي : قسم بالله بطل وماقصر اليوم تصدى لكثير من الكرات بعد توفيق الله ... اسامه : ماقصر والله العظيم كان فيه قمة مستواه ... المرشدي : مستوى جيد نوعاً ما ولا ننسى انه هذه ثاني مباراة رسميه يلعبها بعد الاصابة ... الزوري : ممتاز اليوم شفناه في الهجوم والدفاع والله بطل مع انه راجع من اصابة ابعدته عن مباريات كثيرة في الموسم ... الكوري : يارباه مالي كلام عليه لايحتاج تقيمي من الاساس :ba: البرقان : كان جيد مع انه تسبب في فاول الهدف وفاولين اخرين كادت ان تكلفنا الشي الكثير اتمنى من تفادي الاخطاء في المباريات القادمه .. الفرج : جيد ولا ننسى انه اول مباراة يلعبها في الموسم وماهي اي مباراة وكان ودي انه مايلعب لحساسية المباراه واهميتها .. نواف العايد : افضل لاعب هلالي في المباراة بدون منافس مع العتيبي .... ولي : ماكان في يومه تسبب في الهدف وضيع لنا هدف لاكن يمون ولي ياما فرحنا وان شاء الله نشاهده في مباراة الاياب افضل واصل ياويلي واحنا وراك سند ان شاء الله ... الفريدي : لاعب ممتاز لكن يعيبه الاحتفاظ بالكرة اكثر من اللازم ... ياسر : لاعب كبير وجاب لنا بلنتي لكن ضاع مانقول غير الحمدلله على كل حال ,,, عيسى : لاعب ممتاز وظلم صراحة في هذه المباراة بعدم الاحتساب ركلتي جزاء صحيحه ,,, الشلهوب : كان خطير جداً وحرام ما نزل من بداية المباراه ... 3- اتمنى من الجماهير الهلالية الابتعاد عن الانتقاد الهدام لان اللاعبين الان محتاجين لنا اكثر من كل يوم لأن احنا في اخر الحصاد ... وان شاء الله راح نشاهد هلال غير بأذن الله في مباراة الاياب لكن يحتاج منا اننا نوقف مع اللاعبين ونأزرهم في الملعب وان شاء الله يكون الملعب فل الفل يوم 20 اكتوبر ... همسة : انا اعشق الهلال ككيان .... انا اشوف ان فيه بعض الجماهير عاشقه للاعب معين ويتركو بعض اللاعبين وهذا خطأ بل علينا ان نعشق الهلال بجميع من فيه ونكون يد بيد للوصول الى العالميه ونبتعد عن التجريح ... وفي النهاية اللهم وفق الهلال فوق كل ارض وتحت كل سماء يارب العالمين ...:ba::ba: |
يشرفني اكون الفرست ............................................ اللهم لك الحمد ولك الشكر كما ينبغي لجلال وجهك وعظيم سلطانك ... اللهم صلي ع محمد وعلى ال محمد كما صليت ع ابراهيم وع ال ابراهيم في العالمين انك حميد مجيد ((يارب يارب يارب يارب فوز الهلال ع زوبهان الايراني في مباراه الاياب )) يا الله يارب يالله لاتردني وانت ياربي توعدتنا بالاجابه يارب يارب يارب يارب اجعل الهلال يفوز الاياب بنتيجه كبيره لصالحه ومن بداية المباراه وان شاء الله اروح لمكة واعتمر الخميس قبل المباراه وادعي للهلال كثيييييييييييييييييييييير وربي يستجيب لي ان شاء الله يارب يا الله اجعل الهلال هو اللي يسجل ويعزز ويؤكد التسجل بثلاثه في الشوط الاول وثلاثه في الشوط الثاني والايرانين ولاعبينهم يتفرجون في الاهداف بس يارب يا الله |
خلآص يا شباب شوط وآنتهى.. باقي شوووط ولابد من وجود لآعب مهم تدرون من هو هالآعب.. (( جمهوور الزعيمـ )) وأنآ أول لآعب رآح يكوون موجود.. وأبي 70 ألف لآعب معاي.. |
اي والله انا مستغررب من الي يسسب اللاعبين اقول لو انت محلة ما تلمسس كورة كلهم ما قصروا نبي نفس الاداء في الشوط الثاني في مباراة الاياب موفق يالزعيم |
ابطال وماقصرو وراح نوقف معهم ان شاءالله في درة الملاعب 20-10-2010 ولنا لقاااء ان شاءالله وبالتوفيق للزعيم |
في البداية اشكر الادارة على رفعها للموضوع واشكر كل من رد على الموضوع وبالتوفيق للزعيم يارب |
الحمدلله على كل حال ... ياجماعة الخير احنا لا نمجد ولا نبي نسيئ بالعكس والله وتا الله اني احكي اللي اشوووفه الزووووري احس انه فيه بطء غير طبيعي في استلام وتمرير الكوره مادري كيف يلعب الفريدي نجم بس يفك من العك الزايد ويحاول يتعلم التسديد العابد قدم اداء جميييييل جدا وكان متحرك رغم انه اضاع كذا فرصه ومرر كذا تمريره غلط مازن الفرج اصله لاعب وسط ايسر وقريتس دمره طلعه ورجعه اولمبي ولا يعتمد الا في مباريات حساسه طيب كان خليته لو احتياط مو اولمبي البرقااااااااااااااان والله خيب ظني كثيرررررر واثبت فشله ولي نجم لمباراه من ثلاث واثنتان ليس في الحسبان قريتس تكفى نبي نشوف عزوز الدوسري اساسي او تنزله لو شوووط الولد حرريف ويسدد . قريتس دخيلك غير بدري لا تصير مغرور وتكابر |
أخي العزيز أتمنى منك عدم توجيه النقد الى البرقان فهو أفضل لاعب هلالي حاليا.. وتوجيه النقد له لايخدم المصلحة العامة خصوصا أن البرقان كان من نجوم المباراة ويستحق جائزة افضل لاعب بل انني اطالب بأن يتم منح سلطان البرقان شارة الكابتنية واذا لم يوافق ان تمنح لمحمد نامي فهم أفضل لاعبي الهلال ومن يقول غير ذلكم مخطىء هدانا الله واياك لما يحب ويرضى,, |
الهلال لازم يحسب حساب ان ذوب اهان ماراح يسكت ... وآخر المباراة الهلال فتح فيهم شوارع ولو فكر الهلال ان مستواهم كذا فصدقوني مباراة الغرافة ستعود ولكن سيخسر الهلال ... ذوب اهان جدا صعب جدا صعب .. والفوز عليه يبي مجهود خرافي |
كلام جميل وكلنا خلف زعيمنا 20 اكتوبر ولكن حذاااااااااااااااااااااااري من الثقة المفرطة |
استغفراللله واتوب اليه يارب وفق الهلال |
إقتباس:
|
إقتباس:
اقول اعترف ايش يقرب لك البرقان :d |
| الوقت المعتمد في المنتدى بتوقيت جرينتش +3.
الوقت الان » 05:14 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd