وصلنا الرياض ( بحمدالله ) واتجهنا لفرع موبآيلي وماحصلنا التذاكر ... يعني بكره كل واحد يجي بدري ويشتري تذكرته - نادي الهلال السعودي - شبكة الزعيم

هلالي مكـــه · #1 30/09/2010, 11:32 PM

السسسلااام عليكم ورحمة الله وبركااااته .... مساءكم /صباحكم .. سووكررر

* وصلنا الرياض ولله الحمد الساعه 8 ونص بعد صلاة العشاء .. وقبل مانبحث عن السكن

اتجهنا لشراء تذاكر مباراة الهلال والاتفاق .. قلنا بالمرره نشتري التذاكر ونريح مخنا

من الزحمه بكره

... ومثل ماوعدتكم قبل كم يوم اني راح اشتري التذاكر وانزل موضوع

مدعم بصور التذاكر كمان .. وطبعا قلت للي معاي نروح نشتري التذاكر من فرع موبآيلي

اللي بتقاطع خريص مع خالد بن الوليد ... وصلنا هناك .. ودخلت للمحل .. وقابلت الأخ

السوداني اللي موجود...

أنا : السسلاام عليكم ياخووي ..

هو : عليكم السلام

أنا : لو سمحت انا جاي عشان تذاكر مباراة الهلال والاتفاق ...

هو : والله ياخي ماوصلنا شي اليووم ..

انا : طيب ممكن الاقي التذاكر بفرع ثاني ؟؟؟

هو : مااظن والله .. لأنها لو توزعت بأي فرع من فروعنا راح توصلنا
مثل باقي الفروووع .

أنا : يعني ماراح نلاقيها الا بكره بالأستاد؟؟؟؟

هو : اكييد طبعاً .. مادام ماوصلتنا ..انتظر لبكره وراح تلاقيها قدامك بالملعب .

إنتهى النقااااش بيننا

( ومثل ماتعرفو إحنا مانعرف فين بقية الفرووع ... ماكان عندنا حل ثاني الا ننتظر بكره)

عاد بعدها قلت خساره .. كان نفسي آخذ التذاكر وارتاااح .. دائم احب انام قبل

المباراه بيوم والتذاكر معاي

... بس مو مشكله قلت نشتريها بكره ان شاءالله ..

وراح نروح الملعب من بدرري عشان نشتري التذاكر قبل الزحمه وان شاءالله

يكوون الحضوور على قد التطلعاااااااااااااات .. ونبغى الملعب بكره فل يازعماااءء

* بالموضوع السابق طالبت الجمهور بالحضوور .. لأن المباراه هذي تعتبر مباراه مهمه

لزعيمنا .. والمباراه مو سهله أبد .. وراح نقابل الفريق الاتفاقي صاحب المركز الثاني

ولازم نساند فريقنا عشان يثبت اقدامه بالدوري .. وعشان نعطيه جرعه معنويه كبيره

قبل مباراة الذهاب الآسيوي ... ولاتبخلوون على ناديكم يازعماااااءءء

* كل المتابعين يتمنون سقووط الزعيم بالدوري والآسيويه .. لكن بمشيئة الله

ماراح يسقط الزعيم .. وإحنا راح نكووون مع نادينا ولعيبتنا .. وراح نحضر

ونساندهم .. عشان كذا اتمنى من الجميع التواجد بالإستاد ومساندة الزعيم

وصدقوني وقفتنا بكره مع اللاعبين راح تنعكس بالايجاب على مستواهم في

مباراة الاتفااق ... ومباراة نصف النهائي الآسيوي ..

* كان ودي اتطرق لنقاط ثانيه مهمه ... ولكن التعب والارهاق مو مخليني

قادر اركز ... لكن اتمنى اللي كتبته يكون كافي ... ولنا لقاء في موضوع

مفصل عن المباراه وماقبل وبعد المباراه بكره ان شاءالله ..

دمتم بوود .. وللجميــــــع حبي وتقديري